ابـدا بذكرمكـون الكـون تكويـن **مرسي رواسيهـا ورافـع سماهـا
يالله تعز اللي على الحـق ماشيـن**(حكام نجد) اللـي يـذري ذراهـا
(صقر العروبه) خادم البيت والديـن**قائـد مسيرتنـا وحامـي حماهـا
ويسلم لنا (سلطان ) طلق الحجاجين**رمـز الدفـاع بحنكـة ٍ وانتباهـا
و(نائف) ردع لمخالفيـن القوانيـن**ويقصر يدين اللـي ديرنـا نواهـا
عزوة (هل العوجاء)فخرنا السلاطين**و(المملكة)هـم درعهـا وزعماهـا
قوم(ن) حموها حزة العسر والليـن**ضد اهـل الفتنـة وتلطـم عداهـا
وحنا علـى عهـد عطينـاه باقيـن**وارواحـنـا دون (البلاد)وفـداهـا
ربعي بني الحارث بكـل المياديـن**يلقي الكرامة والوفـا مـن نصاهـا
نسل الرجال مرجحيـن الموازيـن**سقم الحريـب اللـي بعيـد مداهـا
نعم النشاما اللي على الطيب ضارين**ونعم الكفوف اللي جزيلٍٍٍٍ(ن) عطاها
جمع(ن) موحد صف ماصار صفين**من(ترج)لربوع(الحجاز)وقـراهـا
(جمرة عرب)ربعي من اول وذلحين**قـوم تعزاضيوفـهـا وقصـراهـا
(اهل الثلاث البيض)والناس داريـن**وحنا (قبيلـة) عـز ٍ لمـن نخاهـا
ماذكر فينـا الغـدر قـوم نزيهيـن**واهل وجيهين مـا تضيـع حياهـا
شبابنا مـا تاعـو يسـار ويميـن**مع شلـة الارهـاب تبـت يداهـا
وانرد للاخصام بالصـاع صاعيـن**نغلـب لادارة بالمعـارك رحاهـا
سرنا على نهج الجـدود القديميـن**بامجادنـا نفخـر وكلـن قـراهـا
هـذي حقائـق ثابتـه بالبراهيـن**واللـي مايسمعهـا بعينـه يراهـا
ماهي غريبه لـو نولـف دواويـن**في عزوتـي وبدودهـا واومراهـا
ونقول كفو(ن) ب(القبائل) ونعميـن**امجادهم طـول الزمـن مامحاهـا
واختامها صلو علـى مبلـغ الديـن**شفيـع الامـه بالرسالـه هـداهـا