((( عتب و رساله مني للاداره والمشرفين ))) ارجوا الدخول والتوضيح

[نجراني]

السلام عليكم ورحمة الله وبكاته

قبل أكثر من سنه وقبل تسجيلي في المنتدى كنت متصفح وقارئ للمنتدى ( فقط ) بلا عضويه , ومن اكثر من ثلاث شهور سجلت في المنتدى و يعلم الله أني سجلت فيه لأسباب كلها من صفاء النية ونقائها ,لكي استفيد من أخواني وربعي بني عمي ( رجال حارث بن كعب ) وأفيدهم بما لدي من شي متواضع ...ولأني والله أني أحس أحيانا أني جالس معهم في بيت واحد

لكن عتبي كل العتب على إدارة ومشرفين المنتدى في بعض القرارات أللتي تجعل الرجال يفكر في الانسحاب من المنتدى لكي لا يخسر عيال عمه وأخوياه ؟؟؟؟!!!!.
يأتي عضو يطرح موضوع فيه من اللا مصداقية وفيه مشاحنات وسب وردود من بعض الأعضاء بينتهم بين ويجلس الموضوع أيام وأيام لفترة الين يتطاحنون فيه عيال العم وكلا يغلط على الثاني , ومن ثم يحذف الموضوع ...
ومن ثم يأتي نفس العضو ويطرح نفس الموضوع بتغيير العنوان ( نسخ لصق ) ونفس الكلام , ويجلس الموضوع فتره يومين أو أكثر ونفس الطحن وقلة الأدب والخطأ , ,,,, ويحذف مره أخرى ؟!؟! وللمره الثالثه نفس الشي والرابعه .....
وكأن الاداره تنتظر الأعضاء ( عيال العم) كلا يغلط على الثاني ...

ليه ما يحذف الموضوع من المرة الاولى وينذر راعي الموضوع أو العضو المخطي مهما كان من الردود او طارح الموضوع ...
واذا تكرر الخطا من العضو يوقف ويستبعد من منتدانا ومن المشاحنه مع عيال عمه اذا كان من عيال العم او عضو معنا مسجل أيا كان ....

مثال : قبل فتره طرح موضوع من عضو اسمه فهد بالحارث ( اربع مرات ) ( نسخ لصق ) جات فيه المشاحنات والخطا والمهاترات والردود الغير لائقه لمنتدى يحمل اسم جدنا حارث بن كعب ,,
, ليه اربع مرات يا اداره ليه ؟؟؟؟ ... تقرونه اربع مرات وتخلونه وكأنكم تقولون يالله تخاصموا ياشباب وانتوا عارفين انه محذوف كذا مره ( ليه )؟؟!

وتشوفون عدد الردود والمشاهده كبيره ليه ؟ المشكله نشوف بعض اساميكم من المتواجدين في المنتدى ؟!؟!؟
*******************************************
وانا متأكد انه بيطرح الموضوع مره خامسه وتشوفون ..... وين الانذارات ووين التوقيف ووين ووين ؟

يا اخوان ترى ما ودنا نخسر بعض ولا ودنا نخسر المنتدى ونروح لمنتدى ثاني ....
نبغا نكسب اقلام رائعه من رجاجيل كفو ...
والله ثم والله يافيه اعضاء ومشرفين واداره ودي اقابلها واجلس معها واخاويها لانها فعلا من كتاباتها تحس انها مهتمه في القبيله واخبارها وتحس انها فعلا تبغى تفيد وتستفيد من اخبار ومناقشات هادفه ومن مناسبات ودين وشعراء و ,,و,,و,,... وفيها قمة الرجوله والاحترام واللباقه في الكلام والكتابه ...

اخيرا المعذره ان كنت اخطيت في كلامي وارجوا من أي واحد من اخواني المشرفين والاداريين التوضيح ....

(والله يجمعنا على كل خير إنشاء الله)

اخيكم ابوزايد

[نجراني]

عابر سبيل و ابن مليح وابن ميسان ( يعني موضوعي نقل بعد ما كتبته بدقايق ) والعضو فهد( ماودي اغلط ) مواضيع مكرره ما تحذفونها ولا تنقلونها ؟

تكفون يا ربعي لا تغيرون نضرتي فيكم

تكفون تكفون

[اسير الغرام]

قبل فتره طرح موضوع من عضو اسمه فهد بالحارث ( اربع مرات ) ( نسخ لصق ) جات فيه المشاحنات والخطا والمهاترات والردود الغير لائقه لمنتدى يحمل اسم جدنا حارث بن كعب ,,
, ليه اربع مرات يا اداره ليه ؟؟؟؟ ... تقرونه اربع مرات وتخلونه وكأنكم تقولون يالله تخاصموا ياشباب وانتوا عارفين انه محذوف كذا مره ( ليه )؟؟!

[align=center]اخي فواز يعلم الله اني كنت في مناقشات مع احد الطاقم الاداري بخوص هالنقطه وان شاء الله المشكله في طريقها للحل ونفس الكلام قلته له ليش ننتظر ؟؟ ننتظر حتى يتخاصمون ؟؟؟[/align]

[نجراني]

اقتباس : المشاركة الأصلية كتبت بواسطة بن مليح آل بالحارث [ مشاهدة المشاركة ]

قبل فتره طرح موضوع من عضو اسمه فهد بالحارث ( اربع مرات ) ( نسخ لصق ) جات فيه المشاحنات والخطا والمهاترات والردود الغير لائقه لمنتدى يحمل اسم جدنا حارث بن كعب ,, , ليه اربع مرات يا اداره ليه ؟؟؟؟ ... تقرونه اربع مرات وتخلونه وكأنكم تقولون يالله تخاصموا ياشباب وانتوا عارفين انه محذوف كذا مره ( ليه )؟؟! [align=center]اخي فواز يعلم الله اني كنت في مناقشات مع احد الطاقم الاداري بخوص هالنقطه وان شاء الله المشكله في طريقها للحل ونفس الكلام قلته له ليش ننتظر ؟؟ ننتظر حتى يتخاصمون ؟؟؟[/align]

والله يابو مليح اني تضايقت جدا جدا واول مره اتضايق

ولكن لا حول ولا قوة الا بالله

والله لا يهينك يابو مليح

[ذيب ال خمسان]

اخي فواز كلام وجيه

اولا المنتدى لابناء القبيله بشكل عام وليس محتكر لشخص او اشخاص معينين فبعض الاعضاء من ابناء القبيله قد يكون في رايه الشخصي الحريه المطلقه كما في ارض الواقع وان قوله الصح ورايه السديد وخاصه ان الاكثريه يعرفون بعض فلماذا يدخل البعض بسم مستعار لان هو يعلم ان الاغلبيه يعرفونه حقيقة المعرفه فاي سوء تفاهم يولد المشاحنات
الجديه والعصبيه المتوارثه فيكون هناك مشاكل ومصالحات وحساسيات وتحيزات وختلافات فغريزة الاختلاف والاتفاق وماصآحبهاموجوده والمشكله الاتعدت الحدود على جميع الاوجه 0اخي فواز طرح المواضيع قيمة الموضوع ترجع لعقلية العضو ومستواه التعليمي وسمو معرفته واخلاقه0
فلماذا لانحمل بسم المنتدى الذي يحمل اسم القبيله بحب التسامح والتعاون والترابط بكل طرح شامخ يذكر به الجميع0
اخي فواز انت تحب الشعر وانت من ابناء القبيله وطرحت لك موضوع في قسم الشعر
وماسمحت لي الفرصه بالدخول اليه لاكني اعرفك بانك العضو الذي تحمل كل الصفات الحميده ولاتطرح الا حميد فلماذا لانحمل كلنا هذه الصفات ونتجه اتجاه القمه 0

كلنا عطاء

[ذيب ال خمسان]

اخي فواز

انا كما تعلم مشغول بترتيب القسم ولاادري عن موضوعك شي ولااي خلافات 0

[نجراني]

ابن ميسان ,,,

والله اني ما في خاطري شي ,,, ولا حسني الاخ اللي اسمه فهد

انا شرهت عليكم ليه ما حذفتوا المشاحنات والخطا اللي ضهر من الرجال هذا ...

لا تنتضرون الين الناس تكره بعضها البعض ...


على العموم يابن ميسان لا يهمك .... ويكفي رسالتك ذي ولا قصرت ...

واشعارك كلها على راسي والله ودائما ما اقرالك والله العالم اني اتمنى ان عيالنا كلهم احسن الشعار والله ثم والله وانت واحد منهم

الله يستر عليك يا ذيب

[ذيب ال خمسان]

يابو زايد

يشهد علي الله اني احسب موضوعك مطروح للنقاش على وجه العموم وخلافاتك مع غيرك مادريبها هل كانت في القسم فسجل ماصار لاتلحقني بالملامه 0

[آنين الشوق]

السلام عليكم ورحمة الله وبركاته
اسعد الله أوقاتكم بكل خير
عتب أن شاء الله نابع من صدق مودة أخوي الفاضل فواز والحقيقة تم حذف الموضوع المعني بصدد هذه الرسالة نظراً لمحتواه الخارج عن العادات والتقاليد وتجاوز لا محدود في مشاركات جميع الأعضاء بالأضافة لأستخدام الألفاظ الغير لائقة ومنافيه لأداب الحوار من الجميع ولا أعلم بأن للموضوع مسبقات خلاف ما يتضح لنا في رسالة العتب ولا يخفاكم بأن الطاقم الأداري يعاني من الكم الهائل من الشكاوي والمقترحات والمطالبات وجميعها قيد التمحيص والتدقيق وهذا يستغرق وقت ليس بقصير ولا يعني حدوث عملية تدقيق ومتابعة لموضوعاً ما تقصير أو خلاف ذلك بالعكس المتابعة أن شاء الله مستمره وقيد الأنظار ولن نغفل عنها ولن نسمح لأي شخص كان بممارسة ما يخالف شرعية المنتدى وسوف يطبق بحقه ما تقتضية مصلحة الجميع ونعدكم بذلك ونرجوا منكم المساعدة للحد من تلك الظواهر الدخيلة ولكم أطيب تحياتنا,,,

[يام والكبر لله]

فواز بن زايد
الاخ العزيز على قلوبنا من أول ظهور له على شاشة الكمبيوتر
غمرتنا بأخلاقك وتعلقاتك ومتابعاتك ومشاركاتك بيننا وفي كل قسم تقريباً
انا لن أخوض معك في مناقشة ما حصل
وفي ردي على موضوع الاخ / فهد بالحارث
ثق تمام الثقه باني لا أحب أن أخلط الامور لكي تتداخل فيما بينها
ولكن ما طرحته من تعليق على موضوع فهد بالحارث كان بكامل الشفافية
وما قلته كان نابع عن ما في داخلي دون تحيز للموضوع أو لصاحب الموضوع
كان صحيح مجارات لما طرح في الموضوع بكل صدق
ولكن ما عقب تعليقي من مشاحنات وذكر للاسماء واتهامهم هذا خطاء ولايجوز نهائياً
وكان من المفترض بان الطارف من الاداره قام بحذف تلك المشاركات المسيئه أو حذف الموضوع برمته دام انه خرج عن اطاره واصبح تهديف لاشخاص باسمائهم
أخي العزيز أبو زاااايد
انا لا احب بان اجمع ما في حقيبتي وانثرها هنا لكي لا اخرج من موضوع وادخل بموضوع
ولكن لقد عانيت انا وعوذ بالله من كلمة انا من بعض المداخلات التي افصحت عن اسمي
وللمعلوميه / لا يوجد شخص على هذا الكون لا يعتز باسمه ونسبه وخواله
ولكن لكي لا اقع في بعض المشاحنات حاولت بان اكتفي باسمي المستعار مع الفخر
باسمي الحقيقي والذي لا يخفى على الاداره وبعض الاعضاء في المنتدى
ولكن لماذا هذا الاسم المستعار محارب كونه لم ياتي منه الا كل خير
فما دام انها تمشي بخليها تمشي ولي وصلت حدها فقال المثل
(( ما دون الحلق الا اليدين ))
ولكن سوف اظهر بوجه اخر قد لا يعجب الكثيرين ممن يدعون فن النقاش و و و و!!

اخيراً وليس أخراً
أظم صوتي لصوتك بان جميع المواضيع التي تسبب مشاحنات لا يمحد عقباها
بان يتم ازالتها فوراً مع توجيه انذار عليني امام كافة الاعضاء لصاحب الموضوع
مع ذكر السبب بدون تحفظ وجعل الاعضاء جميعهم في العين السويه

هذا وتقبلوا فائق الاحترام والتقدير
واسف على الاطاله

اخوكم / الهواوي