مشاهدة النسخة كاملة : تعالوا يالأعضاء كلكم.
قطعاني03
10-16-2010, 11:17 AM
السلام عليكم ورحمة الله وبركاته
أسعد الله أوقاتكم إخواني الكرام بالخير والمسرات ، فكرة وأحببت مشاركتها معكم متمنياً من الجميع قبولها والتفاعل معها ألا وهي مشاركة الجميع ببيتين شعر (كرديات) لا تقتصر على قافية معينة شريطة إكتفاء القافية حقها ثم يأتي عضو بقافية جديدة منوهاً الجميع بالبدء بها وعليها يكون ما يستطرد من مشاركات ، وللجميع أعذب تحياتي.
إسمحوا لي أن تكون نقطة الإنطلاق من عندي ولكم الأبيات:
يا سلامي عليكم سلامٍ يسبقه صافي النوايا=وعلى من شرف الصفحة بأعذب القيفان يزهاها
جيت بانشدكم لا شاش الشعر ويش السوايا=يامن يجاوبني عسى التوافيق في دنياه يلقاها
يام والكبر لله
10-16-2010, 11:53 AM
يا مرحبا ترحيبة تاتيك ما فيها خفايا = تراحيبٍ نثنيها والردي ما ظن يقواها
اللعب اللعب وهات مافي خاطرك بالحنايا = وأبيات شعرك با نجعل المقصود يقراها
اخوك / الهواوي
جيت بالناموس والفعول يردفها ثنايا
ناموس ربع(ن) فوق الشمس وسناها
بندق وبلجيك وحضرميه والمحزم قوايا
ياترثة الزيزوم براس الجيش يتباها
الود طبعـ راشد ـي
10-16-2010, 01:57 PM
صح الله لسان الزميل السابق اخوي متروجانا وعهد علي لاكون لك اكبر من صاحب لانك من ابناء عمومتي الاكرمين
ولاهنته يالهواوي مافيك حيله
جاتكم ...... قافيه ثانيه على احد الحان واسطوانات بشير بن حمد شنان
كتبت القصيده والقصيده لون (ن) واشكال
وخضت البحر عميق (ن) نوخذه وربان
واليوم يارفيقي عهدي ساتر (ن) الاحوال
يحطم روس الجبال الشامخات ولو كان
أسعدت بلقاكم
يام والكبر لله
10-16-2010, 08:28 PM
الشاعر / صالح بن مليح
ارحب ارحب ملايين يا ذيبان
وبشرك والله ماحد زعلني ولي زعلني سمحته فديت خشمك
والقصد مجاراه لا اكثر ولا اقل
ولو اني كتبت ابيات قويه نوعً ما
ولكن ثق تمام الثقه بانها عكس ذلك تماماً وليست موجه لشخص معين نهائياً
وماحد بمستجري يزعلني لا خلا ولا عدم
وها بشرك هوذا القاف تغير !!! يعني مامن أبيات جديده
وبالنسبة للمخطط قدك عارف والله ان ودي اجيك اليوم قبل بكره
لجل اوقع معك اتفاقيه بس العمل والمعهد ماخلاني اتحرك
ما اضوي الا وانا لاغب ... كاني موظف شركه والزام (( أول ليل ))
لكن ابشر في اقرب فرصه يالخوي جايك جايك وين ترووووح مني
ههههههههههه
اخوك / الهواوي
يام والكبر لله
10-16-2010, 08:31 PM
جمرة العرب
من قال لا هان فديت قلبك يالخوي
وصح الله لسانك على الطرح الرائع
اخوك / الهواوي
مغترب
10-27-2010, 05:32 PM
جيت ابا اسلم واشارك والشعر قصدي ومنايا=وثتني البيتين باخرى علها تمشي معاها
الشعر يا صاحبي لغز غامض غير هيا له معايا=خلوا القيفان تنبع من بحور عذب ماها
قطعاني03
10-27-2010, 10:22 PM
جيت ابا اسلم وشارك والشعر قصدي ومنايا
وثتني البيتين بخرى علها تمش معاها
الشعر ياصاحبي لغز غامض غير هيا له معيا
خلوا القيفان تمبع من بحور عذب ماها
صح الله لسانك أخي الغالي أبو فيصل لا عدمت حسك والله يعلى شانك
وآقول
يا مرحباً بك ترحيبةٍ ما تليق إلا بأهل العلايا=لمثلك وشرواك تطرب إذني لمسمع صداها
هات لغزك وما بارت إلا على الرخوم الدنايا=وإلا انا يا صاحبي واياك مياهنا في سماها
وسلامتك
ومقصدي ما يخبى عليك أخي الكبير أبو فيصل أبا لغزك ولاهي تبور إلا على الرخوم :) (توضيح).
مغترب
10-29-2010, 12:49 PM
صح الله لسانك أخي الغالي أبو فيصل لا عدمت حسك والله يعلى شانك
وآقول
يا مرحباً بك ترحيبةٍ ما تليق إلا بأهل العلايا=لمثلك وشرواك تطرب إذني لمسمع صداها
هات لغزك وما بارت إلا على الرخوم الدنايا=وإلا انا يا صاحبي واياك مياهنا في سماها
وسلامتك
ومقصدي ما يخبى عليك أخي الكبير أبو فيصل أبا لغزك ولاهي تبور إلا على الرخوم :) (توضيح).
ابشر يا ابن العم
تلبيه لدعوه الاخ الغالي متروجانا الغز يقول:
انا الي كل رجال(ن) يدور لي ويزهابي
ولا منه لقني حطني في اولوياته
ليا مني حللت البيت جميع الناس هلوا بي
كبير القوم يطمع بي ونا خيرت مسراته
عزيز كل رجال(ن) يحاول ينفرد فيني
ويدفع كل مايملك ولا يحسب خساراته
زرعت الحب بنفوس العرب كل(ن) يجاريني
ونا ماني على كيف الرجل اجي لمرضاته
وسلامتكم
تحياتي
الود طبعـ راشد ـي
10-31-2010, 08:37 AM
جمرة العرب
من قال لا هان فديت قلبك يالخوي
وصح الله لسانك على الطرح الرائع
اخوك / الهواوي
تبغون المزيد والمزيد على خشمي فديتك
أسعدت بلقاكم
vBulletin 3.8.12 by vBS