الــــزين
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الغالي اللي نويت اليوم اكتب له=غلاه ماهو غلا نزوات أو عادي
مالوم خلق الله اللي فيه منهبله=وانا بعد في غرامه صرت منقادي
من قبل اشوفه أشوف الزين مااحسب له=واليوم بيني وبين الزين ميعادي
أنا اشهد ان الغتر والشمغ تعصب له=ياويل حالي ويابلواي يا ( هادي)
اشك ان الحلا والزين ينسب له=واشك انه امير الحسن ببلادي
وش لي ووش له وانا لي كبد مندبله=وحياة مثلي على ماقيل للحادي
حاولت اجنب طريقه واتجه قبله=لكن حسنه ندهني : وين ياغادي ؟
كنه يقول بدلع : والله لا انشب له=مايدري ان نشبته بتثير حسادي
لانهم يحسدون (يحيى) لاعرف خبله=يعني يموتون لو يدرون بمرادي
لو كان صوتي حلو والله لا اسحب له=شيلات واصبح لاجل عيناه نشادي
ولو كنت من الاغنيا والله لا اشطب له=قصرين والا ثلاثه في طرف وادي
واقول اسكن حبيبي ثم ارتب له=وافرش طريقه بزهر الفل والكادي
واقول قرب حبيبي ثم اطب طب له=انا اشهد ان طبطبته الموت يا(هادي)[/poem]
هادي : اخوي اللي لم تلده امي / هادي مبارك بالحارث
|
المواضيع المتشابهه
العرض العادي
