قصيدة أخوي المرحوم زارني بالمنام وقال لي
ثـلاث شـهـور يــا (يحـيـى) ولا تـسـأل اخــوك الـعـود=
عـن اخبـاره عـن علومـه وش مسـوي وســط قـبـره؟ =
ثـلاث شهـور يـا (يحيـى) وانـا فـي حسـبـة المفـقـود=
أعـيــش بعـالـمـي الآخـــر وفـــي عـيـنـي مـيــة عــبــره =
لأنـــــي فــاقـــد احـبــابــي وجــوالـــي عــلـــى الــمــوجــود=
وأسـتـقـبــل رسـايـلــهــم ولــــــو إنّــــــي وســــــط حـــفـــره=
أشـوفــك لا دخـلــت الـبـيـت تـنــدب حـظّــك الـمـقــرود=
لأنّــــــــك فــــاقــــدٍ راعــــيــــه لــــكــــن هــــــــذي الــــقـــــدره =
واشـوفـك لا دخـلـت المجـلـس وشمّـيـت ريــح الـعــود=
تـشــم الـرّيـحـه الـلــي مــــن ثــــلاث شــهــور بـالـغـتـره =
تـكـلــم قــــول يــاخــي قــــول مــــازال الامــــل مـعــقــود؟=
على (محمد) على (فارس) على (بدر) وعلى فكره =
لـقـيـت انـســان يسـألـنـي عـــن اخـبــارك يـحـبّـك زود=
يـقـول انــه شـقـيـق الـــروح قـبــل يـمــوت مـــن فـتــره =
تــــراه بـخـيــر ويـســلّــم عـلــيــك وكـنـيـتــه (مـســعــود)=
يـعــزّك حـيــل ومـحـافـظ عـلــى الـخــوّه عـلــى الـعـشـره =
وانـــا لا جـيـتـك مــعــرّض أبــــد مــــا احـمّـلــك مـنـقــود=
فقـدتـك مــن ثــلاث شـهـور قـلــت اروح لـــك واشـــره =
واشـــوف شـصــار بـغـيـابـي بــمــا ان الـعـيــال رقــــود=
واوصّـيــك بـسـنـد ظـهــري (مـحـمــد) شــــد مــــن أزره =
وسـلـم لــي عـلـى احبـابـي وقـبـل راس ابـــوي الـعــود=
وتـرى مهمـا ابـن آدم عــاش مصـيـره هــذي الحـفـره =