خضت بحرالحب
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
كنت في الماضي أدوّر لي ظنينه=وامّا هذا الوقت ما دوّر لاحــــــد
واحمد الله ذا رحمني بالسكينه=وابعد الشيطان عنّي والحســـد
بعدما قد كنت في الدنيا رهينه=للأماني والتـــوّجد والنّـــــــكـــد
خُضت بحر الحُب ماعندي سفينه=والمراسي ما معي مرسىً أبد
ومن مشى درب الهوى الله يعينه=لامعــــــه قوّه ولا جاله مــــدد
كلّما قد قُلت ذا خلّي بعينه=قالت ابعد عـــــن طريقي يا ولد
قلت ليه الزّين ردّه ما يبينه=من يردّ العلــــم ما كنّه شــــرد
ردّك اللّي في فؤادك عارفينه=واضح ٍمن مبسمك مثل الشّهد
وعارفٍ انّك ما تخالطك الضغينه=وانّ دربــــــك دايماً درب السّعد
قلبي اللّي في هواكم لايمينه=من يلوم القلـــب اذا لجلك صمد
ما يفرّق بين يُسراه ويمينه=حين مـــــــدّ الكفّ حيّا واستعد
قالت أحسن شيء ذا يلفي بحينه=والحبيب اللّي يوفّي في الوعد[/poem]