ما مع الانسان غير اللي معاه
والله اللي كل خلقه تسأله
ياخذ ويعطي ونطلب من عطاه
وابرك بداية للكلام البسمله
يا ملوك الجن يالجن العصاه
من عصاه نهايته في مقتله
يحتويني حب تعظيم الاله
لا أمرني قلت أبشر وازهله
النجوم معلقه باعلى سماه
عارف اللي كل خلقه تجهله
يالله المعبود ما عدل ٍ سواه
خالق الانسان خلقه مذهله
تغفر ذنوبي وتبعدني الوشاه
يا طليع بكل ذنب ٍ نفعله
ساتر اللي ضايع ٍ ساتر عراه
من يخافه من عباده وكله
يا شموخ ٍ ضيع العزه وراه
ما معه غير يتأخر مرحله
لي خوي ٍ خوته ما هيب هاه
اقدم على فعل الغلط واستعجله
وإن عطيته ما عطيته ما كفاه
فيلسوف يحب لف المسأله
كل درب يناقض العزه مشاه
المراوغ والنذاله مدهله
حط يمناه بيمين اللي شراه
ما وفا له بار فيه وبدله
من عرفته ما طعنته في قفاه
آتحاشى ما اغثه وازعله
خاطري صافي وكدر له صفاه
كدر اللي ما خطر له يخذله
بس تاليها كشف سترة غطاه
يوم ولع ضو حربه واشعله
ينقض عهود ومواثيق اصدقاه
والخطايا من وراه مجلجله
والمكان اللي الرجاجيل تعناه
واجب إنه لا حضر به جمله
وإن تبون الصدق ماني في رجاه
بس عندي بيت أبغى اوصله
علموه إن الردى دامه معاه
والله إن يطيح بأكبر مشكله
قصتي قبل تناقلها الرواه
ياعرب فيها سؤال وباسأله
الخطا مني أو انه ذا خطاه
يوم يخرج عن مسار المرجله
وإن حصل مني وقصرت بوفاه
يحكم بحكمه وحكمه باقبله
((منقوله ))
.:: إعلانات الموقع ::. 
المراوغ والنذاله مدهله
العرض العادي
