طرائف زوجية
هذي وحدة تقول
مره وصلني زوجي للمدرسه اللي كنت معلمه فيها الصباح
قلت له وانا نازله راح اشتاق لك يا حبي....
قال انزلي انزلي لا تروح عليك الحصه الاولى ..
آآآآآآه بغيت اصفعه بالمسطره
-----------
وحده ثانيه تقول:
زوجي مو راعي هدايا ابد
قلت ابشتري هدية جوال الي يستخدمة قديم
المهم غلفته وكاتبة في كرت شعر وكلااااااااااام حلو وعطيتة الهدية
وكنت بجنبة
المهم فكه بشراسة ووجهه فيه علامات استغراب
وتعجب وانا مبتسمة اطالعه
قال لمين هذا؟
قلت لك حبيبي ..
قال شاريتة بالفين وخمسمية يابنت ال؟؟؟!
طبعاً هو فرحان بس شوفوا التعبير
قسم بالله ذبلت ابتسامتي وهو يضحك يقول اول مرة احد يهديني بذا المبلغ
----------
وهذي وحدة ثانية تقول
انها حطت شموع من عند باب غرفة النوم والشموع طبعا على الارض وهي جلست في غرفتها وكاشخة وتنتظر زوجها
المهم دخل زوجها ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينة انهبلت من اللي شافته المهم الزوج دخل الغرفة وقفل الباب عليه ونام بروحه
----------------
وحده من الحريم ملت من الروتين اليومي في حياتها وحبت انها تسوي مفاجأه لزوجها بسهره رومنسيه ...
المهم قامت واطلبت كيكه كشخه وعصاير
وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو
.المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه وصبت له من العصير...المهم يوم بلع وخلص
قالها الحين وراك مجلستنا بالظلام حشى كأننا بقبر.
.تقول هي انها بلعتها وسكتت ما تبا تخرب السهره...قام وكمل وقالها الحين وراك طالبه حجم كبير من الكيكه كان طلبتي حجم صغير ليش
الاسراف ؟!
يالله روحي قومي العيال ياكلون منها عشان ما تنكب..
-------------
هذي وحده من البنات توها متزوجه وحابه تسوي حركه لزوجها .
..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي وانتظرته لحد ماشرف...المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...
-----------
وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها ، يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا يطلب كل مالذ وطاب على حسابها ..عاد هي جتها ام ال**** وقالت انا اوريه عشان يتأدب ويعزمني بدال ما انا أعزمه...
قامت وعزمته زي كل مره ويوم خلصوا ماكلين، قالت له اكرمك الله ياابو فلان على العشى...
عاد هو شرق بالعصير من الروعه قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع....
تقول عقبها طاح وجهه تأدب وصار يطلعها كل سنه مره
----------------
وفي وحده لاهي ولازوجها يدلون الرومانسيه وكانت بيوم راح تنقل لبيت ملك المهم شارت عليها إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس شاف الدنيا ظلام يوم دخل على زوجته ولع النور وطفى الشموع قالها الله يهداك الحين أنا شاري الشموع عشان اذا طفت الكهرباء تولعينهم <<<<<قمة التحطيم
----------------
هذي وحده جنااااااااانها البلونات
عااااااااد ذاك اليوم فكل جدار حطت نفاخه ..وشك شك هذا طبعا صوت مفاتيح الباب جاء رجالها ..ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون..
-----------
وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلووو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر
هههههههههه ههههههههـــــــــــــــاي
|
العرض العادي
