معاناة إنسان ... ( وصية )..

[صدى الأحزان]

للتحميل أضغط هنا

رجع يسأل عن أخباري بعد غيبة سنه وشهرين

..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين

. وإهو ما يدري الدمعة تسيل ولا تسليني..

دمع.هالوجه..أو كنه جمع في غيبته جرحين

.. وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين

ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين

.. وأنا جيتك بهاليله وتكفى لا تخليني..

و أنا.. لامن نطق (تكفى) عطيته لوطلب ( هالعين )

..و أجود بكل ما يملك خفوقي وتملك إيديني..

و قلت : أبشر ولا يهمك تدلل وش تبي يا زين

.. تراني فدوه عيونك ( لو إنك جيت تشقيني )..

حبيبي لو تبي القمره عطيتك فوقها ثنتين

.. بعد لو تطلب النجمة أبنطق جيتك أضويني..

بعد هذا ضحك ..بعثر همومه سلهم الرمشين

.. وقال الله يا الطيب وأنا ظنيت ناسيني..

صراحة.. حيل تحرجني يا طيب يا أطيب الغاليين

.. ولا أدري كيف بوفيلك حبيبي وأنت تعطيني..

بعد هذا تسامرنا وتواعدنا بعد يومين

. . ووصيته على قلبي وهو مثلي يوصيني..

تواعدنا على الجمعة ((ولا جاني )) إلى الأثنين

. ومر أسبوع والثاني وشوقي يشتعل فيني..

تصدق عاد يا السامع !! ولا جاني الين الحين.

وقبل تسأل عن أسبابه بجاوب (( وإنت واسيني ))..

*

*

*

*

*

*

*

*

*

*

*

*



لأنه مات في غفله وأنا مت بغيابه لين

[[ عرفت إني كذا ببقى ولا أحد يقوى يحييني ]]..


منقول لأحلى أعضاااااااااااء


دمــــــــ الورد ـــــــــــــــوع

[سيف بير جابر]

يعطيك العافيه معاناه حملت معها اعذب الحروف الجياشه
اشكرك على نقلها بهذا الحس الرررائع
اخذتنا لاا بعد حدود المناجاه العاطفيه
لقلوب لاا تحتمل الانتضار
دائما مبدعه والابداع نهر تغرفين منه دون ان ينضب
اررررررق التحايا