اهل الشرقيه / مع التحيه

كل عام والجميع بخير


ايام قليله ويحل علينا ضيفا كريم وهو شهر رمضان المبارك عساه مقبال خير على الجميع وابلغكم صيامه وقيامه وانتم في صحه وعافيه


تكلمناء كثير عن بعض مايخص القبيله من بعض ماتحتاجها ولكن يبدو ان الجميع ياخذ الامور بهاونه


فانا هناء اوجه دعوه خاص لشباب القبيله بالمنطقة الشرقيه الغيورين اصحاب القول والفعل واقولهم اش رايكم اذا الله اعطاءنا عمر وعافيه نقوم باقامة مخيم اثناء ايام عيد الفطر المبارك نجتمع فيه ونعايد بعضناء البعض ويتخلله رقصات شعبيه وامسيات شعريه
اذا ماكان هناك مايمنع لاسمح الله من وفيات الله يعطيكم طولة العمر ويلبسكم بثوب الصحه والسرور


ويكون المخيم لمدة ثلاث ايام (اذا ساعدنا جو الشرقيه) مع القهوجي ووجبات العشاء اذا اردتم ذلك

صدقوني راح يكون ملتقى للجميع واللي ماشفناه من سنين راح يكون موجود ذلك اليوم بدال الفراره في المجمعات وملاحقة السامري في العزيزيه

والراي للجميع وهذي امنيه قلبيه احببت ان اطرحها عليكم وتشاركوني في رايكم وهل نجران بصرهم ......... فتكم بعافيه

[يام والكبر لله]

بيض الله وجهك يا ابن مليح
كلام سمين ورايي من رايك والله يوفقنا وياكم اليوم ودووم

اخوكم/ الهواوي

[الحـــائر]

سباق اخ صالح ونتمنى من الجميع اتفاعل بتقديم الافكار وتحديد المكان والميزانيه والتفاعل على ارض الواقع

[ذيب ال خمسان]

لاهنت يابن مليح

لاكن ابو الهنوف قام بدعوه لفتح استراحه ليه ماتخلون الشور واحد منا داعي ومنا داعي
وانا بدوري بقوم بالاتصال على الشباب اللي بيجلوسون هناك في العطله 0
تواصلوا من ذا اليوم وقروا فيما يخدم الجميع عسى الله يجمع شملكم في كل يوم وليله0

لاهنت ياجامع ربعه على العز والطيب = العز في دمك والطيب من راسك

[سيف بير جابر]

فكره رائعه وغير مستغربه منك اخى صوت المنتدى لجمع شمل اعضاء المنتدى خصوصا الى فى الشرقيه للتعارف وتوطيد العلاقات وشى جميل لما يجتمع اعضاء المنتدى فى اجواء اخويه و التباحث فى امور القبيله والاستفاده من بعض واتمنى تلبية نداء الاخ صالح ولى تعليق اشوف ان الاستراحه افضل من المخيم على شان اجواء الشرقيه وبنسبه لنا يا اهل الرياض لما هاملنا جيناكم ههههههه اذا سمحت الفرصه واتمنى الاللتقاء بكم
دمت بود اخى صالح

الهواوي / ذيب النهار / ابن ميسان / نواف


اشكر مروركم وتعليقكم الغير مستغرب بالنسبه للاستراحه فانا ماعندي فيها علم واللي تشوفونه في صالح الجميع فمرحبابه

وحظوركم ياهل الرياض لابد منه يعني بتعيدون بلحالكم ماحن براضينها عليكم ولو هو ودكم

اخي الهواوي مهمه اشوف ان اكفىء من يقوم بترتيبها نسق ياذيب والملقى ان شاءلله برمضان اذا الله عطاناء عمر وقلب نجران وعابر سبيل دورهم مهم في هذا الموضوع وبقية التفاصيل تلقونها عند الاخ ( يحي بن راشد بن بليه ) والعمل هذا ليس مقتصر فقط على منهم بالمنتدى فهذا شان يخص الجميع

بالنسبه لااهل رحيمه والجبيل والخفجي فالعلم بيكون عند الاخ ( فهد بن عويضه بن فيدمه) وهو راح يتولى عمليه التنسيق فيما بينهم وبالنسبه لهل ابقيق والا حساء
فمالقيناء للحين من يقوم بمهة التنسيق

يعني باختصار الاخ ( يحي بن راشد بن بليه) عن الدمام والخبر والثقبه والظهران

الاخ ( فهد بن عويضه بن فيدمه) راس تنوره - الجبيل - الخفجي

ابقيق والاحساء ( ارشح عبدالله بن هادي بن جونان ) انا اخترت هالاسماء بحكم خبرتهم في هالمجال وصفاء نواياهم في كل مايخدم القبيله من شان وان شاءلله اني امون عليهم وماراح يرفضون لي طلب


فتكم بعافيه ولنا لقاء

[الزعيم]

على القوووه.

وهذا ماتمناه الجمعه والصحبه الزينه.

عندما وضعت اسماء اخواني / فهد بن عويضه بن فيدمه

والاخ / عبدالله بن هادي بن جونان والاخ يحي بن راشد بن بليه


لم اضعها من باب المحاباه او الصدفه بل على تجربه سابقه مع هولاء الرجال الذين بادرو كعادتهم باتصالاتهم وترحيبهم بماتناوله موضوعنا هذا وقد ابدو كل مالديهم في خدمه اخوانهم من شباب ال بالحارث في مثل هذه المناسبات التي تزيد من ربط التواصل بين ابناء هذه القبيله

شكرا فهد شكرا عبدالله شكرا يحي وكنت واثق بسرعة تلبية ندائي لما اعلمه من حبكم وغيرتكم على قبيلتكم

اذا اتضحت الصوره الان

الاخ فهد بن عويضه / سالم جونان / يحي بن مليح/ عن راس تنوره والجبيل والخفجي وبقية شمال الشرقيه

الاخ عبدالله جونان / مانع جونان /عن ابقيق والاحساء وماتبقى من مدن الجنوب الشرقاوي

الاخ / يحي بن راشد بليه / الهواوي / صالح بن مليح /عن مدن الدمام والظهران والخبر
امل من الاخوه الاداريين تامين وسيلة اتصال للراغبين بالمشاركه في مخيم العيد لاابناء القبيله بالمنطقة الشرقية للذين يجهلون ارقام اخوانا المذكورين ومن يعرف ارقام هواتف اخوانا فعليه الاتصال مباشرة بهم كما نامل من ادارة المنتدى تحديد اجتماع للجنه نقوم من خلاله بوضع كافة الترتيبات اللازمه لااقامة هذه المناسبه التي ينتظرها الجميع

كما قلت لكم المناسبه تخص الجميع وليست مقتصره على اعضاء المنتدى دور المنتدى هو ادارة هذه المناسبه بصفته الوسيله الاعلاميه الوحيده التي تربط ابناء القبيله

شباب الموضوع ابسط مما تتصورون وصدقوني ماراح يلحق الواحد الا مبلغ رمزي بحكم كثرتنا الله يزيدناء وانتم قدها صدقوني حالنا ماراح يتغير اذا ماكان فيه عزايم رجال تدفه وصدقوني هالمخيم هو انطلاقة لااشياء اكبر نطمح فيها وراح نتناقشها اثناء المخيم

وبالنسبه لموضوع تعقيد معاملات ابناء القبيله في الدوائر الحكوميه بالشرقيه فهذا كلام مايدخل المخ كثير من الشباب جددو بطاقاتهم واضافو مواليدهم وجددو سجلاتهم التجاريه وامر وزير الداخليه حفظه الله واضح والبرقيه التعقيبيه التي اصدرت من وزارة التجاره بشهر 3 لعام 1427 هـ كان واضح ونصه كان يقول المجنسين والتي تبداء بطاقاتهم برقم (2) عموما اشكر كل من اتصل وموعدنا قريب وراح نتناقش في امور كثيره وصدقوني وانا اقصد اللي كلموني يمكن هالموظف جديد ولايدري بالعلم دق جهاز الكمبيوتر ووجد التعميم القديم الذي كان يخص اسم ( بالحارث) ولم يتاكد ...

[بادرسنبل]

السلام عليكم ورحمة الله وبركاته

يقول ابن فطيس:

الله يبييض وجه راعي الفكره
عزالله انها تنحسب لحسابه

واقول انا لكل من همه جمعا ربعه ورفع شانهم بين القبايل صغير كان او كبير:

الله يرفع شان خادم ربعه
سخرلهم ماله وشرع بابه
وعند اللوازم صامله وقفاته
ماينثني مادامكم له لابه
عزالله انه درع جمب ومحزم
قولوا معي ياربنا زدنابه

وسلامتكم ..... والله لا يهينك يابو محمد عوايدك الطيب ولا يهونون باقي الربع

ارحب عدد ماسال في غدرانه

والقاع من كثر الزهر تزهابه


انت الخوي لاصار فيني لازم

وش فايدت بيتا بدون اطنابه


دايم على الازمان فعلك غانم

منكم تعلمناء العطاء وانسابه

ماقولها اجامل وربي خابر

فعلك مشرع للعرب ابوابه


ارحب ارحب ارحب وربي مايسدني فيك ديوان ياذيب


تعلمتك منك ياخويي كل طيب