تخريف عاشق
السلام عليكم
حبيت هالمره اشارك بالغزل تلبيةٍ للأخ صالح
وارجو ان هذه المتواضع تتقبلها مسامعكم
وتحوز على رضاكم
[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
الظاهر اني ابحر الاحلام مربوط =وبين الحقيقه وبين الاحلام فارق
النار شوقك داخل الجوف محطوط =وتدري لهيب الشوق وش قد حارق
اعيش حلمي يالغلا شوط في شوط =واقول يمكن للحقيقة مناطق
اتخيلك واحلمك وابات مضغوط =بالشوق ناطر بالوله منك بارق
ياما من اجلك موتري يضرب خطوط =يلي ملكت الروح وانفاس خافق
ياكن رمشي لا انعس الجفن كالسوط =يجلد وجفني بالسهر لليل شارق
يازين لا تقسى ولا تاضع شروط =وافتحلي ابوابك اذا جيت طارق
لو كنت تعرف وش خفى القلب مضبوط =لا كان شفت القلب بالقلب طابق
وسواس فكري بغب الاحلام مقطوط =وخيالي يبني شوق مليون طابق
تدري وش اللي يجعل القلب مبسوط=إن حس بك قلبي حقيقه وعانق
يااغلى من الدولار والين والنوط=تعال عندي طالبك بس وافق
لو شعر ودك من غلا الحب ممشوط =تعال غطيني إذا كنت صادق
الظاهر اني بين الاحلام مربوط =وهو مادرابي مير تخريف عاشق [/poem]
|
العرض العادي
