اخي بالحارث العزيزه ... الشمس لا تحجب بغربال ويمكن لابتعادك عن مناسبات بالحارث وبعدك عن الامور اللي متعلقه في بالحارث شعريا هي اللي خلتك تقول ذا الحكى ..
اسأل عن محافل بالحارث من كان يمثلها ؟؟
واسأل محافل يام من يمثل بالحارث من قديم وقبل حتى يظهر اغلب شعراء بالحارث الحاليين واللي هم كفو ويقومون بواجبهم تجاه قبيلتهم
وقصائد محمد بن عيبان في بالحارث عديده وله مواقف مع شعراء من يام ومن خارج يام لا يسعني ان اعددهم او اخوض في التفصيل ولكن اليك وباقي اخواني في هذا المتدى كم بيت قالها الشاعر محمد بن عيبان ردا عن حق من حقوق بالحارث وموجهها الى احد شعراء يام ويقول في بعض ابياتها ..
ما حن نهاب الطعون ولبس الاكفاني ... نوماس يامٍ بغالي الروح يشرونه
قلته وانا من هل الفزعات بالشاني ... بالحارثٍ خصمهم ما هم يهابونه
هل نسبةٍ من عصر حمير وكهلاني .. نجران ساسه وقد كانوا يحكمونه
واليوم اشوف النعم يرفع بها الداني ... كم شفنا من واحدٍ وانتم تشوفونه
ومن يشتري بالدراهم جد ولساني ... لا يحسب ان العرب ما هم يعرفونه
القصيده طويله وهذا جزء منها وهناك العديد والعديد من القصائد ولا يسعني ان اذكرها جميعا ولا يحق لي ان انزل قصيده كامله للشاعر من غير علمه او طلب الاذن منه
وكل شعراء بالحارث كفو ومطاليق وحن معهم وسند لهم ويمثلونا خير تمثيل ..
تحياتي للجميع وكل احترامي
|