اهل الشرقيه / مع التحيه
 

بيض الله وجهك يا ابن مليح
كلام سمين ورايي من رايك والله يوفقنا وياكم اليوم ودووم

اخوكم/ الهواوي

سباق اخ صالح ونتمنى من الجميع اتفاعل بتقديم الافكار وتحديد المكان والميزانيه والتفاعل على ارض الواقع

لاهنت يابن مليح

لاكن ابو الهنوف قام بدعوه لفتح استراحه ليه ماتخلون الشور واحد منا داعي ومنا داعي
وانا بدوري بقوم بالاتصال على الشباب اللي بيجلوسون هناك في العطله 0
تواصلوا من ذا اليوم وقروا فيما يخدم الجميع عسى الله يجمع شملكم في كل يوم وليله0

لاهنت ياجامع ربعه على العز والطيب = العز في دمك والطيب من راسك

فكره رائعه وغير مستغربه منك اخى صوت المنتدى لجمع شمل اعضاء المنتدى خصوصا الى فى الشرقيه للتعارف وتوطيد العلاقات وشى جميل لما يجتمع اعضاء المنتدى فى اجواء اخويه و التباحث فى امور القبيله والاستفاده من بعض واتمنى تلبية نداء الاخ صالح ولى تعليق اشوف ان الاستراحه افضل من المخيم على شان اجواء الشرقيه وبنسبه لنا يا اهل الرياض لما هاملنا جيناكم ههههههه اذا سمحت الفرصه واتمنى الاللتقاء بكم
دمت بود اخى صالح

الهواوي / ذيب النهار / ابن ميسان / نواف


اشكر مروركم وتعليقكم الغير مستغرب بالنسبه للاستراحه فانا ماعندي فيها علم واللي تشوفونه في صالح الجميع فمرحبابه

وحظوركم ياهل الرياض لابد منه يعني بتعيدون بلحالكم ماحن براضينها عليكم ولو هو ودكم

اخي الهواوي مهمه اشوف ان اكفىء من يقوم بترتيبها نسق ياذيب والملقى ان شاءلله برمضان اذا الله عطاناء عمر وقلب نجران وعابر سبيل دورهم مهم في هذا الموضوع وبقية التفاصيل تلقونها عند الاخ ( يحي بن راشد بن بليه ) والعمل هذا ليس مقتصر فقط على منهم بالمنتدى فهذا شان يخص الجميع

بالنسبه لااهل رحيمه والجبيل والخفجي فالعلم بيكون عند الاخ ( فهد بن عويضه بن فيدمه) وهو راح يتولى عمليه التنسيق فيما بينهم وبالنسبه لهل ابقيق والا حساء
فمالقيناء للحين من يقوم بمهة التنسيق

يعني باختصار الاخ ( يحي بن راشد بن بليه) عن الدمام والخبر والثقبه والظهران

الاخ ( فهد بن عويضه بن فيدمه) راس تنوره - الجبيل - الخفجي

ابقيق والاحساء ( ارشح عبدالله بن هادي بن جونان ) انا اخترت هالاسماء بحكم خبرتهم في هالمجال وصفاء نواياهم في كل مايخدم القبيله من شان وان شاءلله اني امون عليهم وماراح يرفضون لي طلب


فتكم بعافيه ولنا لقاء

على القوووه.

وهذا ماتمناه الجمعه والصحبه الزينه.

عندما وضعت اسماء اخواني / فهد بن عويضه بن فيدمه

والاخ / عبدالله بن هادي بن جونان والاخ يحي بن راشد بن بليه


لم اضعها من باب المحاباه او الصدفه بل على تجربه سابقه مع هولاء الرجال الذين بادرو كعادتهم باتصالاتهم وترحيبهم بماتناوله موضوعنا هذا وقد ابدو كل مالديهم في خدمه اخوانهم من شباب ال بالحارث في مثل هذه المناسبات التي تزيد من ربط التواصل بين ابناء هذه القبيله

شكرا فهد شكرا عبدالله شكرا يحي وكنت واثق بسرعة تلبية ندائي لما اعلمه من حبكم وغيرتكم على قبيلتكم

اذا اتضحت الصوره الان

الاخ فهد بن عويضه / سالم جونان / يحي بن مليح/ عن راس تنوره والجبيل والخفجي وبقية شمال الشرقيه

الاخ عبدالله جونان / مانع جونان /عن ابقيق والاحساء وماتبقى من مدن الجنوب الشرقاوي

الاخ / يحي بن راشد بليه / الهواوي / صالح بن مليح /عن مدن الدمام والظهران والخبر
امل من الاخوه الاداريين تامين وسيلة اتصال للراغبين بالمشاركه في مخيم العيد لاابناء القبيله بالمنطقة الشرقية للذين يجهلون ارقام اخوانا المذكورين ومن يعرف ارقام هواتف اخوانا فعليه الاتصال مباشرة بهم كما نامل من ادارة المنتدى تحديد اجتماع للجنه نقوم من خلاله بوضع كافة الترتيبات اللازمه لااقامة هذه المناسبه التي ينتظرها الجميع

كما قلت لكم المناسبه تخص الجميع وليست مقتصره على اعضاء المنتدى دور المنتدى هو ادارة هذه المناسبه بصفته الوسيله الاعلاميه الوحيده التي تربط ابناء القبيله

شباب الموضوع ابسط مما تتصورون وصدقوني ماراح يلحق الواحد الا مبلغ رمزي بحكم كثرتنا الله يزيدناء وانتم قدها صدقوني حالنا ماراح يتغير اذا ماكان فيه عزايم رجال تدفه وصدقوني هالمخيم هو انطلاقة لااشياء اكبر نطمح فيها وراح نتناقشها اثناء المخيم

وبالنسبه لموضوع تعقيد معاملات ابناء القبيله في الدوائر الحكوميه بالشرقيه فهذا كلام مايدخل المخ كثير من الشباب جددو بطاقاتهم واضافو مواليدهم وجددو سجلاتهم التجاريه وامر وزير الداخليه حفظه الله واضح والبرقيه التعقيبيه التي اصدرت من وزارة التجاره بشهر 3 لعام 1427 هـ كان واضح ونصه كان يقول المجنسين والتي تبداء بطاقاتهم برقم (2) عموما اشكر كل من اتصل وموعدنا قريب وراح نتناقش في امور كثيره وصدقوني وانا اقصد اللي كلموني يمكن هالموظف جديد ولايدري بالعلم دق جهاز الكمبيوتر ووجد التعميم القديم الذي كان يخص اسم ( بالحارث) ولم يتاكد ...

السلام عليكم ورحمة الله وبركاته

يقول ابن فطيس:

الله يبييض وجه راعي الفكره
عزالله انها تنحسب لحسابه

واقول انا لكل من همه جمعا ربعه ورفع شانهم بين القبايل صغير كان او كبير:

الله يرفع شان خادم ربعه
سخرلهم ماله وشرع بابه
وعند اللوازم صامله وقفاته
ماينثني مادامكم له لابه
عزالله انه درع جمب ومحزم
قولوا معي ياربنا زدنابه

وسلامتكم ..... والله لا يهينك يابو محمد عوايدك الطيب ولا يهونون باقي الربع

ارحب عدد ماسال في غدرانه

والقاع من كثر الزهر تزهابه


انت الخوي لاصار فيني لازم

وش فايدت بيتا بدون اطنابه


دايم على الازمان فعلك غانم

منكم تعلمناء العطاء وانسابه

ماقولها اجامل وربي خابر

فعلك مشرع للعرب ابوابه


ارحب ارحب ارحب وربي مايسدني فيك ديوان ياذيب


تعلمتك منك ياخويي كل طيب

فكره موفقه من اخوي صالح مليح واخوي عابر سبيل
اتمنى ان تتبلور الفكره ويبداء اصحاب الفكره بالاجتماعات والتنفيذ او فتح موضوع خاص بالادارة والمشرفين وتناقشون متطلبات الطلعه ومن وجهة نظري ارى ان الطلعه البريه افضل من طلعة الاستراحه لاننا راح نتحرر من الرسميه في طلعة البر اما الاستراحه فسوف يكون الجو العام رسمي والراي رايكم

تحياتي وتقديري

هلا ابو خالد

دائما ماتكون متواجد في كل علما غانم وهذا ليس بمستغرب عليك

وبصراحه اخي يحي للاسف لم ارى اي جديه من قبل بعض الاشخاص

وككما تفضلت نريد اهتمام اكثر واجتماع ولكن


ولا ناديت اذا ناديت حيا

ولاكن لاحياة لمن تنادي

الفكره بحد ذاتها جميله وعلى القوة والترابط والتجمع شي اجمل ويمثل التلاحم في ابهى صوره مشكور ياصالح على الفكره والله يعطيك العافيه

الفكره جميله ومبدأها نبيل وكما قال الاخ صالح مليح ستكون بابا لأشياء أوسع فائده

واكثر نفعا

الفكره كالتالي وهو راي والرأي جماعي يحتمل الموافقه او الأختلاف وليس الخلاف

نســتأجر مخيم بيت شعر كبير اربعه او خمسه اعمده لمده 3 ايام او 4 أيام

وعدد أثنين خيام عمودين واحد مطبخ والثانيه للراحه لمن أراد

نستأجر ماطور كهرباء بتوابعه من عقود الأنوار وركائزه

زوالي لفرش المخيمات

الموقع سيكون باحدى الأماكن الواقعه غربا من مدينة رأس تنوره باتجاه الجعيمه أو

على طريق المطار عن طريق مدينة صفوى سيحدد المكان ويتم جلب وايت مياه لرش

الموقع وتسويته اذا كان غير مستوي

وسيتم جلب عدة مراوح كهربائيه ووضعها بداخل المخيمات وخارجه

سيتم جلب احدى المقهويين لعمل الشاي والقهوه وتقديم الخدمه والضيافه

سيكون هناك بوفيهات وفواكه مفتوحه اجتهادا لمن اراد من باب ياعيال العون

ولن يكون هناك وجبات لعدم تحميل الاخوان عبئا لانريده لهم واذا اردتوا غير ذلك

لابأس بوضع خروفان كل ليله لمده 3 أيام الاولى من ايام العيد فقط

ستكون التكلفه موزعه بالتساوي على افراد القبيله من تجار وموظفين

يتم احصاء الغرامه كلا على حسب مدينته أي الأعضاء المنظمين سيكونون هم

المسؤلين عن تجميع فرقة الأخوان بمناطقهم

لن نحمل فردا ولانريد الاجتهادات الفرديه من باب الحميه فقد أكلناها سابقا بلحانا

بسبب الاتكاليه وعدم الاكتراث

الفرقه ستجمع قبل عمل أي شي

سيتم المرور والأتصال على الغرامه ابتداءا من يوم غدا بأذن الله

الرجاء من الأخوه المعنيين الابتداء بجمع فرقه الاخوان الغرامه

المدن المعنيه

الدمام
الخبر
الثقبه
الظهران
رأس تنوره
الخفجي
حفر الباطن
أبقيق
الأحساء

فرضيات :

يتوقع ان تكون تكلفة المخيم شاملا وجبات العشاء لو اتفقتوا على الموافقه عليه

من 10 الآف الى 15 خمسة عشر الف ريال وليست بالكثير لو فرضنا ان هناك

200 غارم من تجار وموظفين بجميع فئاتهم وعمارهم لايستثنى احدا من كبير أو صغير

ولو لم يتم حضوره سيكون مجبورا لدفع غرفه فهو في صالح القبيله ورفعه وينومس

الكل

سيكون الغرم 65 ريال !!!!!!!
ارأيتم كم هو مبلغ يدفعه احدنا بمجرد دخوله بقاله بشيء لايذكر

ولو جد جديد سيتم اخباركم

نحن هنا على المحك ولن يتخلف الا من كان تنقصه أشياء كثيره أهمها النخوه

وهي بعرف العرب مذمه تلحق صاحبها اينما ذهب

ارجو التفاعل وهذه دعوه مباشره وتخص كل فرد من هذه القبيله بالمنطقه الشرقيه

وكأنه المعني بكلا باسمه

أرجو من الاخوه القائمين على المنتدى وضع رابط موضوع مستقل يتم به التفاهم

عن البدء ولا خير في التأجيل

أخيكم / عبدالله جونان

تم التعديل ووضع الرد بموضوع مستقل

عساكم على القوه ومعاً يدٍ بيد

تقبل الله منكم هذا الشهر وأجمع شملكم

مشكور اخي صالح مليح

والله تبون الجد مابعد شفنا شئ كون بس علاقات عوائل او شباب من فخوذ حتى

بالدس


مانبغا هذاك يجي لاتدعونه مابعد شفناه وحش حش هذا اللي انا اسمعه والله يوفق


الجميع...

بداية الغيث قطره وهذه افكار وكل شي يبدا بفكره فاما ان نساعد في الفكره او عدم حجبها وكل فكره حتى لو تاخر تفعيلها سوف ترى النور انشالله في يوم ليس ببعيد .

حان الوقت يارجال فمن اراد ان ياتي فنحن بانتظاره
 

انشالله تكون جمعه مباركه وشدو الهمه يا اهل الشرقيه وانشالله نكون متواجدين معكم بنسبه لنا من خارج الشرقيه
لاهنت اخى صالح على هذى الدعوه المباركه والاخويه

ابشر بعزك ياابومحمد وهذا العلم مايبغاله إلا الهمام الهمام ياصبيان بالحارث بن كعب
وارجوا من الاخوه في جميع مدن الشرقيه التجمع والتشاور والاتصال ببعض والاتفاق
على المكان إلي يرضي الجميع بالنسبه للمسافه.

الله يجمعكم اليوم ودوم وفكرتك ياصالح ميبالها راي يبالها قدم توها ولاخير في من كسر راي سديد 0وانشاء انكم ياهل الشرقيه يد وحده انتوا اكثر من300رجال والمشاركه انشاء الله من الجميع اما بسم المنتدى ولابسم اهل مدينه ولا من حب يشارك بسمه0

والعلم اللي وصلني انك اخذت استراحه بالعزيزيه في مجمع استراحات وقمت بالتكلفه
وعزمت فيها من حولك 0

وفيه كثير من الرجال يحبون جمعة ربعهم وعلى ماقال احد الاخوان لااذكر اسمه ولو سدوا
كلهم مالحق الرجال 50ريال وان شارك المنتدى بشي بسمه فقطتي من ضمنهم ولا ارسلتها لاحد الشباب اللي عندكم في المنطقه وياليت وعسى تسمح الفرصه ونحضر0

والله يحقق مانتوا عليه من فعل جميل يجمل0

الاخوان (رويعي )

ابن ميسان


اشكر تعليقكم ومشاركتكم

الاخ رويعي الموضوع بسيط اذا اشتهيتو هالشي مايبغاله تفكير الاستراحه بيتكفلون بكل شي القهوه والمشروبات واللعب مكالمه مع واحد من اخوانا السمران ينتهي الموضوع



الاخ ابن ميسان كل مافيه جمعه للرفاقه والاخوان انا بمشي فيه لو كلفني هالشي الشي الكثير وكل مانصرفه ينتهي لمى تشوف اخوانك متجمعين مع بعض في جو اخوي والله لايهينك والله ماراح يكلف شي واذا عن الفلوس حملهم ريش اهم شي الجمعه بس وينهم يبدون ووجيهم واذا عن الفلوس مانبغى شي منهم يجون بس

للاسف الوقت يمشي ومابقى شي وحنا للحين ماسوينا شي


اثناء اتصالاتنا هذه الليله البعض منهم يقول القبيله بها وفيات والبعض الاخر يقول بان اغلب القبيله باجازه وهم متواجدون بنجران واعذار لايقبلها منطق ولا عقل


من ارد ان يختلق اعذار فسوف يجدها ومن اراد الجمعه فيبغالها تكاتف ارجال وعمل مخلص

بقي اربعة ايام ويالله العالم وش هي له

اشكرك على تنبيهك والذي بدأ بديباجه فيها بعض الافتراء علي :). وان كان فيه شي من خلف الكواليس فذلك لب ما أنا نصحت به والنصيحه تنشرى. ان كان هذا (الرد) ضايق شخصا ما فأرجو حذف ابوه ولكن نتمنى من الكاتب الاخ صالح موافاتنا بالجديد بشكل ايجابي فأنا تضايقت عندما رأيته ينادي باعلى صوته ولكن لا مجيب الا قله ولو كان موضوع نادي نجران كان الردود مالها حد....

اتمنى للأخ صالح والجميع التوفيق لما فيه عز القبيله