[align=center]السلام عليكم ورحمة الله وبركاته
الزميل والاخ بحر جده أتمنى تكون إجاباتك فردية ولا ترد بالعموم من نكون هذي عليها شمل ان كنت ما تشوف من نفسك شي فهذا شي راجع لك اما حن فلا حن شي وأشياء ولنا شان ما هو بالهين، يا الصاحب لو ذاق اللي تدافع عنه ذا طعم الفقر ما أجاز قولة عجايز يخدمون على آخر عمرهم خصوص ان كان في بيته عجوز ولو حالته تعبانه وعنده عجايز واللي حوله بالمثل تتوقع كان العلم هو العلم، يا الزميل ماحن بشياة يحدد مسارها من يقودها، عندنا عقول نرجح بها الكفة العادلة واللي ما نقبله نرده ونقنع في ردته، فيه أمور يا صاحبي لازم ننتبه لها لان التنازل مره يقتضي عدة تنازلات بالتوالي تأتي بعده أما اللي مضري نفسه على الهينة فيستاهل ما جا وجهه، يل الصاحب العادات والتقاليد اللي لا تعني شي في حالة الجوع وأنها لا راح تسمن ولا تغني من الجوع بالنسبة لنا حن عاداتنا وتقاليدنا كل شي وحن بدونها ولا شي ولا بعد الجوع باللي يخلينا نتنازل عنها ونقبل فكرة ذل نسوان عشانها وذا شي يرجع للراس ولا هو بذنبنا ان خرجنا للدنيا وروسنا صلبه ما يلينها جوع ولا غيره؟ عاداتنا تحكمنا ونسوان الحمايل بالعموم الله يعزهم من خدمة البيوت، والصوت اللي تباه ياصل للمسئولين تراه من كثر الصياح غدا مبحوح ومتقطعه اوتاره والثياب غدت تلبس مقلبه ولا حد سمع ولا درى والسبب مثل ذي الفتوى اللي تسببت في رضوخ البعض للهوان، يا الزميل الاسئلة اللي تشوف ان مالها لزمة ياليت تجاوب عليها وتنورنا وقبل ما تجاوب علمني ليه العقول اللي كرمنا بها الله سبحانه، عشان ندرك بها ونستخدمها في صلاحنا أو (أشك انه لازم نحافظ عليها وقد ما نقدر نقلل استخدامها والاهم غبار الوكالة اللي عليها لا يروح) في آخر ردك فيه سؤال ودي ازيد اجاوب عليه بالنسبة لي اسرق او اتاجر في الممنوع افضل واكرم لي من شغلة هوان على الاقل ؟؟؟؟؟؟؟؟ محفوظه، عجب يالزميل والله عجب هنا واحد يرضى للعجايز يتمرغون آخر عمارهم وهناك واحد راعي بادره يشتغل خياط واخوه حلاق واعوذ بالله بغيت انسى السابقة الكبيرة اللي جابت التايهه بغيت انسى سعودة سوق الخضرة الله لا يعاقبني والمصانع والمنشآت اللي فيها الوظايف الزينة اللي تليق بالمواطن وتحفظ ماء وجهه وعليها الكلام ماسكينها الاجانب وابشرك اخس خلق الله للاسف ما علينا المهم انهم مبسوطين ولا عليهم خلاف يجون ثمان ساعات اذا كملوها بعد ثم يطلعون يفصلون عند خوينا اللي قبل شوي ويحلقون عند اخيه لانه قريب من الخياط ويطلعون سوق الخضرة ما شاء الله عليهم ياخذون مقاضي كل يوم بيومه ويعودون لبيوتهم ويحصلون كل شي مرتب ونضيف ما شاء على ذا العجايز مو مبين عليهم! وبعدين يرمون الخضرة الطازجة على العجايز (ولا لهم فضل بعد يشتغلون براتب) ويامرونهم باللي في نفوسهم يبونه على العشا؟؟؟؟؟؟؟؟؟؟؟؟؟؟؟ يا الزميل ليتك مطمر علمك في الشحم والله انه اكرم مع ان علمك بين وواضح ولا يخفى الا على الخفا اذا بتعقب على اجابه من شخص في خاطرك عليه شي الافضل توجه له كلامك لان الموضوع في محله والردود اللي ردفته في محلها يا الصاحب احسن من انك تشكك العضو في موضوعه او تهيئ له انه على خطأ. على العموم إختلاف الآراء لا تفسد للود قضيه يا الصاحب ومثل ذي المواضيع كلن يعبر عن نفسه ووجهة النظر الخاصه به. لكم تحياتي الحـــارة والسموحة من صاحب الموضوع ووالله اني اتحاشا مثل هذه المواضيع والنقاش الغير مثمن فيها ولكن أبت العزة فالمعذرة.[/align]
|