اعقل مع العقال واضحك مع الخبل

[الط]

مما أعجبني لشاعر اسمه سعد العتيبي:

[align=center]المجتمع هذا يبي له محنّك
عاقل مع العقّال خبلٍ مع الخبل
شد الحبل إذا ارتخي الحبل منّك
ولا بد لا اشتد الحبل ترخي الحبل
وإذا تخالف شوف عينك وظنّك
خلك نبيل ولا تعدى على النبل
ما هوب لازم تنشد الناس عنّك
في موجز الأخبار مع ( ماجد الشبل )
ولا بد ما تعمل على قد سنّك
لا تندفع خلف المجانين والهبل
لا لا تعجل في خطاويك كنّك
مطرود في دمٍّ تقطع به السبل
خلك مبنّك لو منتب مبنّك
رزقك على اللي منشي المزن والوبل
ولا لا تحرى من عدوك يحنّك
النذل مذكوره سوابقه من قبل
وخل التواضع يا ابن الأجواد فنّك
ولا يجذبك من يقرع الدف والطبل
وكان الليالي من قساهن عطنّك
اصبر عساهن بأجمل ظروفهن حبل
والمجتمع دامه يبي له محنّك
اعقل مع العقال واضحك مع الخبل [/align]