جعلك ذخر يابن قعي وياليت الفكره تكون من باب التعارف أول
وحن يابالحارث اللي في المنطقة الشرقية واجد الله يزيد الصالح
وعلاقتنا زينة ونعرف بعض اكثر شئ بالوجيه بس من انت منه ومن انا منه ؟ تقل فيها المعرفة
نحضر في الشان وكلا شاوعه خير والسبب اللي عنده شغل واللي بيته بعيد وبعدين اللي يحضر يكفي وتشوف اكثرنا مستكفي.
اي والله الفكره الطيبة وترقب مني اتصال ومثل ما علمتك ياصاحب الفكرة خلوها تعارف نجتمع في كل مره تعارف فقط لمدة سنة اذا كانت كل شهرين واذا اقل لمدة ستة شهور نتجمع بالسلام والكلام الطيب ووينك يافلان ساكن ؟ ووينك يافلان شغال ؟ ومن أخوانك اللي في المنطقة ماحضر معنا وعسى ما خلاف
والدعوة تكون بدون رسميات اليوم تجلس مع فلان وبكره مع فلان ماهوب جالس عند اخيك لزم وانت شبعان من شوفة وجهه في البيت ولا وش فائدة التعارف وكل واحد بالعربي الفصيح يقط وجهه على الثاني بدون حياء ولا تحفظ واذا به خلاف بسيط مع واحد من عيال عمه يبادر في السماح منه واللي فات مات
وسلامتكم