اشكرك اخي فواز على الكلام الصادق النابع من القلب. اتمنى ان نترك شهداء الاخدود وجمرة العرب وجميع الطنطنات التاريخيه ونتكلم عن اليوم. شباب متعلم شباب احتك بقبايل اخرى شباب بالحارث احسن من اغلب جيل الشيبان فلا حد يغالط نفسه لكن للأسف البعض ورث من بعض الشيبان الفسلين الانعزاليه والترجمه الناقصه للاوضاع وعدم الحكمه وعدم وزن كلمته ورفع الصوت وماتحتها كرف.
لذلك شباب بالحارث ونعم الشباب بس من وجهة نظري اغلبهم تنقصه القزه ومعرفة السلوم وبعضهم يستحي لما قد هو بين الاجناب ويحس انهم احسن منه. انا اتكلم والباب مردود واتمنى ماعلى جالها الا رفيق.
اعيد كل هذه المشكله ان شباب بالحارث اذا قال ان حن حارث بن كعب! وماحن بيام وعاد القبيله الفلانيه منا وذولاك يرجعون لنا الخ يااخي- والهرج عام-اترك زمن حارث بن كعب واترك كل من يسر فيه حجاز ولايمن واهتم بنفسك يابالحارث بن كعب اللي في نجران.
لاتقولون الضعف هو عدم وجود شيخ او عمده او غيره لا فيه قبايل حالهم حالنا ومرجعهم بن منيف وفيه قبايل حالهم حالنا بينهم مشاكل على بعض الامور لكن واحدهم تلقاه عزيز نفس رافع ربعه بكلمته ورزانته ومنطقه وحديثه واذا بينه وخويه شي حاول يفهم ويتفاهم معه ماهوب "قعري".
والسموحه على التطويل فموضوعك ذو شجون وينم عن طيبك!
*
|