هلا وغلا باخوي سيف ميسان
اولا اشكر لك اهتمامك وبصراحه مدري كيف حصلت على هالصورة العزيزة كثير على قلبي من معزة وغلا راعيها
الصورة قبل حوالي 4 سنوات وهي بداية معرفتي بصاحب السمو الملكي الامير اللواء الدكتور / عبدالعزيز بن ناصر بن عبدالعزيز حفظه الله في مكتب سموه الخاص حيث التقيته وتعرفت عليه عن قرب واهديته القصيدة المكتوبة على الدرع التذكاري وتشرفت باهدائه اياه ودار بيننا حديث مطول عن امور عدة وبعدها شرفني سموه بالكثير من الافضال بعد الله على وعلى البعض من عائلتي ومهما قلت لن اوفيه حقه الله يطول بعمره ويبعده عن كل مكروه
اهديك واحبتي بالمنتدى القصيدة
القصيدة
والله لو تسمح لي الشرطه ولا تمنعني الدوريّة=إني لاثوّر بالسما ألفين طلقة واحتزم بحزامي
واخلّي اللّي ما درى يدري بأن الفخر لي ماريّه=عشانّي في مجلسك يا سيّدي (عبدالعزيز) ألسّامي
المسأله ياسيّدي ماهي شعر وإلا وزن قافيّه=وماهي بنثر(ن) أكتبه واضبّطه وانثر عليه إلهامي
المسأله وشلون أخرج عن حدود الكوره الأرضيّه=أقطف لك النجمات بايديني واركّز لك بها أعلامي
العام شفتك سيّدي موجود وسط الشاشه الفضيّه=على القناة الثالثه (سيره) وكان اروع ظهور إعلامي
تشرّفوا في عرض نبذه عن حياة القائد الشخصيّه=وتشرفوا في أخذ رأيك عن بطولات (الهلال) و(سامي)
وفي عرض كلمة سيدي(ناصر أبن عبدالعزيز) شويّه=الشاعر اللي كل ماشوفه أحس إن الجبل قدّامي
العام شفته يلقي أبيات ودرر في أمسية شعريّه=كأن أبياته زلال يرجّع الروح لحياة الضامي
وتشرّفوا في عرض انجازات كبرى ماهي بعاديّه=لو اجلس اكتبها على صفحات عدّه جفّت الأقلامي
ياسيّدي ماني بحب المدح لكن جاتني (أ)حميّه=من بعدها المدح في حضرة سموّك واجب وإلزامي
لكنني محتار كيف أمدح أمير(ن) لا طرى طاريّه=أحس انّه أطيب انسان أنولد بالعالم الإسلامي
واحس ان طاقة سموّه أعظم من الطاقة الذريّّه=ألله يحفظه ويعزّه دعوتي لامن لبست إحرامي
أرفع يديني وابتهل يارب كثّر فالمناصب زيّه=أمير متواضع ولا يرضى يجيه ابن الوطن منظامي
من كثر ماسلوف لي (مبارك) عن أفضالك عزمت الجيّه=أمد لك أيدي غلا والا ولاء تفديك كل ايامي
جيتك نيابه باسمي وباسم القبيله درعي الياميّه=أدق لك أعظم تحية سيّدي من قلب (يحيى اليامي)