محمد بن عويضة

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو بالتفت للكلام اللي يقولونه=ما والله ابقى عزيزٍ فوق مرقابي

من كان مثلي طبيعي تكثر طعونه=وماهو طبيعي يلام إللي تحاكى بي

سويت مايعجزون انهم يسوونه=خليت كل المنابر تحسب حسابي

عيني على كل موقف عز مسكونه=بأفعال لعيون خلق الله ترقى بي

الشعر من عهد جدي حابك فنونه=من صغر سني زبنّي ثم تهقوابي

قلت : إزهله . وامسح بكفيني متونه=من يومها لين هذا اليوم يزهى بي

ولا كتبته عشان اطفال يقرونه=كتبته لنخبة الجمهور واحبابي

خدمته وكل ما املك فدوة عيونه=ماهو علشان شهرة والله ادرى بي

الشهرة الصدق هو حبٍ تشوفونه=في مجلس لشيخ لا جيت وتحفـّى بي

الشهرة الصدق في حبٍ يذرّونه=في دربي الكل من رحّب وهلابي

وألا الشعر صدق روحي فيه مرهونه=لا نمته بحب جاك بشوق يصحى بي

والغير يكتب لجل (لولو) و(سارونه)=من شان تكتب : تقبل خالص إعجابي

عزّيت شعري وهو ماقصّر بكونه ..=سخـّر لي قلوب بغيابي توصّى بي

ولا إنكر إنه بلاني بناس مفتونه=في عثرتي من بعيد القوم واقرابي

لكن (محمد بن عويضة) تعرفونه=مايلتفت للردي واللاش والهابي

وسلامتكم[/poem]