الشعر هاجوسي
[poem=font="simplified arabic,7,white,bold,normal" bkcolor="transparent" bkimage="../backgrounds/22.gif" border="none,4,gray" type=1 line=0 align=center use=ex num="0,black"]
انا كذا من يوم ربي خلقني=ما احب اجي عادي ولا اروح عادي
ولا اطيق نجري بالملالاء يدني=إلا لمنهو للمواجيب بادي
من مد لي بالطيب فاجيه كني=سيلا يسوق الغيث في كل وادي
ومن بالرداء مدته لا اعميه لأني=تخصصي صدة هجوم الأعادي
ولا اعد واحد في غيابي طعني=اجري مضاعف عند رب العبادي
هقيت في بعض المخاليق ظني=وازريت لا اوفق عليها اعتقادي
ولحم النميمه ماقوى فيه سني=وكوب المجامل مانشرب من عنادي
بنيت نفسي يوم كلن جهلني=وصوبت في راس الهزيمه زنادي
وعشقت من لبس الفخر ما فتني=واسرجت من ساس الكرامه جوادي
ونوم العطاله ما يدانيه جفني=ما انعز رجالاً يحب الرقادي
الشعر هاجوسي من صغر سني=متوارثه من جد لآخر اجدادي
سقته على المسحوب والطرق فني =من قبل لايطلق على البوم شادي
وحرقت به سبعه وستين جني=وزرعت بجنان المطاليق كادي
لاني كذا من يوم ربي خلقني=ما احب اجي عادي ولا اروح عادي[/poem]
وسلامتكم
|
العرض العادي
