::منتديات بالحارث سيف نجران ::. - سبحانك المعطي بلا عد وحساب

بسم الله الرحمن الرحيم

سبحانك المعطي بلا عد وحساب *** ومدتك لو مديت يا خير مدة

وتسوق رزقك سوق والرزق بسباب *** ويصعب على المرزوق حصره وعده

تفتح لعبدن شيت مردود لبواب *** غصبآ على من قام دونه وضده

جيتك دخيلك جيت سايل وطلاب * طلبت ظعيفن لسماء مد يده

دعوة مصلي معتكف وسط محراب * قضى العمر ما بين ركعة وسجدة

ودعوة يتيمن والده عنه قد غاب * يدعيك ودموعه سجايا بخده

ودعوة فقيرن مذنبن جاك تواب * حضه على بعض الصوادير حده

وادعيك دعوة عود يمشي بمشعاب * ماله ولد والوقت للعود هده

ودعوة غني النفس وظروفه إصعاب * يضحك وكن السم يسري بكبده

ودعوة غريبن حل بديار لجناب * فارق بني عمه وخله وحده

ودعوة عزيزن خانه الوقت واصحاب * وظيفه عليه إيجر شوقه ووجده

ودعوة مجاهد في سبيلك وحراب * ماله ونفسه ضد كافر ورده

ودعوة وحيدن تاه في بيد واهضاب * ضيع طريقن وين دربن يرده

ودعوة سجينن قفلو دونه الباب * ماله ونيس بداخل السجن وحده

ودعوة المظلوم من ظلم غصاب * ولا معه منصب وفزعة ونجدة

ودعوة إللي يلبس الستر جلباب * راجيك لا بيحت خبره وسده

ودعوة سقيمن لا توفى ولا طاب * مرة سنينه فوق فرش ومخدة

ودعوة مسافر فارق امه ولحباب * بسباب دينن ملتزم في مرده

ودعوة الزاهد لجنات واطياب * وجاره شفيع الخلق في يوم وعده

ودعوة الراعي ورى نبت لعشاب * أقحل عليه الوقت والقاع جردة

ودعوة من اتواضع لدونه ولنساب * ماغتر في منصب ولا ذكر جده

ودعوة من استفلس وكل الرجاء خاب * ولحظة وربي فرج اهموم عبده

ودعوة المضطر في ظيق وانشاب * وجاه الفرج وارتد روحه وجهده

ودعوات كل الخلق أعجام والباب * تشهد بأن الله له الملك وحده

أدعيك دعوة جعل ما دونك إحجاب * عالم بحال العبد حققت قصده

انت الكريم المعطي الفاتح الباب * لو حد قفل بابه من البخل صده

مع خالص التحية