الرئيسية التسجيل مكتبي  
.

   
 
العودة   ::منتديات بالحارث سيف نجران ::. > المنتديات الأدبية > منتدى الشعر
 
   
إضافة رد
   
 
 
أدوات الموضوع طريقة عرض الموضوع
 
   

   
 
  #1  
قديم 06-25-2009, 06:05 AM
بالحارث العزيزة بالحارث العزيزة غير متواجد حالياً
Senior Member
 
تاريخ التسجيل: Jun 2009
المشاركات: 6,856
افتراضي الشاعر/ عامر المري ... رجال يـام.

الشاعر / عامر بن نوطان الجابر المري


هو عامر بن حمد بن نوطان آل جابر المري (( رحمه الله )



وهو ابن العقيد والفارس المعروف حمد بن نوطان احد فرسان قبيلة آل مره العريقه



[align=center]

رجال يام





ياراكب اللي مـن الدرهـام قفالـي

بالليل تسري وطول الصبح صلابـه



هجن ٍ الا من سعفها الصوت تجتالي

تشدي لشراد ريـم ٍ صاعـه ذيابـه



من فوقها من يبوج المشبر الخالـي

وان هابوا الناس عسر الدرب ماهابه



تنصى لنا اللي مع الطرشان وصالي

والموعد اللي طلب منا حضرنا بـه



سلم على اهل الوفا ذربين الافعالـي

اللي لكل الفخـر والطيـب **ابـه



اللابـة اللـي توطـي كـل عيالـي

واللي نزل في حماهم خـاب طلابـه



ربع ٍ لهم في سنام المجـد منزالـي

صعب ٍ على كـل رجـال ٍ تهقوابـه



عدوهم لاذكرهـم فـي خـلا خالـي

من شدة الخوف نومه ماتهنـا بـه



صبيان يام ٍ حماة العرب الاجهالـي

كم طامع ٍ جا يبيها واخـذت ركابـه



المال دونه رجال ٍ ترخـص الغالـي

حامينها يـوم كـل ٍ رزقـه نهابـه



الا نصاهم ضعيـف ٍ زملـه هزالـي

كنه بعالي جبـال طويـق وهضابـه



مطوعة راس من بـه زود وهبالـي

متبين ٍ بالخطـا والحـق عيـا بـه



اهل بيوت بهـا للضيـف مدهالـي

ومعـ**ٍ يبهـج الخاطـر برحابـه



وان كدر البـال شـي ٍ ماتشافالـي

سليت سيف ٍ تنومس قضبة نصابـه



صوت ليام ٍ الا مـن حـدك الجالـي

وابشرك لارفعت الصـوت بالثابـه



يام ٍ عمود الذرا في كـل الاحوالـي

والبيت لولا عموده طاحـت اقطابـه



غارٍ يـذري وتلقـى فيـه مقيالـي

وغار ٍ الا جيـت صوبـه ماتذرابـه



ماهي تذل الصعايب كـون برجالـي

وتصبر على الهون يمنى ٍ مالها لابه



كيف ادرك العز وانا فـرد والحالـي

مايدرك العز رجل ٍ قلـوا اصحابـه



ان ساعد الكف قوا الزند من عالـي

والا قصر شبرهـا عمـا تهقوابـه



جات الحمايا وسقنا الحـال والمالـي

وسقنا المظاهير من يبرين وترابـه



ماعاد حن نستمع فـي كـل عذالـي

واللـي تغيـب بعـد ماعـاد كنابـه



خيل ٍ تنـازي بشيبـان ٍ وجهالـي

وحبل الرسن مايجود فيـه قضابـه



وضاع العقل من رجالٍ كان عقالـي

ومن الدجر كنهـم للخمـر شرابـه



لعيون غـر ٍ تهـل الدمـع زلالـي

ويقول (علي المرضف) مالي الابـه



تقدم الجمـع عـاد الفـي ماماليـه

ذاك يوم ٍ على العدوان يدعـى بـه



خذنا ثلاثين اصيل ٍ سوقهـا غالـي

من فوقها كل شغمـوم ٍ رمينـا بـه



لعيون سلمى هزمنـا كـل جمالـي

واقفى وخلا الحريم ونـارت كلابـه



حريمهم تنتخـي مـن قلـة الوالـي

والمال همل وحنا اللي حظينـا بـه



الشيخ (ابن جمعه) لنا دز الارسالـي

من هجرة عريعره وصلتني ركابـه



يامرحبـا يـوم مرسولـه تعنالـي

والجيش جا_والشلايل_ جات برقابه



عيناك ياللي عيونه سهرهـا طالـي

من كان حن فزعته نومه تهنـا بـه



سرنـا عليهـم بتكبيـر ٍ وهلالـي

والروس تحذف (وابن جمعه) يثارابه



خافي ٍ حدابه علينا القـادر الوالـي

طقه عقاب ٍ فـرا جوفـه بمخلابـه



يدور المنع حاديـه اشهـب اللالـي

مايدري ان كل صولتنا من اسبابـه



بالخنجر الحضرميه حطـه اوصالـي

ياليت اخـو فايـزه عينـه تحلابـه



وصيته الا لبسوهـا ثوبهـا البالـي

لبسوا حلايل عدانـا ما**وهـا بـه



وصلاة ربـي عـدد ماهـل همالـي

على نبـي ٍ هدانـا واهتدينـا بـه


---------------------------------------------------
[/align]
رد مع اقتباس
 
   

   
 
  #2  
قديم 02-05-2010, 10:57 AM
راكـــان ال زعرر راكـــان ال زعرر غير متواجد حالياً
Banned
 
تاريخ التسجيل: Jun 2009
المشاركات: 4,600
افتراضي

صح الله السان الشاعر عامر المري

لاهنت اخوي عابر سبيل على النقل الجميل
رد مع اقتباس
 
   

   
 
  #3  
قديم 02-05-2010, 08:08 PM
سمو الاحساس سمو الاحساس غير متواجد حالياً
Senior Member
 
تاريخ التسجيل: Jun 2009
المشاركات: 1,392
افتراضي

أخـــ عابر سبيل ـــوي

صح لسان الشاعر / عامر المري
قصيده في قمة الروعه والجمال
ولاهنت على النقل المميز
شكراً لك
رد مع اقتباس
 
   
إضافة رد



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 01:37 AM.


Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd diamond