عرض مشاركة واحدة
   
 
قديم 08-19-2015, 07:19 PM رقم المشاركة : 1
معلومات العضو
كاتب نشيط

إحصائية العضو






 

Omran Balharith غير متواجد حالياً

 


المنتدى : اخبار قبيلة بالحارث
افتراضي معاني لن يفهمها إلا منهم متمسكين بي عادات وسلوم القبائل...

1-الغرم (مايمسك الرفيق لرفيقه ويلزم علي القبيله )
2-الفروق(مبلغ مالي للقبيله او الفخذ وليس فرض علي القبيله )
3-الجيرة(تامين المبتلي الخايف اذا وصلك وقال من استجاربك فجره )
4-مدة الجيرة(سنه وشهرين القتل و6 شهور للكون )
5-ثمان الاسود(من دخل عليك وهو ماله جيره عطه 8 ايام ويدور غيرك )
6-العايب(من ذبح خاله ماتنقيه سبعة البحور ومن ذبح جاره وخويه )
7-النقا( النقا بعد العيب)
8-النقي(اللي مادخل في العيب وابيض وجه مايدخل في الشبهات)
9-الجار(جويرك الخايف)
10-القطير(من نزل عليك بحاله وحلاله وهو خايف )
11-القصير(قصير البيت)
12-رديد الشان(من جاك في بيتك والا طمر وراك امنعه)
13-الحشم(من حشم جويرك وفعل فيه)
14-المثار(اتثور في خويك والا عانيك اما دم والا دراهم)
15-الوجه( تقدم وجهك وتوقف علي وجهك)
16-الخوي(خوي الجنب)
17-السير(اللي يوصل الخايف لمكان امن )
18-العاني(تختلف اللي يمسك الخامس والرابع والثالث )
19-الحق(مطالبة بين الاخصام عند شيخ )
20-الكفيل( اللي يضمن حقك )
21-الرديم(الشاهد علي الكفيل)
22-اللزم( من سلم لزم عند عانيه حتي يسلم خصيمه وينتقلون للشيخ)
23-القصا( من تقصا في حقه بدين او غيره )
24-الهيا( بدون دين وهي وخلص بوجه وجاه)
25-اليمين( من 44 حالف ودون وكل شي له عدد )
26-البينه(الشهود علي الحجه المحتجي بايمانه والمدعي بالبينه)
27-الفصل(فصل الشيخ بين المتخاصمين)
28-المنصد(اما بعد فرض شيخ وتختلف )
29-الكرامة(العلم الغانم اللي يفعل الكفو شرواكم)
30-العزوة(اللابه وقبيلتك يارجال)
31-الوعد(تحديد موعد للقبيله )
32-الملقا( التقاء القبيله في الوعد)
33-الشان(هو اللي يخص القبيله من مهشل ومن قضايا )
34-المجوب( اللي تختاره القبيله يتقدمهم)
35-الجواب(هو العلم اللي متفق عليه من طرف القبيله)
36-الكبير(الله ويمكن كبير السن اوكبير الفعل )
37-الشيخ(اللي فعله يطول وجهه اول واليوم كثروا )
38-العقيد( اللي يقود القوم علي القوم في الغزوات )
39-المقرع( اللي يرجعون له المشايخ )
40- وجيه البرزة(وجهين اما نقا والا رداء)
41- العكفة(لحمتك الصغيره )
42- الفيد(كسب الغنايم من القوم )
43- بيضاء اللهدة( رفع يدك حتي تظهر اللهده )
44- قطيع السر(من قطع سرك اخيك وناس اتقول اخيك من امك )
45- الذم(الفعل اللي سويته عيب او غيره)
46- رد البرا(لما قام الحرب )
47- المعونة(هي اللي تقوم به في زواجات او مهاشل )
48- الرفدة(اذا راح حلالك وجيت ارفدك )
✋✋✋✋✋✋✋✋✋خ







رد مع اقتباس