اقتباس :
المشاركة الأصلية كتبت بواسطة ابن سرور5000
[ مشاهدة المشاركة ]
|
والله امركم غريب عندما تبرع احد رجال الاعمال باستاجار مجلس للقبيله بالمنطقة الشرقيه وتكفله بكل مايلزم رحتو تقولون قد الرجال يدور للشيخه ويبغى يحكم الرجاجيل اللي اطلق من لحيته
عالم غريب والله العظيم
اقسم بالله مايقوم لنا قائمه دام هذا تفكيرنا ومستوانا العقلي
واتحدى واحد ينكر ان ذالشي ماصار ومانبغى نذكر اسماء علشان الخصوصيه
ها وش استفدنا ذلحين كان خليتو الرجال يقوم المجلس هاثم كان تمالينا وكلن دفع اللي عليه
هاوين المهايطيه اللي قالو ريالنا يسبق ريالك وينهم مازد بانت وجيههم عودو للقهاوي واحد معسل وبراد شاهي
ياعمي خلونا ساكتين
لازم انشل منا ذالمرض النفسي اذا شفنا واحد يبغى يسوي شي لقبيلته سوا كان جمعه ولا مساهمه ماننتقص منه ونقعد نقول ذا يدور للشيخه مفروض نحمسه ونشجعه ونوقف بظهره
والله انا على قرب من كثير من رجال اعمال القبيله وودهم يسون شي للقبيله وهلها بس بصراحه متخوفين من المجتمع ومن هالعبارات الساقطه والمفلسيين وراعين القحاشه ماخلوهم في حالهم كل ماقالو قالو يدور للشيخه طيب وش الحل
|
وجهة نظر نحترمها يابن سرور , ولكن .................................................. ...................
-الا تعتقد ان مجلس القبيله حاله دقيقه تستوجب تدخل الشور الطيب الفطن الحازم الخير الخبير,
كخطوه اولى ثم يليها الفروق (الغارم) كخطوه ثانيه ,وتوقيع الشيكات كخطوه ثالثه؟
-اليس من الافضل لمجلس القبيله ان يمثل كافة الشرائح ( الفقير والغني ,الجاهل والعاقل ........)
بالتراضي والمهاداه في بداية الامر ليقوم على اسس قويه متينه لانه مجلس قبيله وليس بامر اخر؟
-الايعد رجل الاعمال نفسه فردا من افراد القبيله قبل كل شي ؟
-الا ترى ان رجال الاعمال يكثر لديهم التخبط وقل الدبره في بعض الامور والرؤيه السليمه ؟ ومعرفة
الزمان والمكان التي يستوجب تدخل اوراقهم الماليه؟
وفي النهايه يبقى رائي في رجال الاعمال حبيس قلبي , فلا انشد الغنى الا من الله سبحانه , وانشاء الله
ان فيهم الخير تقبل تحياتي يابن سرور