[صالح آل بالحارث]

[align=center]احبتي الغالين وربعي اللي افخر بهم هذه قصيدة القيتها قبل حوالي4 شهور في مهرجان استقبال صاحب السمو الملكي الامير / مشعل بن عبدالله بن عبدالعزيز بمناسبة تعيينه اميرا لمنطقة نجران وقد شارك بالمهرجان 12 شاعر من مختلف قبائل منطقة نجران وشرورة. وبالرغم من ان المنظمين اتصلوا علي قبل المهرجان باسبوع تقريبا الا انني كنت حريصا ان يكون لربعي ال بالحارث مكان بالمهرجان وكتبت القصيدة على عجل واعذروني ان كان فيها قصور فديتكم[/align]





[poem=font="simplified arabic,5,black,bold,normal" bkcolor="transparent" bkimage="" border="inset,9,limegreen" type=2 line=0 align=center use=ex num="0,black"]
ياسيّدي (مشعل) أنا شاعر وانوب=عن ربعي اللي للدّهر خليتهم
حمّاية الحد السعودي بالجنوب=يشوش راسي كل ما اسمع صيتهم
ربعي هل الطالات في سلم وحروب=ماني بــ(يحيى) كان ما طرّيتهم
( يام(ن)) مع (همدان) لاعيتني الدروب =من وين ما اسوق قدمي لقيتهم
دسمالهم أبيض وتلقاه (معصوب)=والعود الازرق يحترق لاجيتهم
فديتهم والناس غالب ومغلوب=اليا احتمى الموقف هنا حطّيتهم
هم تاج راسي محزمي يوم النشوب=لاطاحت عزومي ذخر عدّيتهم
في ظل ( أبو متعب) و( أبو خالد) ماهوب=في ظل حي الله بشر فديتهم
(آل السعود) اللي ليا هبّت هبوب=أقطع شراييني إذا ما ارضيتهم
ياسيّدي( مشعــل) بنينا لك قلوب=وقلبك غدا لمواطنينك بيتهم
تباشروا بك سيّدي كل الشعوب=لانّك على باقي المدن بدّيتهم
أرحب عدد ماهمّلت عند الغروب=في ديرة اللي للسما شلّيتهم
تباشروا بك سيّدي وانت محبوب=ويدرون انك بالخفا حبّيتهم
يامرحبا ياسيّدي وانت الشروب=وبجيّتك يابن الملك أرويتهم
ويدرون انك للفخر محزم وثوب=وببشت أبوك اليا أظلمت غطّيتهم
جرّب تناديهم ليا جات الكروب=ياتون سرب(ن) مابعد ناديتهم
ياتونك سيول(ن) تلاطم كل صوب=تحتار في كم العدد لاريتهم
فيهم ولا ومعاهده وانت محسوب=ضمن العهود الخالده لاالفيتهم
(أ)صدورهم شرحه ومسلوبة عيوب=وطبع الوفا والمرجله (مانشيتهم)
اقولها باسمي واسم فخر الجنوب=ربعي( أبالحارث) هنا حطّيتهم[/poem]