ليت الــــردي يطلع بوجهه علامات
لجل اتخـــــير صحبــتي وآعرفها
بعض الرجال تجمّلك عدل و اثبات
سيل الردا في ســـايله ما جــرفها
و بعض الذكور اعوذ ب الله بلايات
لو جــــا يســـاندها الكفو ما ردفها
في وجهك ابشر و المهمات لي جات
الوقفــه العــسره ســــرا ما وقـــــفها
وان عشت في وجه الزمن خذلك ابيات
من قـــول ابن عســـلان يوم احترفها
قـــابل هل البــسمه بوجه ابتسامات
و العابـــسين اعبس و قـــابل جيفها
نهــــاية العـــــربان تعـــداد الاموات
ما هي تشل عـــــلومها في كـــنفها
خلك كــذا لـــين تعرف كل الاشتات
يمكن تـــميّز صــــحبتك و تخطفها
بعـــيونك تشاهد جـــــميع البيانات
عان الردي و اهل المذمّــــات شفها
الــــــصحبه الجزله وقول الجزيلات
ايــــــاك من راس السلام اتحذفها
و اقرا عليها الفـــــاتحه و التحيات
ولا تقصف اللي صاحبك ماقصفها
خلّــــك مــــعه جنّــــب دروب المذلّات
والنفس جنّبـــها و جنّب حـــــسفها
و اذا تـــــبى لامن توفّــيت نــــالات
الـصحبه اللي ما تقدّيك ... (عفها)
عــــفها بـــــلا عذر و كلام وبدايات
ما دامها شيـــــــنه فليــــــه تعرفها
و انـــــــــا حزامي خابره فالمهمات
مانــــيب من لا شـــاف لجفه لجفها
بس الردي ليــت ان بوجهه علامات
لجل اتخير صحبتي .... وآعرفها
ء✒️: احمد مهدي ال بالحارث#
#بالحارث_بن_كعب
#نجران_عليها_السلام
#نجران_الان
#نجران
#نجران