سلامي عليك ورحمةُ الله يا بن سرور
سلام(ن) حموله مسك والعود في جاله
مسا خير لك ي سعيد يا خالي ومأجور
ووشحالك وحال الشعر فيك وشحاله
كسبت الرجال بفعلك وقولك المشهور
و لك وقفةٍ(ن) يشهد لها القوم جمّاله
وانا من بني مجبر هل الثايره والحور
هل الشأن وأهل الطيب كسابة الطاله
وانا اقول يا مطنوخ يا بو أديب الشور
ي عالي المقام معرّبٍ(ن) جدّه و خاله
ي زبن المجنّا يا حزام الظفر بالجور
ي راوي صقيل المرهف و قايد جماله
بنيت القصيده بيت بيت وبنيت قصور
تباهت بعطر العز و ب ملبس الناله
عليها حمولٍ(ن) كنّها فاطرات عيور
و انا هاجسي متعودٍ(ن) يعطي ثقاله
مديحٍ ثقيلٍ صامدٍ واضعٍ(ن) له دور
على جال من حط المواثيق في جاله
وفي دونها بذكر نبينا مجال النور
وفي نور دنيانا حديثه و ما قاله
ويستاهل ابو علي طوّل الله عمره وكثّر من امثاله .