يالله يا منشي السحاب المزابير

[ذيب ال خمسان]

بسم الله الرحمن الرحيم
والصلاة والسلام على اشرف الانبياء والمرسلين
نبتعد او نُبعد ... ستبقى نجران نبضنا الدائم ..
متواضعه اتمنى ان تجد منكم القبول00

[poem=font="simplified arabic,7,black,bold,normal" bkcolor="transparent" bkimage="../backgrounds/8.gif" border="none,4,gray" type=1 line=0 align=center use=ex num="0,black"]
يالله يا منشي السحاب المزابير= نو ٍ تراكم مع شعى البرق مطار
تفرج لمن حالت عليه المقادير=جسمه بدار وقلبه معلق بدار
نعيش غربه لا ولا في الأساطير=غربه وصارت والسبب ذنب ماصار
حكم ٍ على بعض الوجيه المسافير= مثبت ٍ في جبهة الحاضر بعار
حكم ٍ مسمر والكذوب المسامير = تبرير رغبات ٍ ولعبات شطار
رغبات عجزت لا تنوش التبارير=ولعبات تخلق من عدم كل الاعذار
ناتي الديار تقول كن حن مسايير= هلها وصرنا للاسف خلف الاسوار
ناتي لها مثل الجنود المغايير= وجه السما من خلفنا عج وغبار
ونروح منها لاعنين المشاوير=كن بعضنا يسحب على وجهه النار
نمشي طريق ٍ قاعها كالسواطير= حمر ٍ من دمينا مثل ثوب جزار
ارواحنا تقطف سداد لفواتير= ظلم ٍ / مع سابق ترصد واصرار
لكن نسير وما نهم المخاسير= لعيون دار ٍ نفحها عطر وازهار
ولعيون ومضات النجوم المناوير= نتبع سناها ونتعلق بالاستار
ولنا بوقت اهل ( .... ) والزنانير=صرنا مابين النار يا رب والغار
وقت ٍ يسمونه بوقت ( الهوامير ) = وحنا على بابك وسترك ياستار
نعوذ بك من وقت طلعه مواقير = بالهم .. والمر المعتق له ثمار
لقايح ايامه زنا بالتعازير= وولد الزنا يولد وهو شيخ بيطار
وقت ٍ عليه الخزي عز الطراطير= وما زاد ميز بين عامر وعمار
فيه الجبان امسى يعد الدنانير = وهو من قبل لو بيع ما جا بـ دينار
اطلق شنب به من يدق المزامير=واشجع شجاع اللي تمايل مع الزار
خلا هل الوقفات خلف الطوابير= وفرخ الهلامه يقدم وفي يده طار
وقت ٍ جحد مجد السنين المدابير= والحق يظهر لو نوى الوقت بانكار
وقت ٍ يجور ولا يهز المغاوير=اللي لهم في القمة النايفه كار
مسكين ياللي تحسب انا عصافير=حنا صقور افعال بالموت تجار
صيدك طيور وحن نصيد الصقاقير= ما ناخذ الهابي ولا نلحق الفار
حن يام ابن يصبا صقور المحاضير=وهمدان بن زيد الوفاء / مزبن الجار
اللي لو يحز العظم بالمناشير=ما خلت / اخوان الصفا / نهج الابرار
وما حن نسوق ان جا الملاقى معاذير= الا شياطين سرجت قب الامهار
قوم ٍ وقايعها فعول ٍ مشاهير= في السلم حلم وفي الوغى وقع كفار
ليصاح صايحهم توالوا جماهير= لين الفجوج تضيق منهم والاقطار
من هو يضيق وله ربوع ٍ مناعير=امثال ربعي يام وافين الاشبار ؟
الا من فراق الوجيه المحابير= بالطيب / منهم بين غربات الاسفار
وفراق دار ٍ لو غلاها محاذير= اجرمت حب وسرت ما اهم الاخطار
يا شمعدان الشهد / عذر الدبابير= من ذاق شهدك ما بغى غيرك ديار
قولي لمن يقرا الدجل في التقارير= الصدق له سقته تغلفه الاشعار
نجران سد ٍ ما تهزه الاعاصير=ما هو بمأرب يوم ينهد من فار
سلام يادار الدلال المباهير =سلام يا حره وياديرة احرار
سلام لك ولناحرين المغاتير= مليون تسليمه لهم سر واجهار
وسلام يا دار الصبايا الغنادير = اللي من العفه لهم ثوب وخمار
أشرف بنات الارض واطهر قوارير= تشهد لهم سجداتهم وقت الاسحار
ويالله يا منشي السحاب المزابير= نو ٍ تراكم مع شعى البرق مطار
تفرج لمن حالت عليه المقادير=جسمه بدار وقلبه معلق بدار[/poem]
وسلامتكم 000سالم جلعان

[بلحارث االيمن]

صح السان الشاعر سالم
لاهنت على النقل

[سيف قطعان]

صح الله لسانك يا سالم بن جلعان
وتسلم يمينك يا بن ميسان على نقل الابيات الرائعه

[ذيب ال خمسان]

الله لايهين شاعرنا المميز
والله لايقصربكم ياهل الردود

[برقوم]

لاهنت يالغلااااا وصح لسان من قالها نقلك رائع وراق لي ما نقلته
دمت ودام نبض قلمك الراقي الذي ينتقي
بكل روعة وجمااااااال,,,,

ابن ميسان

اعذرني على ماساقوله فانت تعرفني الكلمه اللي بصدري ابديها


ماقمت به من نقل لااحد الاخوان عمل ليس في صالح المنتدى وقد سبق وانا تطرقت انا وانت لهذا الموضوع من قبل وايضا لااسم اخي سالم بن جلعان تحديدا

ولا اعلم ماهي الاضافه التي كنت قد اضفتها من هذه القصيده


انت مشرف قسم ومسئول وتطالب بعودة الشعراء وشعراء القبيله وتقوم بنقل وتلميع احدهم اذا فانت مطالب بنقل قصايد بقية الشعراء وتلميعهم كما فعلت مع الشاعر سالم

ومالفرق بين الشعراء البقيه والشاعر سالم انت على كذا حتى لو كان فيه نيه لمجيء بعضهم بيهون ويبغى مثل ماسويت لاابن جلعان تسويله

بصراحه كبوه كبيره وقعت فيها اخي ابن ميسان في اول مشوار وتمنيت انك قبل التنزيل للقصيده انك حسبتها صح

اعذرني اخي ان لايعنيني ابن جلعان ولا بقية الشعراء مايهمني هو مصلحة المنتدى فقط

اتمنى انك ماتنظر لطرحي من باب التشنج ولكن غلطه من وجهة نظري وعليك اصلاحها ......


فتك بعافيه

[ذيب ال خمسان]

[align=center]الاخ صالح

الشهر مبارك علينا وعليك

وصدري وسيع يابن الشيبه وردك وردي الا طال سوف يطرح في قسم النقاش
3من الشعار قبل اطرح لي وقبل انقل يدخل ويخرج وشاف ماطرحته انت من شي يثير الحماس وعندهم القدره الشعريه على الكتابه والمشاركه اما جديد ولاقديم وتم طرح مشاركه ومروا عليها ويمكن انت من بينهم ولا به الا اثنين ردوا واحد انثنى على طرحي والثاني متامل خير من الشعار بعنوان الى شعار القبيله0
والا ماعندك جديد نرغب ان تنقل لنا ماطاب لك من شعار القبيله والشاعر ياشاعر فيه مالافي غيره من حماس وغيره وحميه ومواجهه 0
شعار وعرفهم من القبيله توزعوا على المنتديات ولقوا الراحه والله يوفقهم من وين ماراحوا0
وبعض الشعار ماله ومال المنتديات وسوف انقل مااعجبني لهم والاداره تسمع وتشوف وانا اداوم في المنتدى اكثر من دوامي في العمل وقلت انا لهم اليوم ولا دوم مادام في روحي نفس 0

كما افضل انك كالعاده تراسل على الخاص والا الحوارالعام لان القسم مخصص القصايد والمشاركات الفعاله0
وفيه قصايد لك تنقل وانت معنا والمفروض انت احرا بطرحها 0

عسى العافيه رب المخاليق يكتبها= ياشاعر صوته يلحن قوافيه[/align]

هلا اخوي ابن ميسان


لاتكفى طالبك خلنا نتناقش هنياء في الظلال


يااخي الفاضل انت ذكرت ان هناك قصايد تنقل لي اوكيه انا معك انا مانزلت قصيده في المنتدى الا قصيده من خلال موضوع في ابن ضبان

والقصايد الثانيه كانت عباره عن فيديو (تسجيل)

وانا مانزلته بل تفضل احد الاصحاب
لكن تعال من اللي نزل قصايدي واحد من اعمدة المنتدى ومن الناس المميزين وهو اخي سيف ميسان

والقصيده من هي له لي انا وانا احد اعضاء هذا المنتدى واجي كل يوم في المنتدى واشارك في جميع اقسام المنتدى

لكن ابن جلعان لم يكلف على نفسه بيوم من الايام يجي ويسجل معناء وانا اشوف انه تعالي على اخوانه هذي وجهة نظري وانا حر
والدليل ان الاعضاء يقومو بتنزيل قصايده ولا تقولي ان الاخ سالم مايجي يشوف اش اخبار قصيدته والاطراء الذي صاحبها

يعني قصيده مثل هذي القصيده اللي نزلتها من وين جبتها ماهي من عنده وتبي تقنعني ان ماعنده خبر انك نزلتها له بالمنتدى وتبي تقنعني انه ماجاء وزاره وتصفحها
اش هالكلام يابن عمي ....

انا ضد النقل ضده لاي شاعر من شعراء القبيله الا كبار السن مثل اخيناء الكبير ابوعادل الله يعطيه الصحه والعافيه
اما البقيه فلا يابن ميسان الله لايهينهم يجون وينزلون قصايدهم بانفسهم واعتقد يابن ميسان هذي وجهة نظري من اول مادخلت المنتدى يعني انا ماني متقصد لاابن جلعان ولا غيره .....

صدقني يابن ميسان لو انتهجة هذه الفكره والقرار راح تشوفهم يجون بانفسهم شي طبيعي اخي الكريم اذا كنت واقف على الخط ومالقيت لموزين راح تظطر تمشي

والحين موضوعي هذا ماهو بفعال الله يسامحك ياخي الكريم

اما بخصوص الخاص فاانا لم استخدمه الا فقط للتعليق على القصيده اذا كان هناك بها عيوب ابدي رايي عن طريق الخاص منعا للااحراج الشاعر

ادخل على القوقل وسو بحث واكتب اسم سالم بن جلعان وشوف المنتديات اللي داخلها باسمه منتديات اشكال والوان ابغى اعرف ليش منتدى قبيلته مايعطيه ربع اهتمامه ولا ماتليق بمكانته
فكونا من المجامله

[ذيب ال خمسان]

ياصالح
ودنا بالشمس من شان نحمى وندور للقايله0
انت تقدر تكتب قصايدك وتبروزها وتنزلها بسالك ليه؟الطرح الاخير له اكثر من شهر
ماخذك الحماس للقسم تنزل ولا تكتب وانا عارف لو تقعد على البحر لك ساعتين ان تغرف منه 10ابيات 0

وابن جلعان لايعل ولايعلم اني منزل قصيدته شاعر من القبيله وقد نقلوا له اكثر مني0
مادام به شعار في المنتدى حضورهم مستمر ولاكلف نفسه ينزل قصايده ولايكتب جديد 000000فلا عتب000000000000
اسمع قد حن بنصبر لانكتب ولانقل لاخر السنه ونشوف وش رايك 0

[رائـــد]

السلام عليكم ورحمة الله وبركاتة

ومبارك عليكم الشهر جميع من دون إستثناء


الله يعطيك العافية يا إبن ميسان على النقل وصح الله لسان الشاعر سالم


وأنت يا صالح إبن مليح , الله يهديك خل كل واحد ينقل الموضوع اللي يعجبة, وينقل القصيدة اللي تعجبه, وتري المنتدي مليان قصايد ومواضيع لناس ما لهم علاقة بالقبيلة نهائيا, وما أحد علق عليها , وقفت على قصيدة إبن جلعان

وبعدين , أخرجها من ذمتك ما هي بقصيدة تستاهل إنها تنقل للمنتدي