ذهبوا بعض الاعضاء وقلنا خيره ( ولكن ) ؟؟؟!!!

[ضضض]

اقتباس : المشاركة الأصلية كتبت بواسطة جمرة العرب [ مشاهدة المشاركة ]

علم نفسك اول الرجاجيل ماتحكمهم لاانت ولا اداره المنتدى ومتى ماجات العلوم حضروا لكن انت وش جابك عشان تخمج الماء يافرقنا وتطري النسوان اربك سميهنت اسمك مفارق الديره عشان النسوان وقفوهم تبغانا نطلب الاداره عشان نشوف موهبتك في الحب وتسمي نفسك هاوي الديره المنتدى ياصاح صحصح ماعاد به مجامله ووصل البعير الشارعه من هم على شاكلتك

اخي الكبير حلفني ما عاد ارد عليك برد غير لائق مهما كانت ردودك علي , وقال اسالك بالله ماعاد تغلط علييه لا هو ولا صوت بالحارث لانهم يمكنهم من ال بالحارث اخوانك وعيال عمك , وشاهين وعدته ان اكون وسيع صدر ولا اغلط عليك يا جمرة العرب , وانا على السمع والطاعه لهم .

خلنا في الموضوع ذا الحين , ولا تكثر و تخليني اغلط لاني باوجعك بالحكا ولا ودي اجوع اي حارثي اذا انت من ال بالحارث .

ارجوا انك تعلق على الموضوع .وانسى اللي بيني وبينك من خلاف وافتح صفحه جديده .

[الود طبعـ راشد ـي]

اقتباس : المشاركة الأصلية كتبت بواسطة مفارق الديره [ مشاهدة المشاركة ]

اخي الكبير حلفني ما عاد ارد عليك برد غير لائق مهما كانت ردودك علي , وقال اسالك بالله ماعاد تغلط علييه لا هو ولا صوت بالحارث لانهم يمكنهم من ال بالحارث اخوانك وعيال عمك , وشاهين وعدته ان اكون وسيع صدر ولا اغلط عليك يا جمرة العرب , وانا على السمع والطاعه لهم . خلنا في الموضوع ذا الحين , ولا تكثر و تخليني اغلط لاني باوجعك بالحكا ولا ودي اجوع اي حارثي اذا انت من ال بالحارث . ارجوا انك تعلق على الموضوع .وانسى اللي بيني وبينك من خلاف وافتح صفحه جديده .

اخيك الكبير على عيني وعلى راسي وسلم لي عليه وانت معه بس من هو يتشكك في اخي وابن عمي زي مانتوا عيال عمي اوجعناه بعد في الحكى صوت بالحارث رجال شهم ومن ربعنا وماحصل في المنتدى عشان فتنه الا على عز وارشيفه يحكم وماعاد ودي ارجع وش حصل بس ليه لان عيال عمنا مايبغون بينا ردى والردي لهو سيل فحن الزباره تشرب السيل لعام على قولة راكان بن حثبين رحمة الله عليه

وجهك ابيض وحن اخوان والله يبارك فيك دوم عشان كلمتك عيال عم

أسعدت بلقائك

[ضضض]

اقتباس : المشاركة الأصلية كتبت بواسطة جمرة العرب [ مشاهدة المشاركة ]

اخيك الكبير على عيني وعلى راسي وسلم لي عليه وانت معه بس من هو يتشكك في اخي وابن عمي زي مانتوا عيال عمي اوجعناه بعد في الحكى صوت بالحارث رجال شهم ومن ربعنا وماحصل في المنتدى عشان فتنه الا على عز وارشيفه يحكم وماعاد ودي ارجع وش حصل بس ليه لان عيال عمنا مايبغون بينا ردى والردي لهو سيل فحن الزباره تشرب السيل لعام على قولة راكان بن حثبين رحمة الله عليه وجهك ابيض وحن اخوان والله يبارك فيك دوم عشان كلمتك عيال عم أسعدت بلقائك

ها المعذره باقولها قدام الكل لك ياولد العم . بس حط في بالك اي واحد اشوفه يضع الفتنه في بعض المواضيع والله لا اوجعه في الكلام الين يتعقل ونطرده من المنتدى كلنا .

وياليت تقول رايك في الموضوع بصراحه وبصدق ..

[ابن دويس]

[align=center]بسم الله الرحمن الرحيم

السلام عليكم ورحمتا من الله وبركاتة...

اخواني وبني عمي الكرام الحمد لله على نعمته التي منا علينا بها وجمع ابناء القبيله من جميع انحاء المملكه
في مجلس يومي تطرح من خلاله اخبار القبيله اول باول...

اخواني الاعزاء الحوار والمشاوره بيننا البين لابد ان يكون في إطار المخاواه والمحاباه والوصول الى الهدف منه والبعد كل البعد عن الإصرار على الرأي الشخصي وتقبل الرأي الآخر والنقاش الهادف حوله

منتدانا ولله الحمد والمنه اصبح مزارا لجميع افراد القبيله والقبائل الآخرى ولابد من ان نعكس للمتصفح في
المنتدى مدى ثقافتنا وتاريخنا المشرف الذي لايخفى على الجميع منا ولا من القبائل الآخرى.

اثار الموضوع اخونا الغالي مفارق الديره على ان البعض من الاعضاء قل او إنعدم وجوده في المنتدى
بعد ما صح الصحيح من إستبعاد العنصر النسائي في منتدانا القبلي وهذا وجهت نظره نحترمها قد يكون صحيح او يكون هناك مانع من تواجدهم لظروف خارجه عن إرادتهم ونلتمس لهم العذر وعسى المانع خير ولاكن ما لفت نظري هو ان بعض الاعضاء كأنهم كانوا ينتظرون هذه الفرصه وجاتهم من عند الله
وابدوا هجومهم وإتهاماتهم على الاداره ويستنكرون الوضع ويريدون رجوع العنصر النسائي وان القلم النسائي افضل من القلم الرجالي في المنتدى مهذا الكلام ياساده ليس بهكذا تبدي تبريراتك اخي وولد عمي الكريم فهناك رجال واعضاء يقف القلم عاجزا عن مجاراته من مدى ثقافة كاتبه والمنتدى يثبت كلامي
واعتقد ان هذا كان طلب وإلحاح من اغلبية الاعضاء الغيورين على رقي منتدى قبيلتهم والاداره مشكوره
سعة في تلبية طلب الغالبيه ونحن الان نسعى جميعا للعليا لقبيلتنا الغاليه


واقول لله درك اخي الغالي مفارق الديره على طرح هذا الموضوع لاقولها بعالي الصوت

لا الف لا للعنصر النسائي في منتدى قبيلتنا الغاليه....... [/align]

[وادى الرغيب]

[align=center] الله يمسيكم ويصبحكم بكل خير
الرأي الشخصي:-
حقيقة لا أتهم العنصر النسائي بالإخلال أو الأساءة الى منتديات بالحارث سيف نجران فأغلبية من سبق لهن الحصول على عضوية بهذا المنتدى ومشاركات سابقة كان لهن دور ايجابي وفعال من حيث مشاركاتهن بما يدفع من عجلة المؤشر العام لحصيلة التفاعل والتواجد والتنافس بالأفضيلة وكان تعاملهن في حدود المنظومة القبلية ألا ما قل من اللواتي يبحثن عن انتهاز الفرصة لهدف غير سوي وينتج عنه أساءة عامة وبالنسبة لقرار أدارة الموقع في منع مشاركة العنصر النسائي قرار سليم وخطوة ايجابية ونشكر أدارة الموقع على تلبية رغبات الأغلبية من أعضاء المنتدى الرافض لمشاركة العنصر النسائي في مجالس القبيلة ونتفق معهم على ذلك ,
وبالنسبة لغياب البعض من أعضاء المنتدى بسبب عدم السماح بمشاركة العنصر النسائي فهذا نلتمسه من الأقلية بالأضافة الى تدني مستواياتهم وجهودهم المعلومة لدى الجميع سواء كان من الأعضاء أو من المشرفين فلهم النصيب الوافر وتواجد العنصر النسائي في بدايات المنتدى وقطع الطريق عليهن في هذا الوقت بالتأكيد يخلف مؤثرات لمن كان يركض ورائهن ويترزز لهن بحروف مبعثرة . وللأمانة هناك أقلام نسائية نادرة .
أشكرك أخي مفارق الديرة على طرح الموضوع.[/align]

[الود طبعـ راشد ـي]

اقتباس : المشاركة الأصلية كتبت بواسطة مفارق الديره [ مشاهدة المشاركة ]

ها المعذره باقولها قدام الكل لك ياولد العم . بس حط في بالك اي واحد اشوفه يضع الفتنه في بعض المواضيع والله لا اوجعه في الكلام الين يتعقل ونطرده من المنتدى كلنا . وياليت تقول رايك في الموضوع بصراحه وبصدق ..

اهم شي لاتهدد يابن العم لان مايدعي الفتنه الا شبابها وماحن هل فتن بس من فتن وريناه شر افعاله وانا اعتذر مثلك وماخلاني انشب الا بعد مانشبهنت لي عشان من يوم دخلهنت المنتدى وانت ناشب لي تقول شبث بس الحين صرت على قولة المثل كل طير وله وليف وان شاء الله ولفنا بعض وجعله دوم

انزل تحت في الرد الثاني وشف رايي بصراحه وصدق ولاهنت ياذيبان



أسعدت بلقائك

[الود طبعـ راشد ـي]

اول شي من تبع النسوان سوا انبه حنا قروم ورجال ومن فصايل حارث بن كعب والمره مالها الا بيتها وماشفنا خير يوم راحوا للجامعات البنات قالوا نبغى سيارات وطيارات اف 15 ودايما ماتشوف يتبع النسوان الا الي خالطهم ومجلسه من مجالسهم اما حن على دلة مهيله وعلوم نتغانمها مع مثلك وشرواك ياولد العم ونعناسي النسوان يوم طريهنتهم قد المشاهدات 500 وفوق ولتحاكوا الرجاجيل اندسو بعض العرب غير ليته يتخمر عشان ماحد يعرفه وباقول لكم سر من اسرار الحارثي الاصيل مره شفت موضوع يتباركون للبنت اكثر من الصبي في المناسبات وقمت وقلت خلني اقول انه جالي بنت والدعوه شلاخ بس عشان احسس الي قاموا يتباركون للبنت اكثر من الرجال قصدي المالود الجديد عاد معكم غير ماهنا البنات الي دخلو المنتدى اذا ردت على الواحد قالت له جعلك وسام على صدري ولا رد عليها العضو قال انتي شمعة المنتدى والمطاليق محاربينهم وحاسدينهم وفوق ذى كله يقولون وش عقلك انت انت متحجر انت انت انت والمصيبه اما جا موضوع عن القبيله الي راح يتمشى في السد ولا يتبع السيل ويكلم الي حوله في المنتده هااااااه حذفوا الموضوع عشان ادخل المنتدى وجه المغبى مايلام قلت ابشرك حذفوه بعد ماغسلناهم بديتول

يامفارق الديره ياخوي البنات يوم وقفوهم ماذهبوا بعض الاعضاء بس بعضهم تعجم ماعاده بداري وش يرد عليه لاعنده قبيله ولاشرعها وقال ذاك كبوكم منه انه على فلان بن فلان وهو اشلى منه في الاساس وواحد قال لي بعظمة لسانه وش دخلكم تقولون ذى جاله صبي وذى تزوج وذى مرض الظاهر الرجال ذى مايزور مرضان ولايفقد شيبه ولاعجوز ولايبارك لعيال عمه وحده يكلمهم تلفون في السنه حسنه ولايعاون متزوج ومتكاه الظاهر مع الي انتوا خابرين وهي الي تقوده مثل الشاه عشان كذا تشوفه يتبع النسوان من الغبن يبغى له وحده حقت مطاعم وتماشي لهاف مون وببي البلاك بيري جعله الانفجار


النسوان بشر بس ليه تفضح نفسها تبغى تداحش الرجاجيل في علومهم يعني مسترجله وتبغى وظيفه عشان تشتري مكتبه ضخمه للصاله ولامفرش فيه صورة توم وجيري ولاعدنان ولينه وتبغى تسوق سياره عشان مثل المصريين يقولها منيين قايه تقول من عند اصحابي ويرد عليها هم كويسين ترد عليه اه ويسلموا عليك وعازمينك على العشاء توموروا

اخر شي باقولها بيض الله وجيهكم يااداره وانتم شليان وعداكم العيب وعطيتوا بعض العرب على عقولهم ويوم حسيتوا ان السالفه مسخت دهقتوا الدرب عليهم

أسعدت بلقائكم

[تكاول للديكورات]

السلام عليكم ورحمه الله وبركآته
اخواني اعضاء منتديات بالحارث
الاولين يقولون_ ياغريب كن اديب _
انا احب اشارككم لاني احس نفسي واحد منكم والله
اولا: بالنسبه لمشاركت العنصر النسائي في منتدى قبيله مايصلح ..وانا عندي احساس ان فيه شباب يدخلون باسماء بنات ممكن انهم من خارج القبيله لاثاره الفتنه بين افراد القبيله قال من انت ومن آنا كلكم عيال عم واخوان وخوال ... انا والله من حبي لمنتداكم اني تركت اكثر اللمنتديات لما اجد فيه هنا من الطيبه والاخوه والمواضيع المفيدهـ من ناس ضحو بوقتهم من اجل خدمه ربعهم وهذا جهد يشكرون عليه ..
انا من خارج قبيلتكم وردودي قليله ومشاركاتي اجي اقرا واطلع لاني احس انه شي خاص وماأيد وجود اشخاص من خارج القبيله
المفروض ان الاداره العزيزه عند تسجيل العضو يقوم بكتابه اسمه الحقيقي ورقم جواله ..ولاللاسماء المستعاره ...
اخواتنا العزيزات فيه منتدى عالم حوآء افضل منتدى نسائي وراح يستفيدون منه بشكل غير طبيعي
اعذروني على الاطاله حبيت اشارككم وتقبلو تحياتي

[أبو مليدان]

[align=center]أخي المنصوري جزاك الله ألف خير وهذا من طيب أصلك بارك الله فيك ولا خلا ولا عدم من الطيبين شرواك . تفبل فائق تحياتي واحترامي يا غالي .[/align]

[ضضض]

اقتباس : المشاركة الأصلية كتبت بواسطة أبوحمد [ مشاهدة المشاركة ]

انت تؤيد الإداره وتثني عليها في شطبها للنساء ياأخي الكريم:أنا أخالفك الرأي وبقوه فلا بد من وجودهم فهذه خطوه غير موفقه من قبل الإداره والدليل شاهد المنتدى قبل 4أشهر كيف كان يحمل من مشاهدات وحضور قوي وتفعيل للمواضيع بكل سلاسه واليوم كيف ؟؟؟؟؟؟؟؟هدوء تام وركود عام شاهد المواضيع التي توضع قلما يأتي رد واحد عليه وهذا بسبب الركود الحاصل والواضح أتمنا من الإداره الإنتباه لمثل هذه المواضيع والتفكير جيدا قبل التصرف. وأن تتصرف بحنكه. دمتم بود

يعني تياشه قدام النسوان هههههههههههه