{محمد علي حليلان ابالحارث }
[align=center]بسم الله الرحمن الرحيم[/align]
[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نحمد المعبود رب العالمين = خالقٍ عبده وبالعقل أكرمه
الوطن طيب وحنا طيبين= وراية التوحيد في وسط علمه
عايشينٍ في أمان وآمنين= والبلد من خير ربي منعمه
لو تظاهر شعب زين العابدين= أو تظاهر شعب حسني وهزمه
ما علينا من كلام الحاقدين= و ما يهز النفس ريح الدمدمه
حن شعب فينا صفات الوافيين= والوفاء فينا بشحمه ولحمه
في الوطن ما نستمع للعاذلين= وما نطاوع فيه حكي الشرذمه
امعصي ياللي تبا ثورة حنين= والله إنا دون راسه وقدمه
جاك موقفنا وذا العلم اليقين= نكتبه لك ياعسى انك تفهمه
بلغه للي معك متظاهرين من عثا في الأمن بآنكسر فمه
وش معه في القلب والخافي يبين بالتظاهر يوم يرفع معصمه
قام متظاهر وصدق كلمتين= بالجهل والكذب يفتح برطمه
ذا الوطن ماهوب لعبة جاهلين= قصةٍ تعرف ولاهي مبهمه
عشقنا والعشق من ماضي السنين= ساكن الخافق ويمشي في دمه
قبلة الإسلام وأرض المسلمين= وجهةٍ لاهل القلوب المسلمه
يكفي إنه من أمينٍ لي أمين= إسرةٍ بالعدل قامت تحكمه
أحكمو بالعدل دولة ما تلين = دولة معزي عسى الله يرحمه
من نٌهج الإسلام والنور المبين= يمشي الدستور حسب الأنظمه
ياهل العوجاء هل الفعل السمين= و المواقف بالفعول مترجمه
جمل الله حالكم .. في كل حين= فعلكم بالطيب كلٍ يعلمه
عزكم رب البشر دنيا ودين= حكمكم يالله جعل ما نعدمه
الوفا مكتوب من فوق الجبين= و الردي الله يقطع منسمه
حن لكم وأنتم لنا درعٍ حصين= بالوفاء والحب نرسم ملحمه
للوطن قدرٍ وله حقٍ و دين = و لولي الأمر طاعه ملزمه
ما نكثنا العهد والله ويمين = عهدنا ثابت ولا شي هدمه
كلنا نفدى الوطن ومعاهدين= بالولايه والولاء فينا سمه
عهدنا عهد الجدود الأولين= الوطن جنبٍ وحنا محزمه
والله إنا دون حده مرخصين= العمر والمال لجلٍ نخدمه
وأنت ياللي ناوي ثورة حنين= والله إنا دون راسه وقدمه
بلغ اللي في الوطن متظاهرين= من عثا في الأمن بآنكسر فمه[/poem]
[align=center]الشاعر :محمد حليلان بالحارث[/align]
|
المواضيع المتشابهه
العرض العادي
