][][§¤°^°¤§][][بداية استسمح من الاداره وكلكم انا استحليت هالموضوع وتربعت فيه وحطيت عجم على شكل دائري من حولي ابغى اكتب هنا افراحي وهمومي ومعاناتي و ايامي وخواطري ان جت وخواطر اعجبتني وكل رد احطه هنا يمثل الحاله اللي انا اعيشها حتى اخباري وكمانه بتعرفون كثير من شخصية فلوعه ][][§¤°^°¤§][][
يقولون السكوت علامة الرضى يعني موافقين اني أكتب هنا كل اللي ابغاه وكمانه يقولون اذا كان الكلام من فضه فالسكوت من ذهب يعني ما احسني ساكته ومو مسوية ازعاج
بسم الله الرحمن الرحيم وعلى بركه الله تفتح فلوعه موضوعها وقصت الشريط بعد ما عضته بفمها حتى تقطع الشريط لانها ما حصلت سكين وعلى طاري السكاكين كنت على وشك اقطع يدي اليوم وانا اقطع السلطه للغدا بس الله لطف وستر علي لانه لو انقطعت اصبعي ماكان قدرت اكتب ورح تنحرمون من مواضيعي الجهنمية وكتاباتي اللي تجيب النوم وعلى طاري النوم تصدقون ماجاني نوم البارح مدري امس لانه كنت مسخنه وكل اخواني سوو فيني زي طاش ماطاش ان فيني انقلونزا الخنازير ههههه
أنا فلوعه وهذا مو اسمي الحقيقي لا لا ابدا اصلا لو كان اسمي فلوعه ولا فلع كان انتحرت .. اسمي الحقيقي مكون من 3 حروف اذا حذفتوا الحرف الاول صار فعل امر
فلع كلمة يمنية تموت ضحك لو تعرفون معناها بتضحكون كيف عرفتها جارتي يمنية وتكلمني باليمني لما تبي تتونس على راسي فقالت صدفة كلمة فلع فأعجبتني وصرت ارددها كثير
فلع : فتحه على حرف الفاء وكمانه فتحه على حرف اللام ولكن العين حطوا عليها سكون وبعدين بقول لكم وش معناها لاتكونوا مستعجلين لانه في العجله الندامه
فلع شخصية مرات تكون رومنسية مرات ملحوسه مرات خبل مرات ذكية مرات حزينه ولكن اغلب المرات مهمومه يعني على حسب المود
شعري قزيز عشانه ماتقولون اني امدح نفسي واجد احب الوناسه وما احب الشعر وكورة القدم لان اخواني سوو لي ازمه من كثر مايتابعونها وانا ابي اشوف ام بي سي فور ما احب اطول بالنت وجلساتي محدوده ... أكتب خواطر وهي تجي على نوعين خواطر احتفظ فيها لنفسي وموجوده في كتاب تحت مخدتي ومن جرب يفتحه من اخواني قصيت يده لاني أكبر وحده من اخواني العيال والبنات 3 خبلان و خبلة واقرب واحد لي بالعمر بيني وبينه 8 سنوات يعني اشوفهم بزران عندي والنوع الثاني من الخواطر اسميه وسوسه وهي اشارك فيها اللي يبغى يقراهم ماعندي اي بروبلم
حلينا بالشرقيه وماكان ودي وقتها نطلع من نجران بس الحين ماعاد ودي بنجران ما احب الطلعات كثير برى البيت ... نباتية الى ابعد الحدود .. ولا احد يقولو اني عثبر فاجي اعثبر وجهه ..................... أحب السفر وخصوصا يوم رحنا صلاله و دبي
وجالسه بس اعلمكم اني سافرت ها ها ها
أعشق الوحده والبحر والهدوء وانطوائية ومنعزلة ولي عالم روحاني خاص فيني من جد لاتفكرون اني امزح .. دلخه بالكمبيوتر ومن جنبها ولغتي الانجليزية حلوه تمشي الحال احسن من غيري
عرفت المنتدى عن طريق اعلان في منتدى ثاني فقررت يكون اول منتدى نجراني اكتب فيه
هذه انا بشكل مبسط جدا جدا جدا والجاي ان شاء الله بيكون احلى مابين قلبي وهمي وقلمي !