قصيدة الشاعر : احمد مهدي عسلان بالحارث ..
قصيده متواضعه في سالم محمد شريان.......
سلامي على اللي ظافر العز ابن شريان
خوــي المـــواقف و المخـــوه مـــواقيفي
خوي(ن) ليا من جات في الاوله والشان
تلاقي عــزومه فوق كل التــــواصيفي
وانا ياعرب يا أنس يا مـــسلمه يا جان
انا شـــخص لاقا ف الـحياه المواقيفي
لقيت الرفــاقه واجده لين وقت (ن) كان
ولاكن عـــجزت القا طلب راسي وكيفي
ابا الصاحب اللي خاطره يسكنه إيمان
ابا صـــاحب موالـــي بعـرفه و تعريفي
أيــا بو محـــمد من فضــــل ربي المنان
لقيتــك و انا مشفي وشـــــفّي مواقــيفي
انا الصــاحب اللي لا بطا صاحبه حنّان
وشوقي لابن الأجــواد مجـــتم في جيفي
وترا ســاعة الفرقــا معك مثل فصل وكان
بمعنى لقا الشتوي بعد ملتــقى الصيفي
يا ليتك جوير (ن) لي ولو سابــع الجيران
يكوـن النبي وصّـــا علــــيك التكـــاليفي
وفي دونها يا صـــاحبي ي اقرب الربعان
ي وجه القبـال الســمح يا أغلى مواليفي
ي ســـــــقم المعادي يا سفــينة بلا قطبان
ي جنب الظفر سيف النصر جنبي وسيفي
ي درب النــجاه اللي من اوزاه ما قد حان
طريق (ن) صحيح و ما لحق ذكره الزيفي
طواريك يا ســــالم على عقــلي من أزمان
ولا ضـــنّي أبطــأ طاري (ن) مثلك بكيفي
عسى صحبتك ل الدوم يا مكرم الضيفان
ترا ذا حــكا قـــلبي مــهب من سوالـيفي
|
المواضيع المتشابهه
العرض العادي
