[سمو الاحساس]

بعض من قصائد الشاعر الكبير وآحد فطاحلة الشعر في النظم والمحاورة في الجزيرة العربيه وهو سلطان الهاجري


[align=center](الرفيق اللي ليا غبت مايحمي قفاي)

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
الرفيـق اللـي لاغبـت مايحمـي قفـاي=اجل لامن صرت حاضر ماني في حاجته
احتمـي دوري ودور القبيلـه مـن وراي=جمـدوا هـرج الفراغـات ياهراجـتـه
كانها بمصامخ الـروس والا بـاي بـاي=خلـو الفلـم المدبلـج علـى دبلاجـتـه
طول عمري ماستمع من ضعيـف الـرايراي= ولاطمعت بديك خيبـر ولادجاجتـه
العداوه شي عـادي تجينـي مـن عـداي=من نسج نفس العـداوه عرفـت انساجتـه
وان كلاني مخلب من مخاليـب اصدقـاي=قلت ضاعت صيده في طـرف عجاجتـه
وان ثناهـا مـرت ثانيـه جعلـه افـداي=لامسـك كلـب الخواجـه كـلا خواجتـه
الارض ماهي ملك ابي والسما ماهي سماي=مير العوج لا اعترض لي عدلت اعواجته
افـرده وذوقـه لمستيـن مـن عصـاي=وادبـه تاديـب طفـل علـى دراجـتـه
لين ينسى عناد راسـه ويذكـر مستـواي=ينتبـه والا يسوهـج علـى سوهاجـتـه
في نظره الناس لون وهـو هـاي هـاي=والمـدوج مابعـد فـاق مـن دواجـتـه
ابك انا لو اشرب البحر مايقطـع ظمـاي=وانت مثل الضب يزحف تحـت عجاجتـه [/poem]



رحــب وهــلا


[poem=font="simplified arabic,5,darkred,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
يامرحـبـا ترحيـبـة ماقـالـهـا الا=البدو لا شافو بـروق المزنـه العقربيـه
من خاطر وقف من الفرحه ورحب وهلا=ياغايب ربـي خـذه منـي ورده عليـه
خليتنـي والعاشـق الولهـان ماينتخـلا=الا تخلي البدو عن حب الفرس والمطيه
تعال يالغالي ترى مافيـه داعـي تغـلا=ان الملـوح واقلطـي ياليلـه العامريـه
خليني اعبر عن شعور الغـلا واتسـلا=واجر لحن من لحون طروقي السامريـه
لين العروق الظاميه تشرب حنان وتمـلا=وانا علي احفظ غلاتك مثل حفظ الوصيه
واليا انفهق ليلك وصبحك ياحبيبي تجـلا=من لا مني في فرحتي لا رحم ميته وحيه
هرجك عسل حالي وريقك كوكتيل محلا=العام الاول ذايقه فـي فنـدق الفيصليـه
وان قلت لي ماذقت غيره قلت حاشا وكلا=الا العويدي لا ذعر فـي دلـة الشاذليـه
هذا العذر يكفيك من صاحبك يازين والا=ودعتك الله ياخوي ماوثـق فـي خويـه[/poem]



(راكــب اللـي حــسها تـسمعه مـن كـل صـوب)


[poem=font="simplified arabic,5,green,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
راكب اللي حسها تسمعه من كـل صـوب=مثل زلزال الرعد فـي المـزون المظلمـه
كنها يـوم استـدارت وضاقـن الـدروب=فرخ شيهانٍ على الطلـع ينهـض مقدمـه
تلها جورج الخواجـه وعرضهـا الهبـوب=وأعلنوا بإطفاء الزقايـر وربـط الأحزمـه
إسم كبتنها خواجـة ماهـو بلبـاس ثـوب=أخذ من االفوتكا سك ومـن الشـي عدمـه
من سلايل شايبٍ ما جمـع غيـر الذنـوب=والديانة عكـس الإسـلام ماهـي مسلمـه
مايعرف يقول هـذي شمـال وذي جنـوب=الدليلـة بوصلـة والحـروف مترجـمـه
واهني اللي علـي رحلتـه يلقـي ركـوب=إن رجـع وألاتوفـى عسـى الله يرحمـه
إن نوى في مشرق الأرض وألا في الغروب=المهـم ينفـذ الــلازم الـلـي يلـزمـه
فاقدٍ لـي شيـخ قـوم غالـي ومحسـوب=محزمٍ في الضيق يابعـز منهـو محزمـه
والجفا من بين الأصحاب عيب من العيوب=والصداقـة مـن بنـى بيتهـا مايهـدمـه
والغلا والكره ما تسكـن إلا فـي القلـوب=بـس مابـه قلـب فيـه الثنيـن مخيمـه
والرجل لاصار بيـت مـذرى ومحجـوب=استـوى عنـد النشامـا وجـوده وعدمـه
أتحمل مزح الأصحـاب عذبيـن السلـوب=وأتخيـر وآكـل التمـر واطـش عجمـه
وأعرف الكذبة إليا جات من فـم الكـذوب=لاقعـد يرفـع لسانـه ويرخـي برطمـه
والطرب لامن جرفني مع اللحن الطـروب=أنسف البيت المدمدم علـى اللـي دمدمـه
واقفل الجوال عن راعي الغـوج الهـذوب=وأفصل التعميـم عـن بيجـري واعممـه
زلة الطيب مـا تجـرح متينيـن الجنـوب=عقب اللـي زلـةٍ مـن صحيبـه تفحمـه
ايه ياضيدان والنـاس حـارب ومحـروب=والأعـادي كـل واحـد بحبـره وقلـمـه[/poem]



(في ربـوع بقيـق )

[poem=font="simplified arabic,5,chocolate,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
لايمي لاقلت احب بقيق واللّي حوله=اقطع الله نصيب أبوه وجعل ماله والي
جزء من دوله ، لكنّه في عيوني دوله=اعشقه واقدّره قدر الرّفيق الغالي
وكل ذكرى في ملفّات الغلا محموله=في ربوع بقيق جعل بقيق ماله والي
ياوجودي لاذكرت اللّيلة المأهوله=يوم جيت أحث رجلي ، والسّعد يبرالي
وانطحتني مثل ليل السّامري وطبوله=جيدها برقه يلوح ، وعودها ميّالي
افتقدت الذّاكره يوم انتثر مجدوله=ولا انتبهت ايلين طاحت غترتي وعقالي
وانتهى الشوط الإضافي ما كسبت الجوله=الله انّه يغفر ذنوبي ويرحم حالي
ذقت شيء من رحيق الشفه المعسوله=ليتني ماذقت منها شيء كان اشوالي
استحيت من الأمور اللّي مهي معقوله=الأمور اللّي لا تتسوَّى ولاتنقالي
واصبحت قصّة غرامٍ مالها حيلوله=مابقى الاّ اسم العنود ونمرة الجوَّالي[/poem]




(يابـو )العـيـون

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
يابو العيون اللي هدبها مراييش=يابو الدلع يااللي شفاياك ذبله
ياما على شانك نويت المطاريش=وياما تبعتك شرق والناس قبله
واليوم كني شفت في الوضع تشويش=شيٍ مجمعت العلوم تحسب له
وش عاد لو تزعل علي الدراويش=أنا بدويٍ راح يتبع هواء... أبله
علط الرقاب اللي وبرها عكاريش=لاربعت قلبي يزين الطرب له
ننزل بها في منزلٍ مابعد نيش=روضٍ خضر عشبه خزاما وربله
في ليلةٍ يأتي مطرها رشاريش=هذا ربيع القلب عقبه وقبله
لاتحسبني عقب فرقاك ما أعيش=من لاحسب لي عادتي ماحسب له
حتيش لو بينتي الصد حتيش=لانيب عنتر ولانتيب عبله[/poem]



(يـا خاطـر)

[poem=font="simplified arabic,5,teal,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
ان جيت يا خاطر عسى الله يحيِّيك=على الشّحم ومبهّرات الدّلالي
عند الرفيق اللّي يعزّك ويغليك=حيثك ولد عودٍ عزيزٍ وغالي
وان رحت يا خاطر فلاعندنا فيك=تغيب عنَّا شهور والاَّ ليالي
خذها على الذِّرعان منِّي وانا اخيك=الكذب ماهو من سمات الرِّجالي
لاراجيٍ غيرك ولانيب راجيك=في كل ميرادٍ طوالٍ حبالي
افتل واحل معقِّدات الشّرابيك=واشيل ما شالت ظهور الجمالي
ياما تصعلكنا وصرنا صعاليك=وياما تحمّلنا الحمول الثّقالي
للمرجله صرنا ****ٍ مِماليك=وكفوفنا تندا من اوّل وتالي
لو كان مانملك رصيدٍ على شيك=اوجيهنا عند النشّاما طوالي
نشوم عن هذي ونِرهي على ذيك=وما حاشت ايدينا مهو راس مالي[/poem] [/align]




.