هموم وأحزان

[راكـــان ال زعرر]

هموم واحزان

--------------------------------------------------------------------------------

تَعَبت أشيـل الهَم عنّك وأداريك
وأنت همومـي ثقلَهَــا مـا يهمِّك !


لا يا ( حبيبي) .. الزمن لا يخليك
تقسي على قلبي وتسقيه سِمِّك !


[ دِ نْ يـَ ا كْ ] هذي , لا تغيِّر مباديك
مهما استطعت الظلم أعدل بحكمك !


ما هي غريبه من يذمِّك يماشيك
لكن غريبـــه يمدحك من يذمِّك !!


ما كل واحد غاب معناه ناسيك
بعض البشر ينساك لو كان يمِّك !


أدري تعزني .. اللـه يعز غاليك
وإن كان لـي عندك معزَّه بضمك !


في خاطري كم كلمةٍ : عن تجافيك
وإن شفت دمعاتي نزلت .. حط كمِّك !


أسمك حبيبي ويا كثِرها أساميك
وقلبي يفز .. لا جابوا الناس أسمك !


ليتك تحس في ضيقتي يوم أحاتيك
أحرق لك أعصابي .. وما حَس دمِّك !


غايب بدون أعذار .. ربِّي يهديك
عطني سبب مُقنع حبيبي .. وألمكّ !


همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !


[ لبيــه ] منِّك غير .. لمَّا أناديك
كن الكلام العَذب ... مرساه فمِّك !


مهما غلوك قلوب ناسٍ حوالــــيك
أغليك أكثر منِّهُم بس .. لعلمك !


أبوك , خالك , أختك , أخوك , ماضيك
ربعك ، جميع النـاس, وعيـــال عمِّك !


.


.


.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك !

[صدى الأحزان]

في خاطري كم كلمةٍ : عن تجافيك
وإن شفت دمعاتي نزلت .. حط كمِّك !

ليتك تحس في ضيقتي يوم أحاتيك
أحرق لك أعصابي .. وما حَس دمِّك !


غايب بدون أعذار .. ربِّي يهديك
عطني سبب مُقنع حبيبي .. وألمكّ !


أي كلمات عانقت مسائي
أسجل إعجابي ..

كلماتك رائعه جدآآآ
سعدت لتواجدي بين أسطرك
دمت ودام إبداع قلمك

لك ودي

[الغامض]

الله يعطيك العافيه مبدع

تحياتي راكان ال زعرر

[سيف بير جابر]

كلماااااااااااااااااااااا ات ليست كلكلمات ايها الفارس
اشكرك عليها
دوما مبدع