نسيت من أجلك الصادق اللي الروح يعطيني
(( آنا سميتكـ الدنيا انت وش تسمــــــيني ))
فديتكـ ياهوى نفسي مع الشدات خاوينـــــي
فديتكـ لا قسى وقتي علي وناحت أشجاني
أبيك في لحظة الفزعه تحط ايديك بيدينـــــي
وأبيك ليا شكيت الياس تكون بساحة أوطاني
أبيك البلسم لجرحي وأبيك النوم في عيني
وأبيك ليا مني صحيت ألقاه بأحضــــــــــــاني
طلبتك يابعد ذاتي أمااااانه لا تخليـــــــــــــني
تراني لو رحلت أبقى ضحية كيد عدوانـــــــي
سألتك بالله الوالي سألتك لا تجافيـــــــــــني
لأني اموت بغيابك ياروحي وجثـــــــــــــــماني
معي واصل مشــــــــاويرك أواسيك وتواسيني
معي إبقى مثل ظلي حذاري حذاري لا تعاديني
أبي منك الوعد إنك على غيري تبدينــــــــــي
وأنا هذا وعد مني ماأبيعك واشري الثانــــــي
وإذا بلسانك الصادق نطقت وقلت تغليـــــني
أنا بعلن خبر عاجل تعالو اقرو اعـــــــــــــلاني
ابكتب داخل العنوان الى من صار يغلـــــــيني
الى قلبي الى عمري الى من صار يهـــــواني
إليك اهدي نغم شعري وكل عرق نبض فيني
وإليك اهدي شذى عطري ويأسميني وريحاني
وأيكتب داخل الاعلان وصيه كان شـــــــاريني
معي بالطيب عاملني ولا تجرح بهجــــرانــي
ومهما تقسى الدنيا عليـــــــــــنا لاتعادينـــي
ولا تسعى أبد في يوم في عندي وعصياني
أبيك دكتور لآلامي من أحزاني تداوينـــــــي
وأبي لاكفت ابصاري تكون النور لأعيـــــاني
وأإبي لافاضت أنفاسي تكون أول معـــزيني
وأبيك بيدينك الثنتين تلف الجسم بأكفـــاني
وبعد ماأكون في قبري تذكرني وتبكيـــــني
وأكون حزن على بالك ماتغفل وتنـــــساني
أبي لا قالو العذال وش اللي بينــــك وبيني ؟
تبسم وتدمع عيونك من الحســره وفقداني
وتجاوبهم إني حي وبالأضلاع تخفيــــــــني
وإني سلوة الخاطر معك لا صرت وحدانـــي
أبيك تقول هو مامات أحاكيه ويحاكينــــــي
أبيك تقول هو موجود وخبيته بوجــــــداني
أبيك تقول هو دمي اللـــــي في شرايني
لانك دمي اللي كان يضخه عرق شرياني
وأبي لازادت جراحك تخليني وتنادينـــــــي
وتفتش داخل شعورك وتهمسلي وتلقاني
وإذا طال السفر إقرا كتابتي ودواوينــــــــي
وقل ياكثر ماخلي كتب لي شــعر واهداني
ترى لو للقصيد عيون والله ماتقــــــــــديني
لأني للقصيد عيون وإسمــــــك رمز ديواني
وترى لو للحروف أهداب تعجز ماتغطيــــــني
لأني للحروف إحيا ووحيك سر لإذعانــــــــي
تداركت الزمن يمك الا ياليت يمــــــــــدينــي
أخاف أجيك متـــــــأخر وسيف الوقت يأطاني
نسيت من أجلك الصادق اللي الروح يعطيني
ونسيت الاول والاخير والقاصــــي مع الداني
وجاري المسح للباقي وانت اللي تكفــــيني
حرام احط معك غيرك واحبك واظلم الثانـــي
كفايه انت في دنيــــاي أمل باقي يسلينــي
أمل صوته إذا ضاع الامــل ألقاه بأركانــــــي
كفايه همسك الحاني إذا جاني يدفيـــــني
ويبدد وحشة ظروفي وتشرق فرحة أكواني
تراك بعالمي شمـــــعه تبدد ظلمة سنيني
وتراك بدنيتي دنيا لها لون وشـــــــكل ثاني
ودنيا " مابها حسكـ ماأبيها وعمرنا فانـــــي :
آنــا سميتكـ الدنياا وآنته وش تسميني !! ؟
|
العرض المتطور
