نزولا عند رغبة العديد من احبتي بسيف نجران اهديكم هذه القصيده المتواضعه واتمنى ان تنال القليل من رضاكم
ليا جيت يا(نجران) شيباني على تعوم=وانا بالصفوف الأوّلة لا جيت ربعاني
تدور الدواير ماتغيّر والفعول وسوم=وانا فعلي موثّق ووسمه وسم شجعاني
وإذا عيبي ان مدّة يدي ماتقضي الملزوم=علي الحرام انها علي ابدا من اخواني
تضيق الوسيعه والسهر يطرد لذيذ النوم=ليا مر في بالي وعرّض فعل شيباني
يموت الإبن آدم والذّكر وحده هو اللي يدوم=عسى ربّي يزيّن أموري لا توفّاني
انا عشت في دنيا صعيبه وان فرحت اليوم=أشوف الهوايل والحزن في يومي الثاني
وإذا ضقت يا( سالم بن جونان ) يازيزوم=تذكّرتك وأيضا ذكرت ان العمر فاني
وتذكّرت لي ( صاحب سمو) أفز له واقوم=وإذا قلت له ياسيّدي يافلان لبّاني
هذاك انثني له/وافتخر في خوته/واشوم=عن خوّة هوامير القفا (أ)فلان وفلاني
هذاك الأمير معرّب الجدّين سيد قوم=هذاك الوحيد وبس/يامرني وينهاني
لو اصب له دمّي واقهوي حضرته ملزوم=لأنّه طويل العمر ابو الفزعات قهواني
وإذا غبت يا(نجران) لاترسل عتب أو لوم=واذا كان تقدر طالبك ذاليوم تنساني
خذتني الليالي الموحشة عنك وناسك دوم=تحب النشب وانا على ماقيل حقّاني
أسوق القدم يم المراجل واخذ المقسوم=ولاني بعايش دنيتي يابوي وحداني
مدام ان لي محزم ظهر أبشر تجيك علوم=تجيك الفعول مشرّفه والعلم نيشاني
دهلت أشرب الرجله ألين اصبحت بير عزوم=انا بير ياردها بعيد القوم والداني
واذا كانك مشكك تعال ألمس خضار السوم=واذا باقي مشكك تعال انحت بجدراني
( تضيق الوسيعه والسهر يطرد لذيذ النوم=ليا مر في بالي وعرّض فعل شيباني)
.:: إعلانات الموقع ::. 
العرض العادي
