|
تعالو وسكرو الباب لاحد يسمعنا (برزنا)
يالربع الله لايمسي ذي الوجيه الا بكل خير
انا ابغى اعطيكم مافي صدري موضوع حساس وحرج لكن لابد نشوفله حل يالربع قدر الله علي اني احضر مناسبه عزيزه وغاليه بالشرقيه لشخص يهمني المهم وديت هلي للسوق يشترون مانقص من اغراضهم وبعد السوق قلت خلني انفس على خواطر ذولا الصغار الكلام هذا كان بعد العشاء واقرب مكان لي كانت ملاهي الحكير قلت يالله فرصه المهم كان وقت موسم واجازه وانا اتمشى انا والعيال ويطيح شوفي على ثنتين من النسوان لابسين عبايات خصر وعدسات والغطوه جايه مادري كيف المهم تعوذت من ابليس يوم شفتهم لانهم والله فتنه مالكم بالطويله ويوم جيت ابغى اودي عيالي لهنا مطعم في نفس الملاهي الا وعيني بعين هنا رجال والله ماني انكره سهله وقربه سلم وسلمت عليه وش الحال طاب الحال المهم كان يدور له كبينه وانا ادور كبينه ولين عيني على ذا الثنتين اللي خبرتكم بهم في اول الحديث ولقافه مني قلت ذولا معك قال ايه يارجال ذولا بناتي سكت وانحبست في صدري صدمه وغصه والم كبير ياخواني وين حن رايحين ياخواني بالله ذولا رجاجيل سالكم بالله ياخي الرجال مايستحي على وجه هما قدهو يطلع شوايفه بذا اللبس وذي الحركات اللي لايرتضيها دين ولا عرف ماعاد عند بعض الرجاجيل غيره على شوايفه ويروح في وادي وهله في وادي بذي العبايات والحركات الهابطه للاسف هما دخل البيت ولد عمها قامت تجري من الخلعه علشان يخيف انها مستحيه منه وهي ترعى بالسوق لارقيب ولا حسيب وعينها ماتوقف والخافي اعظم يالربع حرام والله وربي حرام هذولا شعرات الوجه وعارنا اذا ماحرصنا عليهم بيجرون لنا الفضايح والمنقود اقسم بالله ماقصدي اضع بين ايديكم موضوع للاثاره لاوربي ولا ذا بطبعي القصد ان ذالشي بدا ينتشر انتشار فضيع ومخيف وكلن عليه من ذالليل واطل رجاجيل يروحون يشترون لبناتهم جوالات ولاب توب سلامات يابوالشباب اش هالمصاخه والفوضه وقل التربيه هذي بنت اذا ماتعسف بتوديك في ستين داهيه انت وربعك يارجال صلو على النبي انا مااخصص الموضوع انا اطرحه بشكل عام وكلنا مقصرين والشيطان شاطر والنساء اذا مايلقون على روسهم رجاجيل وربي بيودونهم وراء النجوم مهما يكون لاتثق بالبنت مهما كان ولا المره ياناس خافو الله واحفظو شوفاتكم واستروهم يستركم الله يوم القيامه وراقبوهم تكفون والله يحفظكم جميع |
اخي العزيزه ابن سرور 5000
هنالك من الرجال من هو ساذج ولايعلم ان الزمن تغير وان المجتمع فيه من المؤثرات الكثير من المستجدات التي تسهل الانحلال. المرأه ذلك المخلوق الضعيف لكنه ناقص عقل قد يجلب المشاكل بلا علم او قصد وخاصه من هم من قبائل وعاد للشيمه عندهم حساب. الحقيقه التربيه على اسس مذهبنا الطاهر هي السبيل للنشء لمعرفة الحق وتجنب تفاهات المجتمعات الهابطه والتي تسوق لكل شاذ تحت مسميات لاتتماشى مع الاسلام الحنيف. ومن ارخصت نفسها فلن تكن الا من فصيلة المترديه والنطيحه. :) لذلك أطمأنك بأن الدين هو مايجعل الانسان يعلم بقيمة الحشمه سواءاً كان رجل أو انثى (وإذا الايمان ضاع فلا أمانه ولا دنياً لمن لايحيي دينه). وسلامتك ولاعاد تشبح في شوايف خلق الله :) |
النسوان مثل قشرا الموز
|
اقتباس:
السلام عليكم ورحمة الله وبركاته وماجورين والسلامه ثانيا اخي وحبيبي بن سرور والله نحن هنا في مجلس اخوي ويتربع فيه الشيبه والشباب ومواضيع النسوان ماتنقل في مجالس الرجال شرواك وشروا كل قارئ فكل بيت فيه شيه ورجال وكلهم اخوانك وعيال عمك ولله الحمد ماشفت اللي تقوله في بنات حارث بن كعب لانهم محكومين ومعسوفين من رجال شرواك واقطع يميني ادا مافي يد زوجتك جوال كاميرا والا موضوعك موضوع تسليه وغشمره فانا يا اخي الفاضل اعارض موضوعك هدا وكلا عارف كيف يحكم شوفته والا دام كذا نزلو موضوع علمو فيه الرجال كيف يتعاملون مع عجايزهم والله يعزكم ويعز كل قارئ زد علموهم كيف يلبسونهم ويجامعونهم يا اخواني هاتو مواضيع تشرف منتدانا وليس مواضيع ثرثره ومطامره والعذر والسموحه يا اخواني على ردي |
ارجو من الاداره حذف الموضوع اعتذر اخواني اعتذر اخي طبعي غير
|
ليه المسامحه علمك علم رجال وطبعك طبع القبايل عريقين الجدود والرجال دقيناه بكلمه ومدري فهمها راعي الطعميه والفول
|
بسم الله الرحمن الرحيم
اخي وتاج راسي بن سرور 5000 اعتذارك دليل على رقيك وكثر الله من امثالك والاعتذار من شيم الرجال اما انت ياصوت بالحارث في نضري وحسب قرائاتي للموضيع اتضح لي انك انت من يسيئ للمنتدى واستنتجت من ردك في موضوع بن سرور 5000 انك انسان رديئ واعتقد والله اعلم ان هذا المعرف اللذي تستخدمه ماهو الا بديل لاسمك الذهبي المزكرش |
سلام عليكم جميع والمعذره على التاخير اما من ناحيت الموضوع اخي بن سرور ومن وجهت نظري لو مسكت الرجال على جنب ونصحته نصيحت اخ وقلت (ترى والله من حبي فيك وحترامي لك ولانك ابن قبيله اشي ذا ميصلح وكذا )تسلملي اخي ابن سرور دايم جميل في طرحك وعتذارك وهذا يدل على طيبك وقلبك الكبير انت استاذي
|
اقتباس:
|
| الساعة الآن 05:03 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd diamond