بعض قصائد الشاعر الكبير فيلسوف الشعر/ سعد بن علوش
القصيدة: قلادة وخاتم
ودي .... ولا ودي ....... وودي..... وودي
ما تمــــت البســـمات بـــس البـــكا تــــم
الحفــــلة اللــــي نصفها نســــل جــــدي
كنــــها على جـرحــــــي تعـــزم وتعـــاتم
ذبحلـــــها جفنـــــي مســـــــامات خذي
أزوالـــــها ضيفـــــان والـــــدمع حـــــــاتم
أصـــــد بدمــــــــــوعي وأكــــــــابر بقدي
مـــــــا ودي انطلق على الــــــبعد شاتم
وشاحـــــــك الأبيض بعينــــــــي يبــــدي
الخـــــوف والرهبــــــه وحــــــــزن المياتم
أنتـــــــي توفقتــــــي بشـــــوف المقذي
وأنــــــا توفقـــــــت بســــــــواليف شاتم
أنـــــا أعتـــــرف أني خســـــرت التحدي
ما أبكــــي وبكتنــــي قــــــــــلاده وخام
القصيدة: رح للقمر
صـــــار الـــــــزمان أشكال و حروف و أنقاط
صوره و أســــم والناس تنفــــــي و تنـــــقا
كنـــــها على ظهـــــر الشيم تضرب سياط
يا ســـــين يالشيـــــمه و يا مـــــــــل فرقا
كل شـــــــي يهون و ينسى كون الاحباط
الاحباط لــــــــو يروح ذكــــــــراه تبـــــــــقا
لا صــــــــرت صح ووقتك اغــــــلاط بغـلاط
لــــيه اتعـــــذبه و تتعــــــب و تشــــــــقا
رح القـــــمر و أفرش على سطحه بساط
وخــــــل الحثــــــال ان كان بـــه خير يرقا
واختــار من تعشق وتـــــــغليه بفــــــراط
اللي على شـــــــــانه ثرا الأرض يســقا
راعــــــــي الجـــروح اللي بتموز و أشباط
اللـــــي لكـــــل الـــــزين مجمــــع و ملقا
القصيدة: الطريق
قـــال أبقفي قلت شــــف ذاك الطريق
امـــــش فــــي منحاه والا مفـــــــرقه
والطـــــــريق اللي بـــــــــلا خل ورفيق
ما يوســــــــع خـــــــــاطر اللي يطرقه
مــــــانت مــــلاقي مثل صدقي صديق
في مــــــغيب الكــــــــون و الا مشرقه
رح جــــــعل مـــن لاق فعيــــونك يليق
و سوبه مثلـــــي وحبــــــــه و اسرقه
وخــــــــل مــــــن حبك بتوديعك غريق
و لا نــــــجا حــــــرة فـــــــراقك تغرقه
خــــــله اليا مـــــــن ذكر وجهك يضيق
و لانســــــــــاه يـــــــون و يصب عرقه
ســــــمه الناســـــي و سمه بالعتيق
و شب قـــــلبه بالرســـــايل و أحرقه
خــــــل عينــــــه لا قـــرت خطك تريق
عــــــذبه و أذبح طمـــــــوحه بــــورقه
وخــــــله الواقف علـــــى ذاك الطريق
مـــــيت مــــــن البرد و يصــــب عرفه
القصيدة: الحوت الراقدة
أســـجد لــــــوجهك يربي يــــامزيل الهموم
ياكـــــافل العبـــــد مــــن قده إلي لاقــــده
ياللي تشـــــــع بجـــــلالك موضيات النجوم
وياللي تسبحك الحـــــــــــوته و هي راقده
يا رب أجـــــــرني من النار و لهيب السموم
ومن معــــضلات الزمـــــن و العالم الحاقده
و من حاجــــــــة ما تهــــــون إلابمنه و لوم
ومن نقـــــــــدة اللي لو أخطا ماني بناقده
ومن زلــــــــــــــة ماتحملها و ساع السلوم
ومن كلـــــــــــمة لفتـــعالات الغضب واقده
ومن شــــــرهة الطيبين و سخريات الرخوم
ومن رفقــــــــــة اللي لو أقفا ماني بفاقده
يارب أجـــــــرني يـــــــربي يا غفور و رحوم
يا كافـــــــــــل سعــــد من قدهُ إلي لاقده