أقرب يا ( صالح بن قعي ) لاهنت!

[يام والكبر لله]

السلام عليكم ورحمه الله وبركاته
صبحكم / مساكم الله بألف خير .... وش كلً وحاله؟
اتمنى بأن يكون الجميع بأتم الصحه والعافيه
غبنا عن هذا القسم وعدنا بحول الله وقوته
وودنا نلعب مع الشاعر / صالح بن قعي كانه متواجد بدون قصور في باقي الشعراء
خلوووووووها

سلام يأهل الوفاء والطيب والنوماس والجاه=ياللاّبه اللّي لهم وقفات مع كل القبايل
وإن قام لي (صالح بن قعي) قلت أهلاً وحياه=الشّاعر اللّي هجوسه وصلت شعّار حايل

ملاحظه : تم إرفاق الشله الخاصه بالمحاوره ضمن الملفات المرفقه بالاسفل
أتمنى تحميل الصوت للاستماع والرجوع له وقت الحاجه

الهواوي

[صالح بن مليح]

سجلني متابع بالتوفيق

[الود طبعـ راشد ـي]

صح لسانك يالهواوي وسجلني مع بن مليح متابع بس العنوان يخلع نيتي انه هده

سعدت بلقاكم

[سمو الاحساس]

صح لسانك يالهواوي وبأنتظر أخونا / صالح بن قعي

بالتوفيق للجميع

[نجراني]

كفو ...... صح لسانك ياذيب ....قصيد يجمل والشله احلى ....

وانا ذا الحين بهاتف اخونا صالح بن قعي بالجوال ...

[صقر نجران]

السلام عليكم ورحمة الله وبركاته

مساء الخير للجميع ..


ارحب يالهواوي على العز والطيب طال عمركـ ..


وصح الله لسانكـ .. وابشر بالقاف وانا اخوكـ ..




أخوي واستاذي الشاعر صالح بن مليح أتشرف بوجودك هنا يالغالي ..



جمرة العرب اتشرف يك يالغالي ايضا وحياك الله ..


قلب نجران ابشر بالرد وانا اخوكـ ..


اخي الكبير ابو زايد ابشر بالرد والمعذره ما رديت كنت راقد والله ..

( دوام صباح 12 ساعه وشداون وخلها على الله )



ولي عوووودهـ بإذن الله قريبه جدا جدا جدا

[يام والكبر لله]

صالح بن مليح / جمرة العرب / قلب نجران / فواز بن زايد
مرحبا والله ومسهلا فيكم جميع
ومتابعتكم لنا وتشريفكم هذه الصفحه يهمني شخصياً ويضيف لها الشئ الكثير
ولا هنت يا يا ابو زايد على إرسال الدعوه وإيصالها بهاتفك الشخصي لا هنت
جمرة العرب : هههههه والله ما كان قصدي اخلع حد والحمدلله ان الدعوه سهالات ههههه
صالح بن قعي / ابو مهدي
الله يبقيك ويطول عمرك
شرفتنا بزيارتك وشاكر لك تلبيتك الدعوه يا غالي
والله يعينا وياكم على الاعمال المكلفين بها
بانتظار مجاراتك متى ما سنحت لك الفرصه

اخوكم / الهواوي

[صقر نجران]

المعذره ع التأخير بس كان الجهاز مشغول ..


الهواوي على العين والراس طال عمركـ ..


واستلم يالذيب



يا مـرحبا مرحـبا بالـشاعر اللي له مزاياه && حياك وابـدع من القـيفـان وابياتك دلايل
ترحيب من شاعر ٍ معروف والنالات مرباه && في الملعبه يالهواوي اسأل وحل المسايل


وسلامتكم


والمعذره ع القصور لاني مستعجل وبالدوام

[يام والكبر لله]

صالح بن قعي
الله يرفع شانك يالخوي

خلووووووها

دآم البقاء يالمرحب عند نورٍ شاع مبداه = يا شاعرً في وصوفه ما لقينا له بدايل
كلاً على ركزته بين العرب شايبه وصاه = بلعب معك دام جوّك راق وجوّي صار هايل

الهواوي

[صقر نجران]

كفوووووووووووووووو



خلوووهاااااااا



مشكور ياللي مديحك زاد في الموضوع واحماه && (ا)من الغلا والكلام الصدق يا راعي الفعايل
إن كـان فـي خاطـرك تلـعب على قـاف ٍ تمـنـّاه && والا فـ/خـل الـلـعـب عـلـى زيـن الـخـصـايـل

[يام والكبر لله]

صالح بن قعي
كفوك الطيب

خلوووووووها

يالشّاعر اللي على رفقة خويه زآن ممشاه = ماهي غريبه على شروآك يا ولد الحمايل
القصد نبحث قضية واحدٍ شيطانه أغواه = لوّك تهيض سواتي في وصوف أم الجدايل

الهواوي

[ام-عبدالوهاب]

يعطيكم العافية ياشعار ( الله يقويكم )

_الهواوي
_صالح بن قعي

ونحن معكم متابعين ,,,

[يام والكبر لله]

سيف أبو حدين
إرحب يالذيب إرحب
والله يعافيك ويقويك ويسلمك
شرفتنا بطلتك ومشاركتك لنا
ومتابعتك لنا شرف طال عمرك

اخوك / الهواوي

[صقر نجران]

الله الله


واااافي يالهواوي والله ..



سيف ابو حدين كلامك وسام على صدري يالغالي ,,



واعذروني ع التأخير والله اني في الدوام وما اقدر اجلس على الجهاز ..




خلووووووووووووهاااااااااا اااا



حـياك يا صـاحبي والـقاف والله ما آتـعـدّاه && يالله توكّل وجب لي يا عـميلي ما تخايل
قاف ٍ على اللي تبيه وكل خلق الله تحرّاه && قاف ٍ يحبونه الشعّار في شتى الوسايل



وينكم ياهل الصفوف .. >>> تحممممممس

[يام والكبر لله]

صالح بن قعي
هلا وغلا .... وما عليك زووود
والله يعينك على مشاغلك يا أبو مهدي
ومبطى من جاء

خلووووووووووها

هيّا ميشنا وخذ مني حروف لك منقاه = واللي سوآتك فهيم بالشعر صايل وجايل
أشوف بعض العرب يحتاج كيّه فوق علباه = مني ومنّك مدامه يعشق فنون التحايل

الهواوي

[ذيب ال خمسان]

الله لايهنكم
وجمل الله حالكم
وصح لسان
الهواوي
وبن قعي

معكم على الشاشه لاكن ترتيب القسم ماخذ الوقت اللي القاه للدخول
كما اتمنى ان المحاوره بين الشعار يعلن عنها بعد الاتفاق بينهم في وقت محدد للتهيأ للمتابعه وتكون متواصله دون انقطاع حتى النفس الاخير للتفاعل والحماس 0

والله يجمعكم على خير

[صقر نجران]

الله الله


ابن ميسان صح بدنك يالغالي ولاهنت ..


وكلامك وسام وانا اخوك ..


خلووووووووووووووهاااااااا ااااااا



انا اشهد إنه مـثل ما قيل ما يستامـَن حكاه && معروف بالكذب والهذره مع كثر الخمايل
الـلي لـيـا جـات حـزة الله الله غـاب شلـفـاه && ولا يَحَسْبونه العرب في حزات الصمايل

[يام والكبر لله]

إبن ميسان
مرحبا والله ومسهلا يا غالي
شرفتنا بطلتك ومشاركتك لا هنت
صالح بن قعي
استلم طال عمرك

خلوووووووها

وزد فوقها كان به لازم حرامٍ ما دعيناه = ما ندعي الاّ هل الوقفاتِ كاسبتْ الجمايل
إقنع من اللّي مع العربانِ تقصر دوم يمناه = ويدق بين الرجال وميزته كسبْ الفسايل

الهواوي

[صقر نجران]

الله الله

خلوووووووووهااااااااااا

ماهي بتنساق له كلمه من الخاطر و تفداه && وإن جات له جات بليّا نفس و الدنيا سهايل
شخص ٍ من الله مخلوق ٍ ( سواليفه تعدّاه ) && وإن شفت زوله تبشّر يا عميلي بالعلايل

[نجراني]

كفو كفو كفو

سجلون متابع وقارء ومستمتع معكم

[يام والكبر لله]

ابو زاااايد
ارحب ملايين يالخوي
شرفتنا بطلتك ومشاركتك ومتابعتك طال عمرك
صالح بن قعي
مرحبااابك يا ذيبان

خلووووووها

يا جعل وقته مع الآيام يقسى يتوطاه = ويشوف ما يوجعه ويلحقه هول وهوايل
ياليته إيشوف ما خطيته وذا الليل يقراه = إن قاله الله لاخلّيه إيشوف نجوم القوايل

الهواوي

[صقر نجران]

الله الله

الهواوي عيني عليك باردهـ

خلووووووهااااااااا

شخص ٍ من الله لـيـا مـن شفـت زوله قـلت حياه && راعي علوم ٍ سمينه بين ربعه والقبايل
وشخص ٍ من الله ليا من شفت زوله شفت بلواه && راعي علوم ٍ خبيثه بين شبحه والعمايل

[يام والكبر لله]

صالح بن قعي
تسلم فديتك يالخوي
ولا هنت على هالمحاوره والمجاراه الاكثر من رائعه
استمتعت معك كثير بكل حرف كتبته لنا
واكيد استمتع معي الكثير من المتابعين
وراح ننهي القاف لترك مجال لاخواننا الشعراء للمشاركه

خلووووووها

يا صالح أتحفتنا واللّي سواتك زآن مرماه = إبجنب رآعي الردى ومشعلٍ روس الفتايل
ما ودي أزيد أكثرّ ياخويي وكشف إغطاه = متخمّراٍ بين عطرآن الشوآرب ومتمايل

فرصه سعيده يا غالي على أمل أن ألتقيك قريباً
اخوك / الهواوي

[صالح بن مليح]

الله لايهينك يالهواوي مبدع كعادتك


واصل ليش الوقوف مستمتعين معكم

[يام والكبر لله]

الشاعر / صالح بن مليح
إرحب يا ذيبان إرحب
ومثلك لا هان يالخوي
متابعتك شرف طال عمرك
ودي والله اللعب الى ما لا نهاية بس تعرف يالخوي ماودي اخوشها
ههههههههههه
والقصد ايصال الفكرة يابو محمد لا أكثر ولا أقل
والحمدلله اني قدرت الفت انتباهك ومشاهدتك ومتابعتك اللي تهمني شخصياً
فهذا بحد ذاته شرف لي من شاعر/ بحجم شاعريتك

لا خلا ولا عدم يا الخوي من مشاركتك وتواجدك الراقي

أخوك / الهواوي

[صالح بن مليح]

بيض الله وجهك يالهواوي وماقصرت وانتظر رد اخي الصغير صالح


وانا متاكد بان خيرها بخواتمه


مبدعين الله لايهينكم والله يبعد عنا عيال وبنات الحرام


فتكم بعافيه

[يام والكبر لله]

صالح بن مليح
ووجهك أبيض فديت خشمك
والله يبعد عنا وعنكم كل راعي ردي يمشي به
وعلى فكرة تراني ناوي اسير عليكم يا ابو محمد
احسب حساب جيتي لا جيت يا ذيبان
بس ما بعد حددة الموقع بالضبط
لكن وين تروح مني جايك جايك
هههههههههه

ما ننحرم منك ومن تواجدك وتواصلك الجميل

أخوك / الهواوي

[صالح بن مليح]

مرحبا ومسهلا وانا بنتظارك طال عمرك



ولاتنسى المخطط :) خلنا نطلع قيمة العشاء من ضلعك

[يام والكبر لله]

صالح بن مليح
ههههههههههههههه
والله اني ضحكة من خاطري
ابشر بالخير ولو اني طامع في كرمكم
بس قد بانشوف منهو اللي بيتعشاء الثاني
اقصد بيعشي الثاني
هههههههههههه
هههههههههههه
هههههههههههه
فاااااااااقع ضحك الله يهديك يا ابو محمد


الهواوي

[صقر نجران]

اخي الغالي الهواوي قاف الصراحه جميل جدا وانا استمتعت فيه


اخي الكبير واستاذي صالح بن مليح

متابعتك شرف لي يالغالي وانشاء الله اكون عند حسن ظنك وظن الجميع



الهواووووي اسمع


خلووووووووووووهاااااااااا ااا


والشعر فكره وقاف ٍ لو كتبنا ما وفيناه && ما هو بكل ٍ من الشعّار يكتب بالدلايل
لكنّ انا والهواوي ما بقى شي ٍ مـ/جبناه && وإن قلت به حاجة ٍ بآقولها لكن قلايل


واتمنى اني كنت مثل ما يتوقعني كل شخص منكم ..

طبعا ما فيه احد كامل الا الله سبحانه .. وانشاء الله اكون جملت وتجملت ,,

وننتظر شعراء ومبدعين آخرين ..


اخوكم / صالح بن قعي

[صالح بن مليح]

مبدع يابومهدي وافي ومجمل ماقصرت ياذيبان


صح السانك على كل ماذكرت من ابيات شامخه


وينك منا ليلة العيد ياصالح كان طار عقلك من الكر والفر


علمها عند الهواوي هههههه


بيض الله وجيهكم جميع اتحفتونا وقاف بالفعل جميل ولو ان ودي انكم واصلتو شوي خصوصا ان هدفكم كان من اجل النيل من اصحاب القلوب المريضه الذين هم بحاجه لمثل هذه الخطب والمناصحه (توها بعد مابركت تمرغت شوي ) وقطعتو عليها تمراغها

فتكم بعافيه

[سمو الاحساس]

الله يبيض وجيهكم ( الهواوي - صالح قعي )

تجملتم جمل الله حالكم ... بالفعل أستمتعنا معكم بأجمل الأبيات

آبيات جميله وراقيه تدل على قوة شاعريتكم ما شاء الله عليكم

أستطعتم من خلال هذه الابيات توصيل الفكره للقراء

الله يبعد عنا وعنكم ضعاف النفوس والرجال الرديه

تحياتي وتقدير لكم

[صقر نجران]

ههههههههههههههههههه


ما يحتاج يا ابو مليح بدون اي تردد بقول صح الله لسان كل شاعر جزل مثلك وشرواك ..


وانا اتعلم منكم طال عمرك ..


وكلامك وسام يبقى على طول السنين افتخر فيه عند كل الناس ..



وكلنا هنا لنرفع اسم القبيله وعسانا نجمّل



لاهنت يا اخي الكبير

[صقر نجران]

قلب نجران


مرورك هنا زاد في الموضوع جمالا ً يالغالي ..


وردك ومتابعتك شرف لي ولاخوي الهواوي .,.,


وعسى الله يجملنا ونتجمل وهذا هو المطلوب يشهد الله ..



تحياتي للجميع