يواسيني وانا الميت

يواسيني وانا الميت

قصيدة كتبها شاب عمل حادث سيارة و والدته كانت معاه وكان مسرعا

نتيجة هذا الحادث

الوالدة توفت نتيجة الاصابات الخطيرة

و هو إصابته كانت خفيفة

و هذي الأبيات قالها للي يواسونه



يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني


شفـتـك على أكـتـاف الرجــاجـيـل نـايم ... شـفـتـك مـغـطـي بالـعـلـم قـلـت بـردان
يـبـا هــو حـزني داخـل القـلـب حـايم ... قـلـت اشعـل دمـوعـي وخـلـيـك دفـيـان
صـوتي يـبـا مـن بـيـن الاحـزان عـايم ... لــو اصـرخـه تـهـتـز مـن حـولـي جـدران

::منتديات بالحارث سيف نجران ::

الله يرحمنا برحمته ....* قُلْ لَا أَمْلِكُ لِنَفْسِي ضَرًّا وَلَا نَفْعًا إِلَّا مَا شَاءَ اللهُ لِكُلِّ أُمَّةٍ أَجَلٌ إِذَا جَاءَ أَجَلُهُمْ فَلَا يَسْتَأْخِرُونَ سَاعَةً وَلَا يَسْتَقْدِمُونَ] * {يونس:49} .
أخي الماسح .... مؤاثر جداً ... لكن لا راد لقضاء الله ...الله يحسن خواتمنا وإياكم ...
قال سيدنا محمد المصطفى صلوات الله عليه وعلى آله :. أكثروا من ذكر هادم اللذات ... رحم الله والدينا و والديك وجميع أمواتنا وأمواتكم وأموات إخوانا المؤمنين والمؤمنات والمسلمين و المسلمات... تقبل فائق تحياتي واحترامي ...أخوك ...سهيل.

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

صح لسان قايلها والله يعطي العافيه ناقلها قصيده مره مؤثره ورائعه

لاهنت اخوي سهيل على المرور الطيب...
((الماسح))

الله يعطيك العافيه اخوي ا نسان عادي
واشكرك على المرور الطيب
((الماسح))