صاح فيهم جارود بصوته العالي اللي اعتادو عليه وقال : اصطفوا ..!!!
.
اصطفو كنهم جيش روسي في ثلاث صفوف وجارود تقدم لين استقام على هنا حيده
.
وقال : اليوم هدفنا يبعد حوالى الالف خطوه صوب الجنوب الغربي والهدف
.
عباره عن فلعه من قعنون لمحوه العسه (مباحث الليل) البارحه
.
في الليل وابغاكم ذلحين تشدون الهمه
.
ولا يجي الظهر الا والفلعه في المخازن, واي تاخير او اهمال اقسم لكم انه يكون
.
العقاب ذا المره شديد ويمكن يوصل للحرمان من الاكل ...!!
.
تقدم الفريق والمكون من ثلاث فرق يتقدمهم نايب جارود ويسمونه حريد
.
وعدد المشاه الف ... وتحركوا حتى وصلو الفلعه .. تقسموا الى عدة فرق
.
الفرقه الاولى وهي مكونه من حديثي السن (سن العجله) ومهمتها تفتيت الفلعه الى فلع
.
والفرقه الثانيه وهي فرقة (الجفران) عادهم يوم عدو سن العجله وهو سن المراهقه
.
يدفون الفلع ويرتبونها على شكل صفوف والفرقه الثالثه وهي فرقة
.
العيره (المصطحين) ومهمتهم **ّاع (من **ع يعني شل بقوه) الفلع وحملها لي معسكر
.
الفريق واللي موجوده فيه المخازن ...رجعوا وهم محملين وفرقة سن العجله
.
والجفران يلقطون اللي يطيح من فرقة العيره ..... حتى وصلوا المخازن مع
.
اذان الظهر ..نزلوا الفلع عند معقم المخازن واقبلت عليهم فرقة الموكيه
.
وهي فرقه مسؤوله عن التخزين وحراسة المخازن ...
.
صاح فيهم حريد وقال يله على الميز (المطعم) .. حركو صوب المطعم
.
والتعب قد كلى معهم وشرب ...
.
بعد ما تغدوا ... جمعهم حريد بناءا على طلب ريسه جارود في ساحة
.
المعسكر ...
.
خرج عليهم جارود وهو مخلوق مصطح كن عفسه عفس هر مطابخ
.
خبير عسكري درجه اولى وشارك في هيّات (حروب) كثيره ونال وسام
.
الطمّار عن شجاعته في هية القعاصيه ....!!!!!!!
.
قال بعد ما زم عفسه فوق : بكره بيلتحق بمعسكرنا فرقه جديده تحت سن العجله
.
وهي فرقه تحت التدريب وابغى منكم تخرشونهم وما فيه يااامه ارحميني , عيالي
.
يابني عمى لازم نخرج الصاحي من الخبل ...ذلحين الهمام قبل ما يذن المغرب
.
ابغاكم كلكم تنظفون جحر قايد المعسكر الزعيم رقبه ... تحركوا......!!
.
.
.
التفت عليه ابيه الطاحن في السن وفي عيونه خوف على ولده وعاد بكره اول
.
يوم له في المعسكر ولين الصبي يتنافض قدهم مصقرينه عيال عمه الكبار
.
ومخججين افاده منذا المعسكر الاسحق ...
.
وقال: دعبس ياولدي ..على ما قال راعي الاوله اللي ما يغبر شاربه ما
.
دسمه ... واليوم ما شاء الله قدك رجال واعتمد عليك .. صحيح انهم بيعقرونك
.
في ذا المعسكر لكن ياولدي ذا حالنا من يوم خلقنا ومن شب فينا دخل المعسكر
.
ولا عاد يظهر منه الا قد خدم سنتين .. وانا يابيك خدمت لين قلت بس
.
ولا تعوّرت (تقشلت).. الشغل رجله ...!!
.
شبح في امه وهي تخبز في التنور يبغاها ترد على ذا الشايب الداويه
.
ولكن ما منها جوبه (كلمه) ..شبح في ابيه وعيونه متدغرقه بالدموع
.
وقال : يابه والله انها مصيبه ... كيف نشتغل ونكرف من غير رواتب
.
ما بلا زاد وبس .. وشغلنا وتعبنا يروح للملك وحاشيته وطوابيره
.
شف حالك ..ما معك زنه (شي) لا سياره ولا تجاره ولا علم غانم
.
اهلكوك الملاعين ويوم شيبهنت نسيوك ..انت تحسب ان **رة الخبز
.
ذا اللي يتصدقون علينا بها كل يوم شي ..؟؟ ليش هم عايشين في
.
فصور وعندهم خير وحن ياصفة (طبقة) العمال ما نملك الا الفتات؟؟
.
قال الشايب: انطم ياورع وشحم لا يسمعونك, والله ان يحوشونا
.
في اقرب جحر لين نفطس .. !!
.
قال دعبس وهو مولع : يارجال اهلكنا الذل ..لازم نتحاكا ولا الصدق
.
يوجع ؟؟
.
قال : ياورع ما تشوف ال رقشه يوم عيّا ولدهم ما يشتغل حاشوهم في
.
جحر ابو ركبه لين ماتوا ...تكفى شحم ما ودي اتبهذل انا وامك
.
على اتلى حياتنا ..!!
.
قال وهو يتقحط (يعظ على اسنانه من الفحر): والله ما هو بمصبرني الا انتو ولا ان قد
.
جبت العيد ..
.
قام يدحرجها لين دخل غرفته وانعطف في الزاويه , بعد ما زعر(رفع)
.
صوت المسجل على اغنية مقادير ..وهموم الدنيا رابخه على راسه
.
وهو غارق في التفكير ولين اللي يرجم دريشة غرفته ويفتح الدريشه
.
ولين له ببنت عمه وامل حياته وحبه الاول والاخير ...
.
قال وهو ملهوف عليها: هلا بعمري نتفه ..!!
.
قالت : بكره بياخذونك للمعسكر ؟؟
.
قال: هاويش اسوي هذي حياتنا ياصفة العمال استعباد ..!!
.
قالت: بسيطه اول ما تخلص السنتين تلقاني قدامك ولكن الشوق
.
بيحرق كبدي عليك .. خذ؟
.
قال: ايش ذا ؟؟
.
قالت: نفداك لا تفك ذا الصرّه الا لما خلصهنت الخمسه والاربعين
.
يوم ...نفداك ..!!
.
قال: ابشري يابنت عمي فديت ذا الوجه اللي كنه خرزه
.
قالت : حلوه مقادير بس انها اغنيه حزينه بتقطع قلبك وقلبي من
.
عطف قلبك .. غيرها حط نانسي عجرم ..!!
.
قال : بدى فكي فينا ما حد يسمعها الا الخكاريه ..!!
.
قالت : بصرك .. ها اوستدعك الله اخاف ابي يجي من التموين ولا يلقاني
.
والله ان يجعلني شاورما ..!!
.
قال : ها تمرين علي في الليل تعرفين هنا سنتين وبيهلكني الشوق ؟
.
قالت : باحاول باي باي ..
.
قال : باي اغدي مرقه ياروحي ...!!!