يا سعود تكفى ودّني للطواري && وسجل دخولي باسم (للموت ناوي)

[صقر نجران]

بسم الله الرحمن الرحيم

السلام عليكم ورحمة الله وبركاته





قصيده اتمنى أن تنال اعجابكم .


الـبارحه يا سـعـود و اللـيـل سـاري && على طـريـقـك يالـجـبـيـل الهواوي

طـرت علي الـلي لها الجو نـاري && الـلي لها صـوت الـعـزاوي عـزاوي

وسجيت في تفكير حزن و مواري && و ايأست يوم إني بهالحب غاوي

حب ٍ جديد وكان ضمن اختباري && و رسبت في حب ٍ كذوب ومساوي

رجعت و الشارع ملف و كباري && وانا احسب الشارع من اصله ملاوي

ابدع من القاف المحزّن عياري && والحزن طاف القلب ما هو يداوي

يا سعود لا تحزن ترى الحب ضاري && لعيونها وانا عشيق وفداوي

ترى الصبر والصدق دايم شعاري && والغير يبطي خله اصلا ً يعاوي

يا سعود تكفى ودّني للطواري && وسجل دخولي باسم (للموت ناوي)

قل للكريم اللي كذب لا يغاري & & منّي ترى الحب الهني جد كاوي

يا ليتها يا سعود بالقبر جاري && والا نموت بدون عشق ودعاوي

صحيح باول حبنا كنت شاري && و الحيـن بـعــت و حـبـنـا ما يـقــاوي

هذا الصحيح ولا تقول اعتباري && والا تـقــول إنـي بحــبك سـحاوي؟

رح في طريقك في بعيد الدياري && والحزن ما يـرويه دفـتـر و راوي

وصحيت انا من سجـّتي و انكساري && أدوّر لـدرب ٍ و لاهــو شــقـاوي


وسلامتكم


صالح بن قعي

[بالحارث العزيزة]

صح الله لسانك أخي الشاعر صالح قعي

[annovepepay]

صح الله لسانك ياصالح يالبى قلبك

[راكـــان ال زعرر]

صح الله لسانك أخي الشاعرصالح قعي

ونتظر جديدك تحياتي لك/الفارس

[قطعاني03]

صح لسانك يا ابو مهدي واعلى شانك

قصيدة روعة من روعة صاحبها لا عدمته

بإنتظار جديدك يا ابو مهدي الله لا يهينك

دمت سالماً وتقبل مروري وتحياتي

[الود طبعـ راشد ـي]

يصح لي لسانك واحب خشمك بعد

شاعرنا المتواجد على طول الخط

الشاعر صالح قعي

[سيف بير جابر]

صح لساااااااااااااااااااااان ك صالح
قصيده رائعه برغم الحزن الى فيها
هون عليك يا بو صلوح
انتضر جديدك

[صالح آل بالحارث]

الله يا صالح

صباحك شعر جزل

نص رائع وممتع


صح لسااانك ملايين ولا يكفون

تحياتي لك

[سيف نجران]

صح لسانك يابو مهدي
شاااعر وربي استمتعت بقصيدك
تمنياتي لك بدوام التميز

[الط]

السلام وصح لسانك ...بس بصراحه انا مافهمت معنى بعض الابيات ...وش يعني الجبيل الهواوي؟ كيف صوت العزاوي عزاوي...لها صوت اخر؟كيف سجيت في تفكير اللي يسج يفكر؟كذوب ومساوي...وش يعني مساوي..حكم القافيه؟ الشارع ملاوي كيف يعني ...وصار كباري؟....الخ بصراحه أنا مافهمت أعذرني بس ماحبيت ارد زي غيري بس مجامله أنا لازم أفهم وش تقول مع أني أفهم في الشعر مضبوط بحكم ولا تدري ماعادني بمكمل ادري انك معصب وودك ذلحين تدخل يدك وتمسك يدي...بس انتظر جواب وعلى كل حال صح لسانك.....

[صقر نجران]

مشكووووووورين كلكم على على مروركم الجميل اخواني

وعلى راسي وعلى عيني والله


وانا دايم استفيد منكم



* بالنسبه لاخوي الغالي الكريم : بالعكس ليش اعصب او ازعل

انا هناااا لكي استفيد من الجميع .

وبالنسبه لانتقادك في محله لانك ما فهمت رغم اك تفهم على قولتك


ولكن ما فيه مانع افهمك .( المعنى في بطن الشاعر )


وهذي ما تحتاج تفهيم اصلا للي ما يعرف في الشعر . اجل اللي يفهم وش اقوله


على العموم انا ما عندي مانع اقولك لكن عطني اسمك الحقيقي

لاني انا واخواني الشعار نعصب من انتقادات اصحاب الالقاب

وكم مره قلنا ليس لاصحاب الالقاب الحق في النقد اذا لم يظهر اسمه


فاعذرني يالغالي .


تحياتي



صالح بن قعي ..