الى قلب شاعر ال بالحارث الشاعر الكبير/ محمد بن عيبان
[align=center]
الى قلب شاعر ال بالحارث الاول الشاعر الكبير والغالي/ محمد بن حسن بن عيبان ال بالحارث ( ابو عادل)
القلب الذي يحمل بين طياته حلم الوصول بقبيلة ال بالحارث الى القمة القلب الذي يخسر من ماله وصحته لكي يدافع عن حقوق القبيلة وهذا الشي لمسته عن قرب من خلال معرفتي القديمة فيه القلب الذي يجمل ربعه في الكثير من المحافل والمواقف الكثيرة تشهد بذلك
مهما قلت بحق ابو عادل لن اوفيه حقة هو ومعه عدة رجال من قبيلتنا الغاليه الله يوفقهم جميعا ويكثر من امثالهم[/align]
[align=center]القصيدة كتبتها قبل اكثر من اربع سنين بعد ان وصلني ان ابوعادل عاتب علي قل التواصل فارسلت له هذه القصيدة اشرح فيها اسباب البعد وعساها تجمل عنده وعندكم احبتي اعضاء منتدى بالحارث وعند من يقراءها[/align]
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راكب اللي ماركت صنعة بحرف( الأل) =جيب لكزس وارد اليابان بالألفين
شيّك زيوته وبنزينه تأكد فل=ونطّحه حمر الطعوس وعشقه باثنين
وقّفه بديار شيخ(ن) تتشح بالفل=ووقره مني سلام وهز باليدّين
قلّه ( ابن مليح) فارش لك بقلبه زل=مايدوسه غير شرواك وبعض غالين
حب لي خشمه وقلّه من وصل يوصل=وانت وصلك في زواجه زاد به تزيين
انت ياللي خوتك تشرى ولا تنمل=شاعر(ن) قرم(ن) سطع له بالسما نجمين
شاجع(ن) غمر(ن) ويدعونه ( ابو عادل )=حي ذا الطاري ولبّى خوة الوافين
وقلّه ان الشعر في حضرة جنابه هل=جاتني لبيات تجري تعتزي يا وين؟؟
قلت هوذا ياقصيدي شاعر(ن) محتل=الصدارة والجموع تشاهده بالعين
في علوم المرجله انا اشهد انه دل=واشهد انه شيخ عالم في علوم الدين
يرتكز لامن نخيته يرتكي للحمل =وان وعد يوفي ووعد الحر عنده دين
رافع(ن) راسه وفعله باين(ن) للكل=ورايته بيضاء ومركوزة ب(ابن يالين)
ياقصيدي طالبك وفّه وعطه الجزل=لا تفشلني (بابن عيبان) وقل امين
ياعسى ربّي يطوّل لي بعمر (الإبل) =لاجل لاجتني تبصّم لي وبالخفّين
ان شعري يبري العلّه لدى المعتل=وان فعلي في نهار الهوش بين وبين
بين( ابن لادن) و(بوش) وبين ( ابن لهدل)=وبين ضربات الشجاع بمعركة صفّين
وبين( ابراج التجارة) يوم صاحت ول!!=ول ياللي مقتحمني ما يعرف اللين
وانت خلّك ياقصيدي لاطلبتك هل=اكتب لذاك الشجاع وجنّب الباقين
وقلّه ان ( يحيى ) بعد غيبه لفى ثم طل=يشرح اسباب الغياب ببيت او بيتين
كنت دايم اكره الشهره واحب الظل= وما أحب ( الهيلمه) والناس مجتمعين
لين جاني البزي ( محمد بن دهل) =قال لي ياخال تكفى طالبك أمرين
لاوّله ياخال منك صرت احس بغل=يوم اشوفك تقفي بشعرك مع المقفين
انت جالس تدفن اشعارك ورى ذا التل=والعرب تطلع على ذا التل من عامين
والأمور الثانيه المسأله والحل=في أمور(ن) انت خابرها بابو وجهين
هذي اسبابي ( يابو عادل) وابيك تشل=العتب بين الاحبّه والعرب دارين
انك بهذا الزمان وبالزمن لاوّل =شاعر( ن) فعله سمين وشاعر الجيلين
والعذر لاجا قصيدي فيه نقص او قل=ماني بشاعر مخضرم مثل ( ابن حثلين)
ولاني بمثلك ولاني اشبه ( الأخطل)=انا وان قلت القصايد وين وانتو وين
قلت اجمّلها واقفّيها بحرف( الأل) =علّها تلقى قبول وتنحفظ في حين
وختمها صلّوا على اللي للبشر منزل=النّبي الصادق محمدعليه الفين [/poem]
|
المواضيع المتشابهه
العرض العادي
