الرئيسية التسجيل مكتبي  
للاقتراحات والملاحظات نرجو ارسال رساله واتس اب او رساله قصيره على الرقم 0509505020 الاعلانات الهامه للمنتدى

اعلانات المنتدي

   
.
.:: إعلانات الموقع ::.

قال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

   
 
العودة   ::منتديات بالحارث سيف نجران :: > المنتديات الأدبية > منتدى الشعر
 
   
منتدى الشعر شعـر . . . خواطر . . . عذب الكلام

إضافة رد
   
 
 
أدوات الموضوع إبحث في الموضوع انواع عرض الموضوع
 
   
   
 
قديم 10-01-2010, 03:38 AM رقم المشاركة : 1
معلومات العضو
مشرف عام

إحصائية العضو







 

قلب نجران غير متواجد حالياً

 


المنتدى : منتدى الشعر
افتراضي ديوان سعد بن جدلان 2

ون ابن جدلان

ون أبن جـدلان مـن لايـعٍ لاعـه=كن فـي كبـدي دوافيـر صناعـي
ألعـب المنكـوس وأحـب روباعـه=مملٍ في الوقـت والوقـت خداعـي
مادريت أن ضحكة الوقـت خداعـه=شفت مدخالـي ولاشفـت مطلاعـي
لابغيت أسـج والا انبسـط ساعـه=دق قلبي من وراء حدب الأضلاعـي
كن مابيـن الضلـوع آلـة طباعـة=تشتغـل لانمـت وأقـوم مرتاعـي
هـم قلبـي مايـفـرق تجمَـاعـه=كود جر الصوت والنـاس هجاعـي
فاقدٍ لـي سلعـةٍ وأكبـر أبضاعـه=سلعـةٍ تشـرا ولاهيـب تنباعـي
رفقـة الطيـب ليـا غيـر أطباعـه=أشهد أنهـا كيـةٍ توجـع أوجاعـي
راكب إلي صممه صاحـب أصناعـه=جمس بيك أب من حديثات الأنواعي
الغريب الـي جديـدٍ مـن أنواعـه=حوض رفرف مايبي شد وشراعـي
لا أونس البنزيـن عجـلٍ تفرقاعـه=مخطرٍ من سرعتـه يقلـع أقلاعـي
لاتحرك شفت في القـاع مشلاعـه=والتواير تظهر الماء مـن القاعـي
ينعش القلـب الحزيـن أبتهملاعـه=لا مشـا قـام يتهملـع تهمـلاعـي
لاوطا الأرض العتش كن تهزَاعـه=بنت شيخٍ طامحٍ مـن ولـد راعـي
في رجاء الغايـب تحَـّرا لمرجاعـه=تنقـد العشـاق وتطـــق الأصباعـي
نفسها من جملة النـاس منصاعـه=ما تبـي إلا واحـدٍ ذكـره إيشاعـي
ينحر اللي يأخـذ الطيـب بذراعـه=الصديق الصافي الصامـل الواعـي
الوفاء والطيـب ساسـه ومنباعـه=يوم بعض الطيب تقليـد وصناعـي
لاوصلتوا فأخبروني عـن أوضاعـه=وأخبروا راعي السمارا عن أوضاعي
أنشدو ويـش السبايـب بمهزاعـه=لا علـي نـاقـص ولا أبيـه فزَاعـي
ودَنـا نرضيـه ونحـاول إقنـاعـه=كان بن مهمل بعـد يسمـع الداعـي
كـان يبغـا حـق للحـق قطَـاعـه=نقنعـة والحـق ما عنـه مجزاعـي
وكان مبغضٍ في الرياجيـل بتَاعـه=لا يجـي ناقـد ويلحقنـي أريـاعـي
للصَديـق نخلَـي النفـس خضَاعـه=ما نـوريـه الجـفـا والتمطَـاعـي
الصداقـة عندنـا ذخـر وطماعـه=صحبـةٍ ماهيـب صحبـة تمتاعـي
حـد جدتهـا علـى البـرق لماعـه=وإن خذت يومين مفعولهـا ضاعـي
إن تجمعنا علـى العـّز والطّاعـه=وأن تفرّقنـا فجـوج الله أوساعـي
ما أطرد المقفي ليا صفّـط إشراعـه=مخبَـل اللـي للمقفـيـن تبَـاعـي
من يحط إذنـه علـى كـل سمّاعـه=جـاه فرقـاً مابعـدهـا تجمَـاعـي
والزباد إختـام هرجـي ومطلاعـه=يدفعه من ريحـة المسـك ذعذاعـي




الجهالة

الجهاله في بني آدم توليه الد بــور=لو طريقه غادي يحسبنه متجه
يحسب ان ما مثل شوره مع الاشوار شور=ما يعرف أن له مزاج وللناس أمزجه
يمكن ايلاقي مزاج يبتدله الشعور=وهو على فلم الشطارة وفلم الدبلجه
وآخر المشوار لا حصلت ما في الصدور=كل زور فيه شور لمن ضاق هرجه
يحسب أن معه أفضليه توليه العبور=ان لقا الملح أزعقه وان لقا الحلو أسمجه
القمر والشمس كنها تسلف منه نور=والحبال تصير تحته خيول مسرجه
والسما عجزت تصل له جناحين الطيور=ما وصــــله إلا محمد بلــيله معرجه
يا بنادم يلعــــــــــــن الله مختال فخور=من تواضع تحت ربه يعلـيه درجه
لأجل ما تدخل جهنم على شأن الغرور=للعـرب حاول تواضع وتعطـيهم وجه
من لقا عذب المشارب ومثمرة الزهور=ما قعد يغرف من البحر ويسوق أحدجه



الطيب

ودّنا بالطيب بس الدهر جحّاد طيب=كل ماتخلص مع الناس كنك تغشهـا
يدك لامدت وفا لاتحرى وش تجيب=كان جاتك سالمه حب يدك وخشهـا
كل ماشـبـيت نار المحّبه مع حبيب=قام يسحب فـي مشاهيبهـا ويرشهـا
كل ماواجهت لك في الزمن وجه غريب=مثل ما قـــال المثل دام تمشي مشها
وذمةٍ ماهيب تندان للحق المصيب=جعل قشاش الحطب لاسَرح يقتشهـا



خارطة الطريق

يا ذا الجلال اللي عروشك فوق وأملاكك حد=ومهماً تسامت به عروشه مستحيـلا يطولها
يا حـي يـا قيّـوم يـا ذا الأنافـــــــة والكبـــر=ما نافسك في عظمتك مكر العبـاد وهولــــها
وما نافسك من عمّر بيوته على سطح القمـر =واللّي ترسي فـوق أقاليـم الميـاه ســـطولهـا
ما انته بحاجة من عبد ولا بحاجة مـن كفر =ولا بحاجــة ثابــت الدنـيـا ولا منقولـهـــا
أنت السميع لمن حمد وانت المزيد لمن شكـر=واللي ما يشكر نعمة المنـــعـم عليـه تزولهـا
يـاذا الجبـروت العظيـم ويـا القديـر المقتــدر =تفزع لنا في معضلات مـا نريـس حلولهـــــا
تلعب بنا خلاّن فرغتنـا كمـا لعـب الكـــــــــور=وأن اقبلت صاحوا لها ان دبّرت صاحوا لهـا
لا هبّنا الطايف بعض الأحيان في فية عصــر=شهب الليالـي مـن ورانـا يسحبـن ذيولهــــا
أنت السلام اللي لك الإسلام وأنت المشمخرر=اللي عجايب قدرتك فـي المعجبيـن ذهولهـــا
سلام يا محمد رسول الله راعي الوجه الأغـر =وسلام يا روح ملائكـة السمـا صلّـوا لهـــــا
سلام يا ابوبكر يا عثمان يـا علـي وعمــــر=وسلام يا سبـع الآفـاق أطلالهـا واسفولها
سلام يا صدق النوى سلام يا وسـع الصـدر=سـلام يـا مفتـاح بيبـان الفرح وقفولهـــــا
وسلام يا شمس الضحى تشرق على بر وبحر=وتشرق على كـل الديار جبالها وسهولهـــا
وسلام يا غر السحاب اللـي تبجـح بالمطـر=وشم الجبال اللـي تبجـح بالسحـاب قذولهـا
وسلام يا هوج الرياح اللي عطاهـا مستمـــر =مهما خذوا منها من الحسنـات مـا ردوا لهـا
بوجيهها حق وقدر وقـ ليت الرحاب اللي لنــا =ما تضمحل من الزمان ولا نشـوف سمولهـا
ويا ليتنا لاما سرحنا اليوم الأبيض من فجـــر=تبطي عبات الليل ما تضفـي عليـه سدولهـــا
ولا ليا منهـا ضفـن سدولهـا يطلـع بدر=يا صل ضياه اللي على الكوره تطق طبولها
المعتبر يآخذ على الدنيـا دروس مـن العبـر=والناس بكسبها معاملهـا بقـد عـــــقولـهـا
أحيان تصدف لعبة الشاطر مع غلطـة عمـر=مرة.. لكن لا عّدت الغلطة ما عـاد ينولهــــا
حنا عرفنا كلنا ما طـال مـن شـيء قصر =والأحلام ماتوا قبلنا شرهين ما وصلـوا لهـا
حتى الجمال اللي نحملها الهقاوي بالصبر =يالله بحملتهـا تـقـوم وتــدّرج بحـــــــمولهـــا
والحب سيسـان العبـادة والعبـادة بالجهــــر=إن ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر=للـي تحـد سيــوفها واللـي تعـن خيولهـــــا
ولا تفكـر فـي غنـاة ولا تفكـــر فــي فقـــر =وتشفع لبيضان الصدور احضوضها وفعولهـا
أهل التكلـف بالمعرفـة والتصنــــــع بالبشر =والله ما هي حول الصحيح ولا الصحيح بحولها
ما يقّيـــم بو ميــه من بو عشر اللي يفضّل =حتى الفضــــوليـة عن الفاضـل بطـل مفعولها
اللي تخبره لحيــــــــته ذا ..طولهـا يصبـح بـزر=واللي تخبره بزر يصبح تصبح لحيته ذا طولها



القنـاص

ياعنـــا القنـــاص يالصيد المّدسم =ياكتاب الشمس وكتــاب الطلاسم
أمسك أعصابي وإذا شفتك تّبسم =كنك تكويني على الكبد بمياسم
كن بيــاضك مـن حــمارك لاتقّسم =عارض في وجنتك موكب مراسـم
حبكم سيـطر على قلبي ورسّـــم=مثل ماسيطر على بغـــداد قاسم



بهازيج الكلام

لي مدة من بهازيج الكلام معزول=اسمع جهازاتها ومطفّي نورها
وأنا خفوقي ودود ولي مزاج ملول=أحارب انفاقها واعاشر جسورها
أوحيت من ثامر بن قطيم صوت تلول=لايق لمرضيهــــا لايق لجمهورها
كنه يحول على لب المسامع محول=وتلــــــد له لدة الطيح لمقهورها
واسند على كوكب بالشعر يطلل طلول=ســــود الليال يتبدد منــــه ديجورهـــا
عيد السمير المزيني مثل ضرب المثول=ما يستلـــم كل عله كـــود دكتــــورها
وأخذت فنجال كيف مع الفناجيل دول=ضرمت يوم القهاوي دنت نجورها
وشرد القرايح خزايزهن حذور جفول=تسكن مساس الصدور وتدهل اقفورها
يا صاح مهلك ترى ابن آدم ظلوم جهول=حمله رفضته جبال الأرض وبحورها
تجار مصر الكنان من الفلاليح فول=وتجــارة الشام تفاحــــه وبندورها
وتجار بغداد بر في بطــــــون الحقول=وتجارة أهل الحسا تفخر من تمورها
وجميع ما في البسيطة من كيان يزول=والامه أمر الله الغالب عـــلى أمورها
وأكثر عيون العرب من شـارة الحق حول=لو تشرق الشمس من صوبه حجب نورها
والفرق بين العلالي والسهل والسفول=مثل الأصابع بنانيها وخنصــــــــورها
ودي يا ذات اللبيب اليابغيت الوصول=لا تبحث الناس لين تثور شعـــورها
ومن العدود اشرب الصافي وكب الحثول=واسرح وخل السواني في ظهر ثورها
فاح النفل والخزامى بالفلا والميــــول=فأول شطور القصيدة وآخر شطورها



البيوت العصم

زاومنـي الهاجـوس ملعـون أبـو الأهـل=يقـول البـيـوت العـصـم وإياك و إياها
لا عيّنت كلمة قلت يضـرب بهـا المثـل=لقـيـنـا وراهــا كـلـمة كـّنـهــا إيــاهــا
ما تنجح مدارس فلسفـة علـم فـي جهل=والعربان ما كلٍ يقـدر يكسـب رضاهـا
يحاول قـدر الإمكـان يعنـي علـى الأقـل=يدخل في مفاهيم العرب يكسب اصغاها



الفياض الخـضـر

يا زين المشي في االروض الخضر لا شعشع المخضار =يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار =سعادة للقلوب اللي من السلوان مســــرورة
متى عيني تشوف اللي على قلبي ربيع ودار =أشاهد للسعادة في حياة المجتمع صـــــورة
لا هلت مزون فوقهن تنعومتين صغار =على ذيك اللباب اللي من الرضوان مغمورة
لا منه أصحى سماغر المزون وشعشع النوار=ودجاه أدلى سدوله والقمر متجلي نــــــوره
أشاهد لي بروق دونها ربانها تندار =تقول أكباس غاز من ورا شلال نافورة
سبح ماهر خيالي في الخباري والبرد والنار =وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار =على شوفه سبابيح الخيال تموت مقهورة
حرام إني ما أهني راع المليون والمليار =ولا أهني عربسات الفضا دوره ومقدوره
أعيش بعالم طول المدا يبقى لها تذكار =عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار =حقيقة ويتمعنها اللبيب بكامل شعوره



كرمت ودمت

الا ياالله ياللي تحـت هيبـة سلطنتـك اسلمـت"="لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"="تزودني وفا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت"="يعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت"="بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت"="بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت"="كتبتك وانطوت صحفي عليـك ورفعـت اقلامـي
اباهـي لا ابالـي واتبيسـط كــل ماقـدمـت"="اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"="وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"="عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"="واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"="يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت"="فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت"="تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت"="كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت"="مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت"="حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت"="هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت"="يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت"="وشفت الفرق في حب الخشوم وحـب الاقدامـي



السيف الشطيـر

الأوله من الأولات عبادة المعبودي=الله اللي يولج لياليــــه في الأيامي
فاح ريح الجاوي من العود والكمبودي=مع ذعاذيع الصبا لا هبـــت الأنسامي
يا قريحة خاطري مع فوح ريـــح العودي=في نحور الطرس الأبيض سجلي ياقلامي
واكتبي سطر سواة اللولو المنضــــودي=وابدعي قاف يغني في اليمن والشامــي
في نبا فيصل ولــد خالد زعيم الجـودي=يا سلام الله على راعي المقام الســامي
يسمو الإبداع في السيد من المسيـــودي=وفي سما الأسياد يوضي كوكب قــدامي
أهل عقال القصب والجوخ والحمــــودي=واهل السيف الشقير مناصر الإســلامي
حبنا آل سعود قاد المجد في ابن سعـودي=وأنت يا هداج تيماء بهجة للضامـــــــــي
جيت أهني جيت أبارك جيت لي مقصـودي=فيك تكبر شرهتي ويحققن أحــــلامـي
جيت أبي منك الفرج يا فزعة المضهودي=و ابني آدم يرمي الأسهام والله الرامي
والختام اسلم عدد ما نسنس النـودي=من هجوس ما تساق إلا على الحكامي



الثقيل

آه يا قلب ياللـي دايـمٍ فـي ذهـول=والله انـه ثقيـلٍ ليـن جــوه الثـقـال
يا قطـاة العبيّـه يـا هيـام الـذلـول=يـا عيـون النـداوي يـا رقبـة الغـزال
نور وجهك على من شاف منـك القبـول=نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول=انـا قلبـي يحبـك يـا حبيبـي تـعـال
كـان قدّمـي حـدٍ فالحـب راح امهبـول=والله انـه خطيـرٍ لا يجينـي اهـبـال
المحبـه جملـهـا مـرسـلٍ وامعـقـول=لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول=ان حبـك لحـال وحـب غيـرك لحـال



فـاعـل خـيـر

انا ويـن ابلقـا يالاجاويـد فاعـل خيـر=حريـصٍ علـى سـر المحبيـن لرسلتـه
امن اول لو اصبر عام ما بان بـي تأثيـر=وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر=ولف قلبـه افـروخ الشياهين وهبلتـه
تولعت فـي فـرخٍ قضيـبٍ يتـل السيـر=ابي لمحـةٍ مـن نظـرة الحـر وإسبلتـه
صغير بسنه غير عندي ماهوب اصغير=يا مغلاه فـي قلبـي ويـا كبـر منزلتـه
اجمع له سمان الهرج خـوفٍ مـن التقصيـر=والا جيت ابشرح لـه كلامـي تهيزلتـه
يجيني منه هيبة محبـه.. سحـى.. تقديـر=اقابلـه عنـدي علـم واروح مـا قلـتـه



فرحة صلاح الدين

لعـل ربٍٍ جمـع يـوسـف ويعقـوبـي=يلّمـنـي مــع وليـفـي واتهـنـابـه
اللي من اجله مـا غيـر احسّـب اذنوبـي=والقلـب كـنّ الدبـا الحنّـان يرعـابـه
احتل طيش المشاعـر واخلـف اسلوبـي=وجميـع مـا مرنـي مـنـه اتهجـابـه
الكلمـه الطيّـبـه لا قطـهـا صـوبـي=والا نظرلـي بنظـرة عطـف جـذّابـه
فرحت فرحـة صـلاح الديـن الايوبـي =ساعـة تولّـى علـى المقـدس وصلابـه



الأزمات

الشدايـد يـا جميلـه بالازمـات اختبـار=ينعرف فيها الظلال الطويل مـن القصيـر
كل ما اذكر حالتك بين غـار وبيـن نـار=راحت الدنيـا بعينـي عبـوسٍ قمطريـر
تحسبٍ إن حبـك محـاه التشـدد والحصـار=التشـدد فالمحبـه هـو الشـر الشـريـر
شغلهم ضدي وضدك يعمّـر لـك وقـار=في ضميرٍ ما سكن فيـه قدامـك عشيـر
زارعٍ لك بخشةٍ من الزرار إلـى الـزرار=نبتها بالمسـك والعـود الازرق والعبيـر
شد حيلك لا يصيبـك فشـل والا انهيـار=لا تصغّر قيمتك وانت فـي عينـي كبيـر
لذة صبّار الهـوى مثـل لـذة الانتصـار=لا تصدّق من يقول الحسـد مافيـه خيـر
لا تغيرب ما جرى من قنـا مثلـك يغـار=كل شـيٍ ينشفـا فيـه ميصالـه عسيـر
الذهـب دونـه حراسـه وبيبـانٍ اكبـار=والدرر من دونها هيبـة البحـر الغزيـر
غير لا تيّس وتكتب علـى نفسـك قـرار=يدفعك سوء التصرف إلى بـاس المصيـر
لولا شحّي فيك جيتك اجهار مـن النهـار=غير ما يصلـح مقـامٍ بـلا رايٍ بصيـر
فرصتي ويقت حرارٍ على ماكـر حـرار=مـا يعـوّد فالمكـان الربيـب الا البعيـر
والله ان آموت ما جاك من عندي بوار=خل في نفسك ثقه والثقه كنز الضمير
والمحبه مدرسة شي ثبوت وشي فرار=وأنت درسي مع أهل الحب الأول والأخير



الجمس

يا راكب اللّي مصنعه في الولايات=اللّي مريكا في المصانـع تصبـه
تصميم شركة كلاهان الخواجـات=اموردة من نيويـورك ونصبـه
أكبر مكينـه سقّطـت للونيتـات=واحد صفر واحـد ودبـه ودبـه
ما يصدر الا عن طريق القطاعات=حتى سبيراتة تجي فـي اسطبـه
وبالجدول السري خذته الوكـلات=ومديرهـا وقّـع وعاهـد بربّـه
وصدفه طلع بالواسطه والحيالات=ثم قيل يا سـوّاق أخـذه وغبّـه
ساعة فتح بابه عطوه السويكـات=شغّل ولا الماء مع كزوزة يكبـه
قام إيتسمع وش تقول القـزوزات=لياهي تقول ابغـاك ممـه وببّـه



أكبر طاغية

الله يرحم أبوك وأمك ويلحقك بهـواك=كــــلنا للي تـقولـــين أذانٍ صــاغية
أنت مطغـيك البها لين حدد مستواك =يعني أكبر مجرمة حب وأكبر طاغيه
شوفتك للي فؤاده مريضٍ في حراك =جنــــــــةٍ ما ينسمع في طرفها لاغيه
أنا يوم أغليك.. وآجيك.. وآدور رضاك =باغيه نفسي!! ولا أدري وشنهي باغيه..



الرفيق

راكب اللي يعجب السايـق ركوبـه=لا وطا الأرض الجلـد تسمـع وحيفـه
فالبريمي شابكينٍ عكـس هـوبـه=سايقـه يضـرب بـه الـدار المخيـفـه
كن شطرطون الوكاله فـي جنوبه=والرخوم اللي روابعهـم ضعيـفـه
نحّروه سعود و الجـود ابشـروا بـه=فالمهمات الثقيله و الخـفـيـفـه
شارب ٍ حب المراجـل مـع شروبـه=غير عيّت ما تجي الدنـيـا بكيـفـه
لو تضيفه ما بملكه غـيـر ثـوبـه=فرّشك ديبـاج و الحفـك بقطيـفـه
الرفيـق اللي مساعـيـه محبوبـه=فيه دايم شُـرد أفـكـاري طريـفـه
فـي شمـال الـدار ولاّ في جنوبه=دامني ضيف وهـو موجـود ضيفـه
عن بنوك المال تكفينـي جيـوبـه=كـن لـي في العاصمة راتب و ظيفه
كل مـا انـدارت بنات الفكر صوبه=خـذ نصيفـه و الأوادم فـي نصيفـه



زيارة

جات قُدم الليل والصبح سابقهـا ...=نوّها الصافـي حجـب شمسهـا عنّـا
احسب انها حالة الشمس مشرقها ...=لين شفت الشمـس منّـا وهـي منّـا
كن برّاق السمـر فـي معنقهـا ...=او هـلال النصـف فالبيـض لا ثـّنـا
ودّي انها قد عطتنـي حقايقهـا ...=والله ان ارفع بهـا صـوت مـن غنّـا
انكسر وجه السما في عشارقهـا ...=تكسـر الشمـس المويقـه وتكسرنـا
الشعر يوم التوى فوق عاتقهـا ...=راحـن الله يرحـم امــه ولا جـنّـا
قمت تال الليل اصلـي لخالقهـا ...=والصبـاح انخـى هـل الهيـل والبنّـا
عن بنات الكون سبحان فارقهـا...=شوفـة ٍ مـا هيـب شـك ٍ ولا ضنّـا




البيعة

ربّاه جل جلالك لا شريك لك ولا لك في سماك أخشـرا=لا يؤمر بمـا نهيـت ولا حـد ٍ ينهـا بمـا تآمـره
عسى رجانـا بعروتـك الوثيقـة يـا وثيـق العـرا=يا قادر قدرتك تقـدر علـى اللـي مـا حـد ٍ يقْـدره
تمدّنا الصبر و السلـوان فـي فقـدة حبيـب البـرا=نطلب له الله جليـل الملـك و الرضـوان و المغْفـره
في فهد الاسلام مصبـاح المدينـة كوكـب أم القـرا=المرشد اللي تسامـى دعـوة الاسـلام مـن منْبـره
شخصيته ما نقلها مـن وطـت رجليـه فـوق الثـرا=من عّربتـه الأكابـر بالمناسـب و أرضعتـه المَـره
بعض الأكابر يجـي عنـده و لا بيهـرج مـا اجتـرا=من هيبة النظرة اللي لا خبطْـه بهـا تقـص أظهـره
من هيبته نزحم صفوف الأكابر فـي بشـوت أمـورا=و نسيد بسيادته لو كـان مـا معنـا يكـود أصـوره
أحّـاه ليتـه يـرد المـوت ولا العافـيـة تنـشـرا=والله ان نسوق الضحايـا فـي ثمنهـا حدّنـا نقْـدره
لو المقابـر تـرد الميـت حـي ليـا لفوهـا الـورا=والله ان تجي من قطاع الارض وتخّيم على المقبـرة
و الحمـد لله خلفنـا فـي سلفنـا سيفنـا الابـتـرا=القائد الامثـل اللـي مـن رمـوز العـز و المفخـره
بقيادة الاخطل اللي يرجا خيره و بطشه لا غضب يندرا=الهيلع اللي جميـع اللـي يعرفـه بالجميـل اغمـره
مكارمـه مـا يدونهـا عقـول مفـكـره و شـعـرا=مرئي و مسموع و مدون وشيء مـا قـدرت اذكـره
مليكنـا خـادم البيتـيـن عـبـدالله لا رد الـبـرا=غيث الهلاكـا كمـا غيـث يغيـث الديـره المدهـره
يا سيـدي جيتلك باسـم أكلـب الهيلا وهذه صفحـه تنقـرا=شاعر و ياجب على الشاعر ينوب احيان عن معْشره
بيعـة ولاء أكلبية كنّهـا شمـس النهـار أجـهـرا=حرب ٍ لمن حارب الاسلام و انصـار لمـن ينصـره
عبدالله الوامر الناهي و حنا ما خذينا في ولاه اشـورا=معاهدينه على المصحف و نمشـي بالعلـم فـي ثـره
يا طيـب القلـب يـا الاب الحنـون ياغنـاة افقـرا=يزهاك عرش الملوكيـه و تزهـى مركـز السيطـره
ثقتك في نفسك الشّما الطموح تحـق لـك مـا تـرا=حتى عدوك شمله العفو مـن عنـدك علـى المقـدره
الليث ماهوب يخشى مـن حيـالات الثعـل الازهـرا=الزندقه و المحابـا مـا تغيـر مـن شعـرك أشعـره
و الحمد لله ولي العهد ابو خالد وكل عـن فعولـه درا=هداج تيما شبوره كـم غريـق فـي البحـر تظهـره
سلطان خير العرب جوده كمـا دجلـة ونهـر الفـرا=غيث اليا امطر على دار يجي الاخرى هـداب أمطـره
له هيبـة مـا خذتهـا سلطنـة كسـرى ولا قيصـرا=كـم ديـرة مالهـا عمـران مـن جوداتـه أمعمّـره
من دوحة اسيادنـا اللـي يلقـى فيهـا ظـلال و ذرا=العنبر يهيج ريحـه مـن مكاسـر شجـرة العنبـره
اخوان نوره هل العوجا مخابيـط الكفـر فـي المـرا=العَظـم لا امرهـم الله يكسرونـه مـا حـدٍ جـبـرّه




المماشـــــــي

لاتخالفت المماشـي تخالفـت الـدروب =مـع مـن يعنيـك ويقـدرك وتـقـدّره
والبشر محدٍ على شف غيره بمغَصوب=مـن بغالـه شعـب فيسنـده ويحّـدره
والأدمي ماهوب يدري بسـدات الغيـوب=وارد المـا مايدلّـه يـاكـود مـصّـدره
ولا تجيك الحصبه الا من فراش امحصوب=وحبة الجدري تجي من فـراش مجّـدره




الـمـــزايــــن

يا اهل المزاين في خيار البعارين=فزتوا بزين الشعل والوضح والسود
ما شفتوا الحمر الجراما المزايين=اللي حصايرهن كما السدو ممدود
كنها من الشيراز تعطي تلاوين=حمرا يديهن بيض وخشومهن سود
خفافهن ما شذبتها الضلاعين=سفرت مضيف ثليم في مصمك العود
لا درهمت كنها تحذف بطاطين=ولا تهزع في حريرا و ماهود
طول اللحي فيهن وكبر العرانيين=خلت عليهن في جهام البدو زود
في الورد ما يشرب من الحوض ثنتين=ما هيب تنقر حوضها نقر مفرود
ترخي سيوف لحيها والجرانيين=اللي بعدها تحسب الحوض مسدود
ويرفع لها خوفا عليها من العين=من كثرة المقطان لا صرّم العود
وان ثوروهن والخطاطير مشفين=وان ثوروهن والخطاطير مشفين

احدِ من ادني الذود يملي المواعين=واحدِ يلّيم في القدح قطة …...
وان كان وينها واهلها وين=اخذوا كلامِ بين الاقطار ماكود
عند اهل سمحات الوجيه المسمين=تروي القنا من دونها دم وكبود
عشيها بين الظنط والسباعين=-ومسفارها قرمل كمامين برود


خشيم الذيب

نفوسنا في خشيم الذيـب مجبـوره=والله نحـبـه و محبتـنـا إلهـيـه
ومحاسنك ياخشيم الذيب مدثـوره =بّين عليـك الشقا عقـب الرفاهّيـه
أنا احسب أن الشقا مايخلف الصوره =لين أضمحلت ملامحـك الطبيعيـه
قنب به الذيب ليـن أنشـق حنجـوره =ثم حوّل الذيب منه وشرّف أوخيـه
حتى فروعه وشعبانـه وشجّــوره =ما عاد تعرف حيوده مـن قواطيـه
يوم إن محاجيه فيها تمرح سبـوره =وشعابته من لباس العـز مكسيـه
في ظل طلح يرّسن كل مذعـوره =وعلى حجاه الثميـدي والفرنجيـه
متبوشن مـن عواجيـه ومنفـوره =حكامنـا قـدم حكـام السعوديـه
حرّاس نجد الحديري عند أخو نوره =ونمرالسبايا تقلطـهـا العواجـيـه
إخوان هيا ذرا من قـاد مظهـوره =من أم ريشان إلى عـرق المنينيـه
وراعي الجنينه عليها بانين سـوره =مذبّح التـرك وشيـوخ الهلاليـه
شيخ تشيع رباط الخيل بقصـوره =متروشنِ بالمجّـوخ فـوق عليّـه
في حكمه الناس منهيّـه ومامـوره =حق الجنينه عليه حقـوق شرعيـه
واليوم سالم ولد حامد لعـب دوره =عز الله ا إنه جمع هذيك مـع ذيـه
على جميع المراجل طالت شبـوره =هيبه ولينـة جنـاب وقو شخصّيـه
إن كان قّصر رفيقه سامح قصوره =وان طاب قال الجماعه طيبهم ليـه
عزالله إنه عليه البيـض منشـوره =يستاهل البيض كل مجـرب زيّـه
و اليوم الأوطان و الرعيان مكبوره =أهل الرعايا كفاهم راعـي رعيّـه
ولاهيب من ربعي الظفران مقصورة =سقم الأعـادي مزبّنـة الجلاويـه
كسّابة النعم لا جا للدخـن ثـوره =ورث لجدانهم مـا هيـب عاريـه
يفرح بها الشول لا ما لج مضهوره =وترعا الهمل في حماهم تقل مرعيه

يا شديد الخطب من بعض الدعاه اللي دعوني=كل ما هبت هبوب منك شفـت النـار حيـه
من بجاحة طيشي البذاخ لا غنـت شجونـي=في منصات الكلام اليـوم والصبـح وقفيـه
أصطغيبك راقي الأسماع وأبهج بك عيونـي=وارتقيـــــبك فـي منصـات الشهيـر العالميـة
هرجك يدغدغ طهوم الشوق وسسط التلفوني=وطايفــك عندي سواة الـراك قـدم الآركيـة
أسفهل بعزلتك خـلٍ وفـي حتـى الجنونـي=واغرق الأسماع في دهشة خيـال الواقعيـة
والله إني ما اسفهل بونس غيرك لو عطوني=قصر في حي المصيف و قصر في حي العلية
بس !! لا تيقظ سبات الهم وتثـور سكونـي=ثــــــم أخلـي باقـي علومـي وأدن الهاشميـة


قـبـة الفـــــرو

جعل خبة القـرو تسقيهـا هماليـل الرفايـا=لين تكسيها ذواليق الزهـر مثـل المرايـن
ذا النهار ابرك نهار وذا العشي ابرك عشايا=في منصة تركي بن سعود شاهدنـا المزايـن
جايزة سود البكار اللـي عواتقهـن عرايـا=البكار اللي يقلـط مـن نوادرهـن عوايـن
مكرمن أهل البكار السـود زينـات الحلايـا=بالمواتر غالية لاثمـان ضخمـات المكايـن
حطه الهيلع طويـل الشبـر داهيـة الدهايـا=الكبير ابن الكبير اللي علـى القمـة تبايـن
فـوق قمـة كنهـا قمـة جبـال الهمـلايـا=اتمنــــى ليـت تركـي حـي بعيونـه يعايـن
فالفعول اللـي راعيهـا يشومـن الصبايـا=ناقل الحمل الثقيل و مطلق رقـاب الرهايـن
لحية لا ما هقيـت بهـا تعيـن لـك تحايـا=التحايـــا مـن جـنـــاب للـنـــاس لايــــن
و لحية لا ما هقيت بها تضيع بهـا الهقايـا=من كرمها غسل إيدينـك و مسحهـا بفايـن
و انت يا عبدالعزيز المدح يمشي لك جرايـا=كل بحر من بحور الشعر يمشي لك سفايـن
يا حفيد أهل القصب و الجوخ و نحور السبايا=واهل العوجا و اهل الأجرب مفرقة الضعاين
بين بوك و بين بن عوّاد زيـزوم السرايـا=زاين حظك يا بو تركي و حظ الخـال زايـن
زايديٍ شايـع صيتـه مـع سبـع النحايـا=اشهد انه في سنام المرجلـه قالـط و مايـن
و انت سعد أهل الركاب اللي مزاهبهم خلايـا=أشهد انك مزبن للي عليـه الوقـت شايـن
المطر غيثٍ على خضر النوامـي و الرعايـا=وانت جوداتك تغيث قلوب و تعمـر مدايـن
و الله انك كامل الشارات فـي كـل المزايـا=استلمها عالبلاطه كـآش مـا فيهـا مدايـن


عبدالعزيز بن تركـي

في خبة القـرو بيـتٍ يزمـي علـوّه=تقول ضلع سـراب الصبـح يزميبـه
كن مقدمه للضيوف يصيـح و ينـوّه=مثومن تمـرح البـل بيـن أطانيبـه
بيـت دلالـه مناحيـرٍ علـى ضـوّه=يذعر بها زعفران الهند أبـو شيبـه
فوقه شذا العـود الأزرق كنـه النـوّه=من جاه منه الهوا يفتح لهـا جيبـه
وصياني مـن فقـار الكـوم مملـوّه=يفرح بها الضيف لا خاطـا معازيبـه
و إن قالوا الناس راعي البيت من هوّه=عبدالعزيـز الكبيـر العـز و الهيبـه
عبد العزيز بن تركـي طيـب الخـوّه=الطيب اللي تطيب الناس مـن طيبـه
من عانده بالمراجل مـا وقـف تـوّه=و الله ان يناحيه حتى ينفـري جيبـه
مكارمـه تغـري الشعّـار بالـقـوّه=كـلٍ علـى شآنهـــا خـلاّ معازيبـه




القصيدة السادسة

خاوينا على سعد الخوي و افي الاشبار=شيخٍ من جنوب المملكة جابني صيته
دماث الجناب اللي تباشر به الخطـار=تشوف الكرامه في حجاجه اليا جيتـه
والهقوات في عبدالعزيز الكبير كبـار=لا جيته تبي لـك لازم ٍ مـا تعديتـه
خوي أبو تركي كل يوم ٍ على فكس آر=و غيره خويه ما يعيّـن عشـا بيتـه
عسى الشايب اللي عقّبه ما يطب النار=و الله يرحم أم ٍ جابته حيـه و ميتـه


موجز النشرة

بعدالأمل تتعب دونه النـاس ماوصلـوه=حتى تجتمع فى ساعةالحشر منحشـره
الوجه المشبب كلمتـه مالهـا مسفـوه=والأقشر يواجه قشرالأنصاد من قشـره
تلقى مبغضين الآدمي كثر مـن حبـوه=على وجه سابعة الأراضيـن منتشـره
والدنيا تمد النـاس بالخيـر والمكـروه=في خيراتها شتّى وفي شرّهـا خشـره
و سمات البخت لا شافوا النور ما غطوه=واقوى رابطة في الزاد والملح والعشره
واللي يجهل المشروه لا يلحق المشروه=ورجّــــــال تعـداه المشاريـه لا يـشـــــره
والألباب لآمر الكـلآم المفيـد أوحـوه=وتفصيل الخبر يكفي عنه موجز النشره








رد مع اقتباس
 
   
   
 
قديم 10-02-2010, 03:12 AM رقم المشاركة : 2
معلومات العضو
مشرف عام

إحصائية العضو






 

متروجانا غير متواجد حالياً

 


كاتب الموضوع : قلب نجران المنتدى : منتدى الشعر
افتراضي

السلام عليكم ورحمة الله وبركاته

صح لسان الشاعر المبدع والكبير سعد بن جدلان ، وأنا من أشد المعجبين بقصائد هذا الشاعر الكبير ،

الشكر الجزيل لك أخوي الغالي قلب نجران على هذا المجهود الأكثر من ممتاز

أعذب تحياتي







التوقيع

" المرء نتاج أفكاره ،،، فما يظنه المرء بنفسه سيتحقق "
رد مع اقتباس
 
   
   
 
قديم 10-02-2010, 11:16 PM رقم المشاركة : 3
معلومات العضو
مشرف قسم الشعر العام

إحصائية العضو






 

الهواوي غير متواجد حالياً

 


كاتب الموضوع : قلب نجران المنتدى : منتدى الشعر
افتراضي

قلب نجران
الله الله عليك وعلى ما طرحة لنا
ديوان شعري متكامل للشاعر / سعد بن جدلان الاكلبي
اعفيتنا عناء البحث ولو أن اغلب قصائده محفوظه
الاّ ان ما قمة به كان مجهوووود تشكر عليه ولم يسبقك به أحد
تسلم ولا يسلم ردي العزايم
وصح نقلك و لسان الشاعر الكبير / سعد بن جدلان

تقبل مروري المتواضع أمام طرحك الراااائع

أخوك / الهواوي







رد مع اقتباس
 
   
   
 
قديم 10-03-2010, 01:09 PM رقم المشاركة : 4
معلومات العضو
مشرف عام

إحصائية العضو







 

قلب نجران غير متواجد حالياً

 


كاتب الموضوع : قلب نجران المنتدى : منتدى الشعر
افتراضي

اقتباس : المشاركة الأصلية كتبت بواسطة متروجانا [ مشاهدة المشاركة ]
السلام عليكم ورحمة الله وبركاته

صح لسان الشاعر المبدع والكبير سعد بن جدلان ، وأنا من أشد المعجبين بقصائد هذا الشاعر الكبير ،

الشكر الجزيل لك أخوي الغالي قلب نجران على هذا المجهود الأكثر من ممتاز

أعذب تحياتي


حياك الله أخوي الغالي متروجانا وشاكر مرورك ومشاركاتك العطره






رد مع اقتباس
 
   
   
 
قديم 10-03-2010, 01:18 PM رقم المشاركة : 5
معلومات العضو
مشرف عام

إحصائية العضو







 

قلب نجران غير متواجد حالياً

 


كاتب الموضوع : قلب نجران المنتدى : منتدى الشعر
افتراضي

اقتباس : المشاركة الأصلية كتبت بواسطة الهواوي [ مشاهدة المشاركة ]
قلب نجران
الله الله عليك وعلى ما طرحة لنا
ديوان شعري متكامل للشاعر / سعد بن جدلان الاكلبي
اعفيتنا عناء البحث ولو أن اغلب قصائده محفوظه
الاّ ان ما قمة به كان مجهوووود تشكر عليه ولم يسبقك به أحد
تسلم ولا يسلم ردي العزايم
وصح نقلك و لسان الشاعر الكبير / سعد بن جدلان

تقبل مروري المتواضع أمام طرحك الراااائع

أخوك / الهواوي


يسعدني ويشرفني مرورك أخوي الشاعر / الهواوي

وبن جدلان من فحول الشعر ويستاهل من يتعب له

تحياتي وتقدير لك






رد مع اقتباس
 
   
   
 
قديم 10-03-2010, 02:55 PM رقم المشاركة : 6
معلومات العضو
مراقب عام

الصورة الرمزية الفارس

إحصائية العضو






 

الفارس غير متواجد حالياً

 


كاتب الموضوع : قلب نجران المنتدى : منتدى الشعر
افتراضي

صح الله السان الشاعر سعد بن جدلان

لاهنت على النقل الرائع

تقبل مروري







رد مع اقتباس
 
   
   
 
قديم 10-03-2010, 03:00 PM رقم المشاركة : 7
معلومات العضو
مشرف عام

إحصائية العضو







 

قلب نجران غير متواجد حالياً

 


كاتب الموضوع : قلب نجران المنتدى : منتدى الشعر
افتراضي

اقتباس : المشاركة الأصلية كتبت بواسطة الفارس [ مشاهدة المشاركة ]
صح الله السان الشاعر سعد بن جدلان

لاهنت على النقل الرائع

تقبل مروري


صح بدنك أخوي الفارس ولاهنت على المرور






رد مع اقتباس
 
   
إضافة رد

   
 
مواقع النشر (المفضلة)
 
   

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر (سعد بن جدلان) الجزء الأول قلب نجران منتدى الشعر 3 07-17-2013 11:43 PM
ابن جدلان الدشره ابوعريج منتدى الشعر 1 07-09-2010 11:50 PM
ابن جدلان الشاص ابوعريج منتدى الشعر 0 07-09-2010 11:45 PM
ابن جدلان ياجميله ابوعريج منتدى الشعر 0 07-09-2010 11:43 PM
قصيدة ابن جدلان الشطرنج ابوعريج منتدى الشعر 0 07-09-2010 11:39 PM


   
 
 
 
   

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



مواقع صديقه


الساعة الآن 11:55 PM


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved. منتديات
حقوق الطبع محفوظه لمنتديات بالحارث سيف نجران