نصائح الى صالح
[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
الله مـن وقتنـا الشيـن مـا قسـاه=لو قد صفا لي يـوم شانـت سنينـة
طبع الزمـن غـدار هـذي سوايـاه=ومن عاش في ذا الوقت شاف اللعينة
حكم الزمـن قاسـي غصبـا قبلنـاه=وحكمه رضينا بـه ونفسـي حزينـة
ولاجل ستر الحـال غيظـي كتمنـاه=سلاحـي الايمـان حبالـه متيـنـة
درب الستر شايـك وحنـا جزعنـاه=ومن يمسك الجمـره تحـرق يدينـه
دروب الصبر صعبه وحنـا سلكنـاه=وخضنا بحار الصبر وحلـه وطينـة
صبرنا على ذا الوقت وكاسه شربنـاه=ومن يظلمـه ظالـم ربـي ضمينـه
ومن شان ستر الحال شف العمر بعناه=وصبرنا على وقتـي حلـوه وشينـه
ودروب فيه أنـذال مـا كـان لاطـاه=ولا اشيل في صدري على حد ظغينـه
واسلك طريق الخيـر وقلبـي تبنـاه=مربى على النامـوس تسلـم يمينـه
وقلبي عـن الأفـراح يامـا حرمنـاه=طبع الزمن سجـان وقلبـي سجينـه
وداري من الإحـزان شفونـا بنينـاه=وحطيت فيـه إسـرار قلبـي دفينـة
ويا صالـح البـارح ليلـي سهرنـاه=وكم ليل يا صالح مضـى ساهرينـه
ودمعي على الخدين يـا مـا نثرنـاه=وكم ليلتن دمعه نشف وسـط عينـه
وسرنا على المعكاز وحالـي رثينـاه=وظهري انحنى من وقت ما فيه لينـه
وراسي غزاه الشيب من الي سمعناه=وتناقلتـه اخبـار علـى كـل عينـه
يا صالح اقر الخـط وافهـم خبايـاه=وادعي لبوك اليوم عسـى الله يعينـه
وكفكف دموع العيـن تكفـي معانـاة=توك صغير السـن ونفسـك حسينـة
وانصحك لا تركن على الوقت والجـاه=ولا تامـن الدنيـا شفهـا غبيـنـه
أوصيك في إخوانـك بلحـب ترعـاه=ولو احتاج لك في يوم تاقـف تعينـه
ولا تسمع العذال في اخيـك ترضـاه=ولا تسمع الواشيـن واهـل الفتينـه
الناس ما ترضـى بشـوف المخـاوة=خلك ذكـي وافهـم وحـاذر تهينـه
كن سيفه المسلول مسلط على اعـداه=ويمنى بـلا يسـرى تراهـا هوينـة
ودافع على عرضه وبالـروح تفـداه=العـرض واحـد والمخـوة ثميـنـه
أوصيك إنا يا ذيـب لا توكـل الشـاه=لا تطمع بها يا ذيب ولو هي سمينـه
واسلك طريق الخير نهجـك رسمنـاه=ولا ينفع المخلوق سوا حسـن دينـه
واترك طريق الكذب وخـل المـلاواه=ومجلسك بين الناس وقـار وسكينـه
ومن يرحم المسكين شف الرب يتقاه=علاقتـه بالخالـق تصبـح متيـنـه
الأرحام قال الله من وصلها وصلنـاه=ومن يقطـع الأرحـام ربـي يشينـه
ومن بر شيبانه رب السمـاء يحمـاه=ويزيد فـي رزقـه ويحسـن يقينـه
ومـن أمنـك لا تخونـه وتنـسـاه=ولاتخاف قول الحـق نفسـك امينـه
واعرض عن الجهال وأهـل المغـالاه=من سيـار الأنـذال فـارق ضنينـه
وأوصيك ثم أوصيك وأزيـدك منـاداة=شف المرا يا صالـح يشبـه قرينـه
ومن يصنع المعروف لا بـد ينسـاه=ولا ينتظـر رده مــن موخذيـنـه
ومن يزرع الاحسان قد طاب مجنـاه=ومن يـزرع الشـر يجنـي الغبينـه
وختامها يا عالم بمـا قلبـي اخفـاه=فرج علـى مسجـون همـه ودينـه
واستر عليه الحـال ستـرك طلبنـاه=عبدك رضـي حكمـك فـي ظالمينـه[/poem]
[align=center]"وسلامتكم"[/align]
|