قصيده لشاب رثى نفسه وتوفي بعدها بيومين
قصيدة لشاب رثى بها نفسه و توفي بعدها بيومين
[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاني وأنا في وسط ربعي وناسي=جاني نشلني مثل ما ينشل الناس
مني نشل روح تشيل المآسي=تشكي من أيام الشقى تشكي الياس
اثر الألم في سكره الموت قاسي=ماهالني مثله وأنا إنسان حساس
جابوا كفن ابيض مقاسه مقاسي=ولفوا به الجسم المحنط مع الراس
وشالوني أربع بالنعش ومتواسي=عليه ومغطى على جسمي الباس
وصلوا علي وكلهم في مآسي=ربعي ومعهم ناس من كل الأجناس
ياكيف سوا عقبنا تاج راسي=وامي الحبيبه وش سوى بها الياس
اسمع صدى صوت يهز الرواسي=قولوا لها لاتلطم الخد ياناس
قولوا لها حق وتجرعت كاسي=لاتحترق كل يبي يجرع الكاس
أصبحت في قبري ولابه مواسي=واسمع قريع نعولهم يوم تنداس
من يوم قفوا حل موثق لباسي=وعلى رد الروح صوت بالأجراس
هيكل غريب وقال ليه التناسي=صوته رهيب وخلفه اثنين حراس
وقف وقال ان كنت يانمر ناسي=هاذي هي اعمالك تقدم بكراس
ومن هول ماشفته وقف شعر راسي=وانهارت أعصابي ولا أرد الانفاس
ياليتني فكرت قبل انغماسي=بالغفله اللي منتهاها للإفلاس
وفزيت من نومي على صوت ناسي=واصرخ أقول الموت وأحذر الناس[/poem]
[align=center]توفي قائل القصيده بعدها بيومين في حادث مرور..[/align]
|
العرض العادي
