قصيدة :علي بن حسين ابن عاقله آل بالحارث
ياالله جملني لعد الفرايد
اللي مرابطها خبوتٍ خميله
ترعابها شردٍ معي ماتعايد
نسل العتيق النادرات الاصيله
مايمتطيها كون شهمٍ وقايد
اللي يميز حمحمه من صهيله
فيا لابتي يا اهل الوفاء والعوايد
اللي لهم فالمجد مجدٍ عديله
بالحارث اللي فالقى والشدايد
مثل الطمام اللي حدر من مسيله
واللّي نوا ربعي فلا هو بفايد
ذولا هل البارود ب ام الفتيله
تاريخهم مشهود فخر ومجايد
هم مكرمين الضيف زبن الدخيله
كسابت الناموس فعل وعوايد
واضح كما نوضٍ لمع من مخيله
فيا اللي تبي العليا ترى العز كايد
يبيله رجال (ن) تذب الطويله
وياللي طلبت العشر جاتك عدايد
من قاع بحر الشعر جبت الجزيله
كلمات / علي بن حسين ابن عاقله آل بالحارث
|
المواضيع المتشابهه
العرض العادي
