قصيدة في الشيخ بن ضبان وأخر أخبار منصد يام لشمر

[صالح بن مليح]

لايخفى عليكم الدور القوي الذي يقوم به الشيخ حمد بن ضبان اليامي من اجل قضية سجين شمر بنجران والذي نصى قبيلة يام وهمدان في قصيدة كلكم سمعتوها والمنصد الذي قامت به قبيلة يام وهمدان لمنطقة حائل .
هذا الرجل ياجماعة الخير ترك كل مشاغله والتزاماته وحتى اغلى ماعنده وهم عائلته من اجل عتق رقبة هذا السجين اولا من باب ( احبكم لله انفعكم للناس ) والأجر المحسوب له في ذلك وجميع من سعى .
واحب ابشركم عن اخر اخبار ماحصل فقد سخر هذا الشيخ الكريم كل طاقاته ومعارفه الى ان وصلت الأمور الى ملك الأنسانيه الملك عبدالله اطال الله بعمره وقد وجه خادم الحرمين بخطاب الى امير منطقة حائل يطلب استضافة اهل المقتول والامور ابشركم طيبه دام ابو متعب وراها والمعنيين هم اشقاء القتيل واحد منهم عفى واصلح والثاني طلب ان يصلي صلاة الأستخارة وان شاءلله ربي يلين قلبه ويقبل بالعفو وتكتب له اجر عند ربي كما لااخفيكم ان الشيخ مشل ابن طواله امير الفوج في نجران يدا بيد مع ابوعبدالله الشيخ حمد ورجال يام وهمدان والله يسهل اخطاهم يارب ياكريم .
من هالمنطلق حبيت اهدى هذا الرجل النبيل قصيدة وانا عارف انها ماتوفي بمقام اخي الشيخ حمد بن ضبان وابغاه يسمحني عليه



مني لأبن ضبان حشمه وتقدير = راعي العلوم اللي بعضكم جهلها
زيزوم ماتاجد لوصفه تعــــابير = مثل العسل لامن ندر من شهدها
أقبل على حايل براس الطوابير = يبغى عفو شمر بمقتل ولدها
جنب دروب مجمعين الدنانير = يبغى يحصل عند ربي بدلها
واقبل معه من يام صفوة مناعير = وهمدان مع مكرم زود سعدها
يرجون فضل الله بزين التدابير = يفك سجن اللي بشعره نصدها
يالله وانا طالبك بحل التعاسير = انك تجملهم وعندك وعدها
يارب يامسقي عبادك من البير = ياممطرا قاع الضماء من بردها
أنك تجمل ذالوجيه المسافير = وتسخر قلوب الرجال لبعضها
وسلا متكم جميع

[سمو الاحساس]

أخــــ صالح بن مليح ـــــوي

بيض الله وجهك وصح لسانك على هذه الأبيات الأكثر من رائعه
والشيخ حمد بن ضبان يستاهل المديح والله يكتب أجره وعز الله أنه كفو
ولاهنت على موافاتنا بالأخبار الجديدة
شكراً لك

[صالح بن مليح]

هـــــــــــــلا وغـــــــــ( قلب نجران)ــــــلاء

صح بدنك عزيز وغالي رجل مثل ابوعبدالله اتشرف بمدحه مع اني مقل بهالنوع من القصيد .

والله يبض وجهك ووجه كل من يسعى لعمل الخير ويجمل نفسه قبل مايجمل قبيلته وربعه .

امنيتي ان شاءلله اشوف صبي من صبيان بالحارث يسعى في امور مثل هذي وغيرها من الأمور اللي يوصل صيتها الى القاصي والداني وان شاءلله اشوف

[الـمـسـمـآر]

صح لسانك يا صالح بن مليح قصيدة جزله من شاعر جزل
وبيض الله وجه الشيخ حمد بن ضبان وهذا الشيء اللي سواه
يدل على أنه كفو وعسى الله يكتب أجرة ويبلغه مناه
لا عدمناااااااك

[صالح بن مليح]

( سكـــــــون الليل )



أسعدني مرورك اخي الكريم ويستاهل ابو عبدالله منا كل خير واحب ابلغكم اننا في المنطقة الشرقية سنقوم بتكريمه بطريقه خاصه لانه يستاهل اذا سمحت ضروفه


تحياتي لك

[راكـــان ال زعرر]

صح لسانك يا صالح بن مليح أبيات رائعه

ولاهنت على موافاتنا بالأخبار الجديدة

[تاج بالحارث]

صح الله لسانك ياصالح وافي وعلومك وافيه لكن فيه بيت مدري هل هو خطا كتابي ولا
البيت يقول((( يبغى يحصل عندي ربي بدلها)))

شاكر للك اخوي رويـّ(الحّسّي)ـال؟

[صالح بن مليح]

( الفـــــارس)

اسعدني مرورك يالذيب والله لايهينك ويستاهل ابوعبدالله المدح


تقبل تحياتي اخي الكريمِ

[صالح بن مليح]

( رويال الحسى )


مرحبا ومسهلا ومشكور الوفاء تعلمته منكم يابن عمي ِ

اي والله صدقت من ناحية البيت كان خطاء كتابي
الصحيح ( يبغى يحصل عند ربي بدلها )
وانا ابغى اسالك ممكن انت كاتب شاكرللك واحس فيها غلط ههههههههههه
مشكور ياذيبان وبيض الله وجهك على شدة ملاحظتك

لك مني كل الاحترام

[ام-عبدالوهاب]

بارك الله فيك أخوي صالح مليح وماهي غريبه على الشيخ حمد بن ضبان علوم المراجل ولاهي غريبه منك فعل الطيب ياراعي الطيب ..أبيات مختصره وافيه من وافي

شكرا لك مره أخرى أخوك/ سيف أبو حدين

[قطعاني03]

السلام عليكم ورحمة الله وبركاته

بيض الله وجه الشيخ حمد بن ضبان اليامي وجمل الله حاله وحال من قدم حيله وهو شيخ وعلى سنع والمدح اللي فيه يستحقه.
وأنت يا أبو مليح صح الله لسانك وأعلى شانك، قصيدك جزل من جزالتك وأنت وافي يا ابن إبي ومجمل زانت علومك لا آخلى من ذكرك ولا آعدم

دمت سالماً وتـقبل مروري وخالص وتحياتي

[الود طبعـ راشد ـي]

صح الله لسانك يا ابن العم ..... وشاعر فذ أخوي صالح

وعقبال المسمى في منتدانا

هذي علوم الرجال وقت المواقف في مدح الرجال ( شرواكم يا رجال )


أود أن يتم الفصل بين الأحداث وارتباطها بالقصيده وذلك بتغيير العنوان الى ( الشاعر صالح مليح ممتدحا الشيخ حمد بن ضبان اليامي )

والأحداث ينسخ منها نسخه في طرح جديد او تكملة للطرح السابق

أو

قصيدة الشاعر صالح مليح في قضية سجين شمر بنجران

[اسير الغرام]

تسلم يمينك يابن العم يستاهل الممدوح ورجال يام معروفين بالوقفات مع شمر وغيرها من القبائل الأخرى على مر العصور

الــــــ1000 ـــــــف شـــــــكـــــــر يــــــــابــــــومـــــح ـــــــمـــــد

والى الأمام أن شاء الله

[صالح آل بالحارث]

كفو كفو يابو محمد ويستاهل ابن ضبان وانت وافي

قصيده جززلة ولا هي بغيربه عليك ياغالي

والله يفك اسر الشمري


لاهنت يابو محمد واتمنى تواصلك دائما بهذه الدرر

تحياتي

[سيف نجران]

صح لسانك اخوي صالح


والشيخ حمد يستاهل



دمت بخير

[annovepepay]

صح لسانك يأبن مليح ويستاهل الشيخ حمد بن ضبان علومه غانمه ويجمل القريب والبعيد ولا يهونون الربع

[صالح بن مليح]

سيف ابوحدين / درع الجنوب / سيف قطعان

انا من يسعد بمروركم واطراءكم وسام على الصدر لااخلى ولااعدم


تقبلو تحياتيِِ

[صالح بن مليح]

( جمرة العرب )

هلا وغلاء وعذرا على التأخير بالرد يالذيب اسعدني مرورك
ولا اعلم بماتقصد بالمسمى في المنتدى

من ناحية اقتراحك اللي تشوفه طال عمرك بس اهم شي عندي ان الشي اللي ابيه يوصل والحمدلله وصل

تقبل تحياتي فديتك

[صالح بن مليح]

( متروجانا )

الله يسلمك يالغالي ودائما مايسعدني مرورك وأطراءك ياابن العم

والله يجملني بعيونكم قبل غيركم

لك مني كل التحاياء

[صالح بن مليح]

( يحي مليح / ابن مليح )

الجميل انني منكم وفيكم فديتكم جميع لااخلى منكم

تحياتي واشواقي لكم


اخوكم

[فارس]

صح لسانك ياصالح

وابن ضبان يستاهل العلم الغانم صاحب مواقف ويستاهل

[سيف الحق]

مشكور ياصالح وماهي غربيه على واحد مثللك والشيخ حمد يستاهل الطيب صانع الطيب ويام وهمدان سباقه للخير بيض الله وجه الشيخ وجه الشاعر تقبلوا خالص تحياتي
أخوكم خادم القبله

[صالح بن مليح]

اخواني الاعزاء ( الهبس خادم القبيلة)

اسعدني مروركم والله لايهينكم والله يعتق رقبة السجين بصراحه الامور ماعاد وضح منها شي وصار الموضوع سري وفيه نوع من التكتم اللي مانعرف اسبابه
عموما همنا ان الله يفرج ضيقة ذا المسكين ويرده لهله سالم

تحياتي لكم

[فوركسيارد]

اخوي صالح تم نشر الموضوع والتى هي القصيده في ملتقى قبائل ياموعلى هذا الرابط


http://www.yaam1.com/vb/showthread.php?p=428632&posted=1#post428632