تحزّمت لك بأجمل شعور

[صالح آل بالحارث]

اتمنى ان تنال القليل من رضا قليلكم احبتي الغالين


تحدّيت لك كل الظروف وجيت لك عاني=تعشمت في شخصك تصون العهد والعشرة

توقّعت تتحدّى ظروف الوقت من شاني=ظروف الحياه اللي تزوّد حسرتي حسره

تنازلت عن أشيا كثيره لان إيماني=بأن التنازل في سبيل الحب ياكبره

تعلّمت قبل اجرح شعورك أحفظ لساني=على شان ما أشره عليك وأنت ماتشره

تعهّدت لك تبقا هنيّا ما معك ثاني=على بالي إن عهد المحبّه بيننا خشره

تحزّمت لك باجمل شعور وقلت هذاني=مثل ماوعدتك مالتفت للمال والشهره

ولا أنكر فيوم ان وجودك خفّف أحزاني=ولا مر يوم وخافقي ما بلّغك شكره

على مهرتي الشقرا لفيت اليوم وحداني=إذا راحت السكره أكيد بتاتي الفكره

معي لك كلام/ ودبلة الخطبة /وأشجاني=ومعي ذكريات(ن) فوقها دمعات منتثره

معي لك قصيدة مؤلمة مضمونها ( انساني)=ولا راح تسمع صوتي المعتاد من بكره

جرحت الخفوق وجرحك من ايام بكاني=وانا لي خفوق اليا انجرح من شخص يحتقره

توقعتك بتاقف معي في موقف إنساني=واثاريك خاين والخيانه شي بالفطره

عليك الهبا ياحظي اللي عثت بازماني=ترى مثلي أستر له إذا بتلازمه / قبره

"وسلامتكم"

[قطعاني03]

السلام عليكم ورحمة الله وبركاته
أسعد الله أوقاتك بالخير والمسرات أخوي الغالي وشاعرنا الكبير يحيى بن مليح (أبو خالد) ، صح الله لسانك وأعلى شانك ، الله لا يهينك على هذه القصيدة الجزله ، قصيدة من العيار الثقيل كما عودتنا أخوي الغالي أبو خالد ، أرضيت بها ذائقتنا الشعرية ، نتطلع وننتظر بشغف لجديدك ، تحية ملؤها الإحترام والتقدير.

[ذيب ال خمسان]

اهني الاخ الشاعر بحلول شهر الخير

وصح لسانه على ماابدع من المعاني في القصيد

[نجراني]

تنازلت عن أشيا كثيره لان إيماني ** بأن التنازل في سبيل الحب ياكبره

تعلّمت قبل اجرح شعورك أحفظ لساني ** على شان ما أشره عليك وأنت ماتشره


الله الله عليكــــ يابو خالد ...
من زمان انت فينكـــ ؟ الضاهر هاضت الاشجان بعــد " امسية لبنان " !!! :)

الله يعطيكــ العافيه , وصح لســـانكــ , فلا تقطعنا بالجديد الرائـــع ....

[صالح آل بالحارث]

السلام عليكم ورحمة الله وبركاته
أسعد الله أوقاتك بالخير والمسرات أخوي الغالي وشاعرنا الكبير يحيى بن مليح (أبو خالد) ، صح الله لسانك وأعلى شانك ، الله لا يهينك على هذه القصيدة الجزله ، قصيدة من العيار الثقيل كما عودتنا أخوي الغالي أبو خالد ، أرضيت بها ذائقتنا الشعرية ، نتطلع وننتظر بشغف لجديدك ، تحية ملؤها الإحترام والتقدير.

اخوي الغالي ابو محمد

منور ووجودك هنا يمثل لي الشي الكثير وكلامك وسام على صدري ووجودك في المنتدى دعم للجميع

واعتذر لك وللجميع عن قلة دخولي بسبب ظروف العمل والحياة الله يكون بحول الجميع

تحياتي وتقديري

[صالح آل بالحارث]

اهني الاخ الشاعر بحلول شهر الخير

وصح لسانه على ماابدع من المعاني في القصيد

هلا وغلا باخوي ابن ميسان

الله يعيده علينا وعليكم بصحة وسلامة

وصح بدنك والف شكر على التواجد المشرف

تحياتي

[صالح آل بالحارث]

تنازلت عن أشيا كثيره لان إيماني ** بأن التنازل في سبيل الحب ياكبره

تعلّمت قبل اجرح شعورك أحفظ لساني ** على شان ما أشره عليك وأنت ماتشره


الله الله عليكــــ يابو خالد ...
من زمان انت فينكـــ ؟ الضاهر هاضت الاشجان بعــد " امسية لبنان " !!! :)

الله يعطيكــ العافيه , وصح لســـانكــ , فلا تقطعنا بالجديد الرائـــع ....

هلا وغلا يابو زايد

منور وانا هنا بعد ما انتهت امسية لبنان على خير وابشرك بناجحها ولله الحمد

الله يعافي قلبك وصح بدنك وابشر بكل جديد

تحياتي وتقديري

[ابن دويس]

تحزّمت لك باجمل شعور وقلت هذاني=مثل ماوعدتك مالتفت للمال والشهره

كفو والله يا ابوخالد وصح السانك وجمل الله حالك كم اشتقنا لما هو جديد وجميل من روائع احساسك
الجميل ياشاعر الذوق الرفيع

[منتديات دوسرالتغلبي]

ابو خالد ..
يا لهذا الشعور الذي تعمق في اغوار الوجدان ففاض فأغرقنا معه شعراً محبباً...
هنا رحله مجانيه لتعلم الجمال رغماً عن أنف الجرح...
صادق ودي واحترامي ...

[ابن سنبل]

لا هنت ياابو خالد وجعلك ذخر

[راكـــان ال زعرر]

صح الله السانك يا ابو خالد

[صالح آل بالحارث]

على راسي كل من مر من هنا

اتشرف وافرح كثيرا بالردود وبالمحبة اللي المسها من البعض

الف الف شكر لكل اسم مر من هنا

تحياتي ومودتي