ابو زيــد
ابو زيد ياليت الدهر ما غدى به=يـالـيــت نـفـســه تـوهـبــت هـبـوبـهــا
رحـــل عـــن الـدنـيـا وذكـــراه بـاقـيـة=وسط المجالس معجزاته حكوا بها
ابـو زيـد نطـاح الامـور الصعايـب=لولا الشهود الناس ما صدقوا بها
الله مـــــن نــــــاس تـــذكـــر مــحــمــد=إلـيـا ابتلتـهـم مشكـلـة وابتـلـوا بـهـا
يا لادمي
يالله انــا مــن جـــود حـسـنـاك طـالـبـك=عـفــوك ومـــدك حـيــث مـنــت بـخـيـلـى
يـــالادمـــي دنـــيــــاك هـــــــذي تــعــذبـــك=لــوطــفــت فــيــهــا مـالـقــيــت الـدلـيــلــى
كـــل عـلــى مــذهــب امــامــه يـخـاطـبـك=يـبــيــك مـــــن زايـــــد ذنــوبـــه تـشـيــلــى
واليـا عصـيـت اهــل المـذاهـب تعتـبـك=كـــــل يـــقـــول ابـــيـــك يـــمـــي تـجـيــلــى
واليـا عصيـت اهـل المـذاهـب تعاتـبـك=كـــــل يـــقـــول ابـــيـــك يـــمـــي تـجـيــلــي
ولــــو انـتـحـيــت بـعــيــد بالسـؤتـطـلـبـك=وكــــل بـصـاعــه مــــن ذنــوبــه يـكـيـلـي
احـــد يـصـحـح لــــك حـديـثــه ويـرهـبــك=واحـــد يـقــول الـحــق عــنــدي نـزيـلــي
واحـــد يخيـفـيـك فــــي كــلامــه ويــدبــك=وابليـس يضحـك لــه وهــو مستشيـلـي
الــنــاس عــوجــان الـمـنـاطــق تـكــذبــك=وعـن الصحـيـح الـكـذب معـهـم بديـلـي
ان مارضـيـت بقولـهـم نـتــف شـاربــك=وتـكــبــر ذنـــوبـــك لــوغــنــاك تـهـلـيـلــي
نــاس عـلــى درب الفضـيـلـه تـحـاربـك=وعـلــى دروب الــشــر تــهــذل هـذيـلــى
ودروبــهــم عــســرات عــــوج وتـتـعـبــك=مــــا تـســتــوي لـــــك لا ولا تـسـتـويـلـي
ينبـيـك عــن دنـيـاك مـاضــي تـجـاربـك=وعـــزي لـحـالـك كــــان عــرفــك قـلـيـلـى
اتــبــع نـبـيــك واتــــرك الــلــي مـجـنـبــك=واقــضــب مـمـاشــى سـنـتــه لا تـعـيـلـى
الــلــي بــغــار الــثــور لـلـرشــد يـنــدبــك=وابــوبــكـــر عـــنــــده نـــديــــم وخـلــيــلــى
نـصـايــحــه لــلــرشــد حــــــذرا تـغــايــبــك=هـرجــه صـحـيـح وكـــل فـعـلـه جـمـيـلـي
ســـنــــة نــبــيـــك لـلـفـضـيــلــه تــقـــربـــك=الـمـصـطـفـى مــالـــه شـبــيــه وعـديــلــي
واحـــذرك عـــن نـقـالـة الـســو تـقـربــك=ومــــن يـتـبــع الـعــايــل لـــــزوم يـعـيـلــى
لوانت ما تغضب ترى الناس تغضبك=وعــقـــب الـمــعــزه يـجـعـلـوانـك ذلــيــلــى
وتـــرى ردي الـعــرق للـعـيـب يـجـذبــك=وتـصـيـر بـــدروب الـــردا لـــه عمـيـلـي
وبنـت الـردي حــذراك حــذراك تعجـبـك=واحـــذر تـصـيـر لـمـثـل هـــذي حـلـيـلـى
وعن ما يعيب النسـل عـرب مناسبـك=وعليـك فـي بـنـت الحـصـان الاصيـلـي
يــجــي ولــدهــا فــــارق عـــــن قـرايــبــك=ويـقـف فـــي وجـــه الخـصـيـم القبـيـلـي
ان كـبــرت الـقــالات بـالـفـعـل يـعـجـبـك=ويـبــرد هـمـومـك كـــان قـلـبـك غـلـيـلـي
مـثــل القـطـامـي فـــي هـــداده يـشـبـبـك=والــــدم مــــن مــخــلاب كــفـــه يـسـيـلــي
ليـا صارمـا صلبيـن الاريـاء مكاسـبـك=تــــراك بــيــن الــنــاس تـبـقــى هـزيــلــي
وتــرى دروب الخـبـث يالـعـبـد تـذهـبـك=ويفـوت عـمـرك مــا تحـصـل حصيـلـي
احـــذر يـابــن حــــوا تـطـمــن لـحـاجـبـك=الا لــــــــــــرب لـــلـــخـــلايـــق يــــزيــــلـــــي
الــــي بـعـفــوه عـــــن عــذابـــه يـرغــبــك=وعـيـنــه لــكــل الـخـلــق دايــــم تـخـيـلــى
فـي لوحـه المحفـوظ يــا لعـبـد مذهـبـك=نـــزل بـحــق وكــــل مــــا بــــه فـضـيـلـى
ومعاشـر الخايـب مــع الـنـاس يـذربـك=وتصـبـح قلـيـل المـيـز عـقـلـك هبـيـلـى
ومعاشـر الطيـب علـى الطيـب يجلبـك=ويــرقـــيـــك لـلـعــلــيــا بــــظــــل ظــلــيــلــي
لا تقـرب الأجـرب بـالامـراض يعطـبـك=يصـيـر جسـمـك مـثـل جسـمـه علـيـلـي
ممشا الخفامـن صافـي العقـل يسلبـك=ويـصـيــر لــــك يــــم الـرذيـلــه سـبـيـلــي
وعـــن مـــارد الانـــذال نــــزه مـشـاربــك=واشــــرب نـظـيــف لــــوورادك طـويــلــي
وليـاك تنسـى يـابـن الأ جــواد واجـبـك=والــــي يــــروم الـمـجــد حـمـلــه ثـقـيـلــي
يـا لادمــي وان كــان كـبـرت مصايـبـك=ازبــن عـلـى مـحـي ا لـبــلاد المحـيـلـى
ازبـــــن عــلـــى رب بـعــرشــه يــراقــبــك=ونــاجــه وبــعــد الـعـســر يــــره جـلـيـلــي
نـاجــه ولاجـــل ارضـــاه وجـــه ركـايـبـك=وخـــــلـــــك لـــــعـــــلام الـســرايــردخــيــلــي
هـو الــذي ينجـيـك مــن كــود صايـبـك=ويـذريــك مـــن كـربــات هـــول مهـيـلـي
يــا لـعـبـد مـكــن عـنــد ربـــك مقـضـبـك=وفـــكــــر وقـــــــدر وانــتـــبـــه لاتــمــيــلــي
ولـحـدمــن الــخــلاق يـالـعـبـد حـاجــبــك=هـــــو الـــــذي مـــــده وعــفـــوه جـزيــلــى
وهــو الــذي فــي مــا فعـلـتـه يحـسـابـك=وهـــو الــــذي بــــارزاق عــبــده كـفـيـلـى
قالوا علامك
قـالـوا عـلامـك بـاكـي قـلـت مطـعـون=شـوفــو نــزيــف الــــدم مــنــي تــتــالا
قالوا من اللي صوبك قالت عافون=قــالــوعـــدؤك قـــالــــت يـــانــــاس لالا
هذا الحبيب الي لـه القلـب مرهـون=هـــذا حـيــات لـبــروح بـــدر الـكـمــالا
يــــا عـاذلـيــن الـقـلــب لالاتـعــذلــون=وحـيــات رب فـــوق عــرشــه تــعــالا
انــي فــلا انـسـى واحـدفـيـه مـفـتـون=بـيـنــي وبـيـنــه نــــازح الـبـعــد حــــالا
فتان صاب الفـاب كـون بثـر كـون=مـمـلـوح اخـــذ كـــل الـبـهـا والـجـمــالا
كنـه الـى حـرك قوامـه علـى الهـون=غـصـن الــى هــب الـهـوا فـيـه مــالا
قـلـبـي لقـلـبـه لـــو تنـحـيـت مـرهــون=غـيــره حـــرام ونـــور عـيـنـي حـــلالا
صبر وجلاده
حـيـاتــي كـلـهــا صــبــر وجـــــلاده=وغـيـري عـايـشٍ عيـشـة سـعـاده
أنــا الـلـي عـاشـقٍ بالـغـيّ مـغــرم=غريـقٍ فـي هـوى راعـي القـلاده
بــعــيــدٍ عـــنــــه بـــديــــارٍ بــعــيـــده=ولـحــدٍ جـــاب لـــي مـنــه الأفـــاده
يجـيـبـنّـه حــلــوم الـلـيــل عــنـــدي=واحــــطّ الــخـــدّ لـلـغـالــي وســـــاده
والى مني صحيت وقمت اراعي=ولـيــن الـلـيــل يفـجـعـنـي ســــواده
تـصــوّر لــــي عــزيــزٍ مانـسـيـتـه=حـبـيــبٍ مــــا ســــلا قـلـبــي وداده
عـــذولـــي لا تـلـمــنــي بــالــمـــودّه=جـريــحٍ هـايــمٍ فـــي حـــب غــــاده
تـهـل الـدمـع عيـنـي مــن عنـاهـا=وسـفــك الـدمــع للـعـشـاق عـــاده
نشـدت أهـل الـمـودّه وأرشـدونـي=يقولون : الهوى صعـبٍ جهـاده
أقولـه مصخـرٍ مــن روح روحــي=حـيـاتــي كـلّـهــا صــبــر وجـــــلاده
قلبه اسود من الصاج
الله مــــــن هــــــم بـــروحـــي سـهـجــهــا=بخافي ضميري في كنين الحشا لاج
احــــــر مــــــن نــــــار تـــوقـــد وهــجــهــا=منها خطر روحي علـى سلـك ديبـاج
وعيـن عسـى المـولـى يعـجـل فرجـهـا=يــفــوح نـاظـرهــا كــمــا عــيــن هـــــداج
استـرسـلـت لـلـدمـع مـــن مـــا رهـجـهـا=غـيــظ يـكــظ عـبـارهـا مــثــل الأمــــواج
كــــم واحــــد لــــه غــايــة مــــا هـرجـهــا=يـكـنـهـا لــــو هــــو لـلأدنـيــن مـحــتــاج
يـخــاف مـــن عـوجــا طـــوال عـوجـهــا=هـرجـت قـفـا يـركـض بـهـا كــل هــراج
يقضب عليك المخطيـه مـن حججهـا=حلـو نبـاه وقلبـه اسـود مــن الـصـاج
الله خــلـــق دنــيـــا وســــــاع فـجـجــهــا=وعن ما يريب القلب لـك كـم منهـاج
والـرجـل وان شـطــت ليـالـيـك سـجـهـا=عــســـى تـوالـيـهــا تـبــشــر بـــالافـــراج
ارى الليل
يـــقـــولـــه مـــكـــظـــوم الــــفـــــواد عـــلـــيـــل=ارى اللـيـل بسـاعـات الـنـحـوس طـويــل
يـــنـــام مــــــن لا جــــــال هــــــم بــخــاطـــره=ونـاشـيــل مـــــن ظــيـــم الـهــمــوم ثـقــيــل
اشـيــل مـــالا شـــال حـيــد مــــن الـصـفــا=ولانــــي عــلــى شــيـــل الـعـظـيــم هــزيـــل
إلـى صــارت النـفـس العـزيـزة تسوقـنـي=إلــــــــى مــــرقـــــب عـــــــــال ذراه ظـــلـــيـــل
اصـبــر عــلــى ظــيــم الـلـيـالـي وكــودهــا=ونــــاجــــي الــقـــلـــب بــالـــفـــواد عـــلـــيـــل
عـــلـــى أي درب يــــــا لــنــديــم تــدلــنـــي=واظـنــك عـلــى عــســر الــــدروب دلــيــل
ونــا عــارف يــا قـلـب مــا راد هـاجـسـك=ولــــك خــالــق مــــا هــــو عـلـيــك بـخـيــل
الــواحـــد الـــلـــي مــــــا تـــعـــدد فـضـايــلــه=مــــــده إلــــــى شــــــح الـبــخــيــل جـــزيــــل
ولى عشقة ما بيـن الاضـلاع غاطسـه=عــــلـــــى تـــبـــعـــد والــمــســيـــر طــــويـــــل
عـشـقـتـهــا والـــمـــوت بــيــنــي وبـيــنــهــا=ابــتــعــب وراهــــــا لــــــو يـــقــــال هــبــيـــل
عــهـــد الـــمـــوده تــــــم بــيــنــي وبـيـنــهــا=ولا يــنــفــصــم دام الـــبـــحـــور تـــســـيـــل
مـا صــاب قـيـس بـحـب ليـلـى اصابـنـي=عــلــى واحــــد مـــــا بـــــي حـــــذاه بــديـــل
هـــمــــه يـداعــبــنــي بــنــمـــي ويـقــظــتــي=وارجــــى مــتــى غـصــنــه عــلـــي يـمــيــل
خــلــيـــل يـخـايـلــنــي بــعــيــنــه وخــايـــلـــه=مــــالــــه بــنــفــســـي بــالــعــبـــاد عــــديـــــل
اخـيـلـه مخـايـلـه الـعــرب بــــارق الـحـيــا=ونـالــه عـلــى عــســر الـسـنـيـن عـمـيــل
ان تــــم حــبــل الــوصــل بـيـنــي وبـيــنــه=مـــــــا يـلــتــفــت قــلــبـــي لـــكــــل جــمـــيـــل
هـواهــا يعيـفـنـي مـــن الـنــوم مــــا حــــلا=مــــتــــى نــلــتــقــي بـالـفــرقــديــن نــــزيــــل
الايــــا مــهــات الــريــم روفــــى بـعـاشــق=اســرتـــيـــه ولالــــــــه بــالــعــبـــاد خـــلـــيـــل
مـالـه مـــن الـفـزعـه حـــذا وجـــه خـالـقـه=وقــــلــــب تــحـــاشـــا ان يــــقــــال ذلــــيــــل
قلـب علـى الصكـات اقسـى مـن الصفـا=لإلـــى صـــاب مـرعــوب الــفــواد جـفـيــل
وعلى البال يطرى لي من الناس نـادر=جـنــســه إلـــــى ضـــــاق الــزمـــان قـلــيــل
ان كــبـــرت الــقـــالات مـــــارف خــافــقــه=والــــــذل مـــــــا يــلــقـــي عــلــيـــه ســبــيـــل
الــيــا عــتــت جــــرد الـسـنـيـن واجــذبــت=ســحــب الـحـيــا واصــبــح ثــــراه مـحــيــل
كـريــم ولا يـرخــى مـــن الـبـخـل حـاجـبــه=جــــوده إلـــــى شـــــح الـســحــاب يـخــيــل
اعــنـــى فــتـــى وايــــــل وذروة سـنـامــهــا=ســـيــــف بــــحــــزات الــــلــــزوم صــقـــيـــل
عــبـــدالله الـفـيـصــل مــــــن يـــلـــوذ بــــــه=لـــــه فــــــوق نـــجـــم الـفـرقــديــن مــقــيــل
احـــب مـــن يـصـبــر عــلــى كــــل شــــده=إلــى شــاف مــن خـطـب الامــور جلـيـل
ولا هــــوب رجــــاف فــــواده مــــن الــعــدا=دخــــيـــــل لـــــلـــــى مــــــــــا وراه دخـــــيـــــل
اخا الجود من يرقى من المجد ما علا=وخـــــا الـــــذل يــصــبــح لـلـذلــيــل قــتــيــل
مــــن عـــــاش بــالـــذل الـطــويــل لـقـيـتــه=ردى الــــعــــزايــــم لـــلـــجـــبـــان زمــــــيــــــل
قـيـل الـفـتـى بالـعـجـز مـــا يـــدرك الـعــلا=ومــرقـــا الـمـعـالــي يـــــا لـعـظـيــم يــهــيــل
انا الوحيد
يـا شـن بقلبـي منـه صبـحـت مكـضـوم=يعـلـم بــه الـلــي عـــن عـبــاده غـنــاوي
وعينـي يابـو ماجـد حريـب لـهـا الـنـوم=وكــنـــه يـعـالـجـهـا الـطـبـيــب الــمـــداوي
شوف البغيض ينونهـا عمـس وهـزوم=والــقـــلـــب نــــاشــــه بـالـمـعـالــيــق لاوي
ونــا إلــى جـانـي مــن الـنــاس مـزحــوم=احــــــل عـــنــــه الــكــايـــدات الـــدعــــاوي
ارخــص لــه النـفـس العـزيـزه بـلاســوم=ونــــا عــلـــى فــعـــل الـجـمـايــل رهـــــاوي
وعـديــت مــــن ور الـعـنــاراس مــزمــوم=فــــي راس مــرقــاب جــديـــد الـمــطــاوي
رجـــــم طــويـــل نـــايـــف كــــــل مـــرجـــوم=مـهــايــف راســـــه عــســيــر الــمــهــاوي
وهيضت من وسطا الحشـا كـل مكتـوم=زفـــرات مـــا يـقــوى لــهــن كــــل قــــاوي
وانـــا بـعــون الله ولــــو كــنــت مـظـلــوم=لـكـســب الـمـعـالـي بـالـشـدايـد مــهـــاوي
ارومـهــا لـــو دونــهــا حــــرب وســهــوم=ويـــامـــا حــويــنــا بـالـشــدايــد مـــحـــاوي
عـســاك يـلـلــي تـنـقــل الـكـبــر والــــزوم=مــن الـمـرض تـصـلـي بـحــر الـمـكـاوي
انــا الوحـيـد وقـومـي اكـثـر مــن الــروم=وفــــي لــمــة الـعـربــان كــنـــي خـــــلاوي
وحتى صديقي صار من حسبة القـوم=وضـاعــت عــــزوم مـكـثـريـن الــعــزاوي
ودعيت عفن الريش يوم ادرج الحوم=ابــالــرخـــم ونـــــــا احــســبــنــه نــــــــداوي
طــيــر بــحـــزات الــهـــدد يـلـحـقــه لـــــوم=اللـي نقـص بــه ضـايـع الفـكـر غــاوي
خـسـران والخـسـران مــن يـنـقـل الـبــوم=يـبــشــر بـخـيــبــات الـــرجـــا والـــبـــلاوي
الـنـاس فـــي دنـيــاك مـعـطـي ومـحــروم=وكـــلاً عـلــى طـيــب المـعـانـي شـفــاوي
الطيـب لاهـل الطيـب والـرزق مقـسـوم=وطـيـر الـسـعـد طـيــر تـعــدى الـحــراوي
طــيـــر نـقـلـتــه طـالــنــي مــنـــه مــثــلــوم=وبـعــض الـطـيـور يـضـيـعـن الـهـقــاوي
انــا احسبـنـه صـاطــي الـقـلـب مـلـحـوم=وثــره عـــن الـصـيـدات مـثــل الـعـمـاوي
مــــن الـمـذلــه بـــــارد الــوجـــه مــاســـوم=وقـلـبــه عــلــى درب الـرذيـلــه نــحـــاوي
هقـيـت بـــه لاشـــك انـاصــرت مـنـجـوم=وتـوي دريـت انـي عـن الـدرب غــاوي
مــن خـلـق فــي دنـيـاه بالفـعـل مـذمــوم=عـلــى الـــردا بالـحـيـل مـشـيـه نــحــاوي
الله لا يــســقــيــك يــــالــــواد ابــــــــو دوم=وعسـاك صحصـاح بـك الذيـب عــاوي
خمسـيـن عــام مــا يقـولـون مــا ســـوم=يصحـى سـمـاك وكــل مــا فـيـك خــاوي
يجيبـك ماجـا قـوم صـالـح مــن الـشـوم=والـــبـــوم بــاركــانــك يـــجـــر الـــحــــداوي
يالله يـــا مـعـبـود يـــا فــــارض الــصــوم=تـقـبـل دعـــات الـلــي بـجــودك رجـــاوي
مــوحـــد يـطـلـبــك فـــــي ثـــانـــي الـــتـــوم=يرجـى العفـو وارضـاك وامـرك سمـاوي
مــن خلـقـت الدنـيـا الــى يومـنـا الـيــوم=صـبــح يـفــوت ولــيــل يـقـفــاه ضــــاوي
والـنـاس تفـنـي بـيــن مـذنــب ومـرحــوم=وهـنـيـت مـــن لـــه عـنــد ربـــه عــــراوي
سيل حدر
شـــيء بقـلـبـي يـــا مـــلا حـايــر فــيــه=شــيء تحـيـر ابــه العـقـول الفهـامـي
مـخـفـيــه بـــفـــوادي ولا ودى ابـــديـــه=وادور الــخــيــرات شــــــرق وشـــامـــي
احتـرت بـه مـا شفـت شـيء يحالـيـه=واليـوم ابـا انشـد عنـه مانيـب كـامـي
سـيـل حــدر مـــع وادي غـيــر واديـــه=مـــــدري حــــــلال مــــــاه والا حـــرامـــي
كـانـه حــلال وجـايــز شـــرب صـافـيـه=وش حلله يــــا مـفـسـريـن الـحــلامــي
هــاتـــوا تـفـصـايـلـه وهــاتـــو مـعـانــيــه=نـبــي الـدلـيـل الـلــي عـلـيـه الـكـلامــي
نـبــي دلــيــل يـفـهــم الــــدرب مـاشـيــه=يـمـشــي بــــه الـتـايــه بـلـيــل ظــلامــي
يمـشـي بــه التـايـه ويـقــدي مـواطـيـه=ويشـرب قـراح المـا ليـا صـار ظـامـي
لا شــك هجـسـي يــوم خــلا مماشـيـه=انـــــه حــــــرام ومـــنـــه زود الاثـــامـــي
احــــرم مــــن الــزقـــوم مـــــره وحـالــيــه=وشربه على الضامي يزيـد الهيامـي
الله مــــــن قـــلـــب هــمــومــه تــقــزيـــه=تــــدك بــــه مــثـــل الــجـــراد الـتـهـامــي
مـن مـا جــرى قـامـت تتـلـه مشاحـيـه=تـل الرشـا مـن فـوق هـدف المقامـي
روابـــــع قــامـــت تـصـيـبــه وتـخـطــيــه=شــاف الهـوايـل واخـتـلاف الاسـامــي
مــا يسـمـع الـداعـي لـيـا قــام يدعـيـه=يـعــوم فـــي بـحــر مـــن الـهــم طـامــي
مــــا يـنـتـبـه لــلـــي بـصــوتــه يـنــاديــه=يـــزيـــد هـــمـــه يــــــوم كـــــــل يــنــامـــي
يــشــوف وقــــت مــــا عـرفـنــا تـوالـيــه=وقــت يـشـيـب مـــن بـســن الفـطـامـي
هـــــــذا زمــــــــان كــــاثــــرات بــــلاويــــه=الـغـيــم يـقـلــب فــيــه عـــــج وكـتــامــي
يـا بعـد شـرب المـا علـى كبـد راجـيـه=مـــا سـيــل الـغـبـرا زعــــوج الـجـهـامـي
انبيـك يــا مــن كلـمـة الـحـق ترضـيـه=اعـطـيـك مـــا ينـفـعـك وافـهــم مـرامــي
قـــصـــر يـــذلـــك لا تــقــابــل مـبــانــيــه=خـلـه عـسـى شـامـخ طويـلـه هـدامــي
خله عسى مـا صـاب اغاديـر يفنيـه=يـــــودع مـنــازلــه الـطـويـلــه رجـــامـــي
لــــوزان مـدخــالــه وطــالـــت حـوامــيــه=شـيـد عـلـى الخـيـبـه قـلـيـل الـرحـامـي
وحــــــي يـــوريـــك الــمــذلـــه وتـغــلــيــه=انـا اشهـد انــك مـيـت القـلـب عـامـي
مـــــن لا يـــــودك لا تـــــوده وتـرجــيــه=ارفـــع مـقـامـك يـــا عــزيــز الـمـقـامـي
ارفــع مقـامـك عــن عـــدوك وتـوذيــه=ويلحقـك مــن تـركـت رفيـقـك مـلامـي
حـــــق الـرفــيــق وواجــبـــه لا تـخـلـيــه=يـلـزمــك مــثــل الـوالـديــن الـحـشـامــي
اخـتـر عـزيـز الـجـار والـحـق يعـطـيـه=شــبــل عــلــى هــــرج يـقـولــه حــامـــي
مـــادك بـــه عـــرق الـمـذلـه وطــاريــه=ويسبق على فعـل الفضيلـة شمامـي
ومن قارب الاجرب بالامراض يعديه=عـــداوه تـسـطــي بـالـلـحـم والـعـظـامـي
درب الــســلامــه بــيــنــات مـمــاشــيــه=ودربـا علـطـب يــرث علـيـك اللكـامـي
ابـعــد وقـلـبـك نــــازح الـبـعــد يـشـفـيـه=وتلقـى عـن الـدار البغيـضـه مقـامـي
دار بــــدار وداعــــي الــــذل عـاصـيــه=ولا تـقـبــل الــذلــه نــفـــوس الـكــرامــي
الـــــذل مــــــوت حــايــمــات ضــوامــيــه=ادخل على منـزل فـروض الصيامـي
عـــن مـقـعـد بـالــذل عـيـنــك تـراعـيــه=الـمـوت عـنـد الــذل امـــان وسـلامــي
يـرضـى المـذلـه مــن تــردت هـقـاويـه=والــذل يـجـفـل مـنــه قـلــب العـصـامـي
والعـبـد لــه رب عـــن الـنــاس يغـنـيـه=ولـولاه مـا صـاب الـهـدف كــل رامــي
عين تروم العز
ارى الوقـت مـن بعـد الوضـوح ظــلام=ولا عـــــــاد بـــــــه لـلـغـانـمـيــن مــــقــــام
تــوارت بــدوره مــن غيـاهـيـب ظـلـمـه=وغـشــاه مـــن بـعــد الــوضــوح ظــــلام
الا يــا زمــان الـغــدر لا عـــاد يـومــك=وعـلـى الـدهـر الاول كــل يــوم ســلام
عـلـيــك مــنــي كــــل مــــا ذر شـــــارق=ســـواد عـلــى روس الـهـضـاب يــقــام
نـجـزاك بالـسـودا عـلـى واضــح النـقـا=ولا عـــاد لـــي بـــك يـــا زمــــان مــــرام
بالوقـت هـذا شفـت مـا يبحـث الخـفـا=ضـعــاف المـعـانـي صـوروهــا جـســام
اشـــوف فـيــه الـبــوم يـدمــي مخـالـبـه=والـــحـــر بـــيــــن الــطــايـــرات يـــضــــام
والـنـمـر مـجـلــد والـحـضـانـي تـهـومــه=اصـابــه مـــن شـــوف الـهــوان هــيــام
يـــشـــوف بـالـعــيــن الــعــزيــزه مـــذلـــه=ولا طـــــاب لـعــيــون الــعــزيــز مـــنـــام
عـيـن تــروم الـعـز مــا تـالـف الـكــرى=ارم عــلـــيـــهـــا ان تـــــنــــــام حــــــــــــرام
نصـبـر عـلـى هــذى وهـــذى ومثـلـهـا=وافــراجــهــا عـــنــــد الــكــريـــم شـــمــــام
يـا مدوريـن الطيـب مـا هـوب بالمـنـا=الــطــيــب عـــنـــد الـغـانـمـيــن اقـــســـام
اقـولــه عـلــى مـــن هيجـتـنـي مثـالـيـه=وحـــطـــت عـــلـــى الـهـيــنــات عـــظـــام
فتـاً مــا بـلـغ بالعـمـر عشـريـن حـجـه=وصــعـــد لـنــجــم الـحـاجــزيــن وحــــــام
مشـا بيـن صفـات الجمـوع وصفـقـت=لـــــــه الــقــلـــوب الـســامــيــات غـــــــرام
ونــــا عــلــى مــــا راد والــــم وحــاضـــر=ومــالـــي ونـفــســي بــالــلــزوم عــــــدام
خذ العهد من رجل إلى قال ما كـذب=وده يـــــمـــــوت ولا يـــجـــيــــه مــــــــــلام
يــرى الـمـوت بـالـعـز الـرفـيـع سـعــاده=وبــالـــذل مــــــا يـــرضـــا الــحــيــاة دوام
الـذل يرضـى بــه مــن الـنـاس خـامـل=والــحـــرعـــاف الـــخـــامـــلات وشـــــــــام
يـــشـــوم مــــــن دار لــــــدار يــرومــهــا=وعــســاك يـــــا دار الـبـغـيــض هـــــدام
على من بحث سدى وهيج صبابتي=ســـــــلام عـــــــدد وبـــــــل ذراه غـــمــــام
الحر يجزع
مـرقــا الـعــلا خــطــر عـسـيــر صــعــوده=مــا يطلـعـه مــن لا تجـلـد عـلـى الـكــود
والـبــيــت مـــــا يــبــنــي بــلــيــا عـــمـــوده=والحيف يزعـل مـن عـن الحـق مـردود
والــحــر يــجــزع يـــــوم تــوطـــا حـــــدوده=وتشرهـه نفـسـه عـلـى الطـيـب والــزود
ولا يـشـتـكـي مـــــن لا تــضـــره لــهـــوده=ان شاف جور الحيـف والعـدل مفقـود
والـوقــت شـفـنـا كــــل بـيـضــه وســــوده=وشـفـنـا نـهــاره مـــع لـيـالـيـه مـضـهــود
والـغـيـم لـــو تـسـمـع صـواعــق رعـــوده=لا مـمــطــر وبـــــل ولا هـــــوب مـــريـــود
يـــا مـدوريــن الـطـيـب قـيـسـو عـــدوده=والـطـيـب عــــد بــيــن الاجــــواد مــــارود
والـنــاس بـــارض الله تـراهــم شــهــوده=وحـق بــلا فـعـل عـلـى الـرجـل مجـحـود
والــنــذل حــيــلات الــــردى مــــا تــكــوده=والـيـا بـغـا الـطـولات مــا يــدرك الـجــود
عــــــن الــمــراجـــل قـــاصــــرات زنـــــــوده=طيـر العـشـا يصـبـر عـلـى كــل منـقـود
الـخـيـل مـــا تـشـكـي مـضـاريـب عـــوده=وبالقيض ما ركب النضا مثل صاهود
يـعــيــش فـــــي دنـــيـــاه هـــمـــه رقــــــوده=و نـفـضــنــه قـــــــرح الــخــيـــل والـــقــــود
لا عــــل رحــمـــة خـالــقــه مـــــا تــعـــوده=وعـسـاه مــع زمــرة هــل الـنــار بـخـلـود
هـــــــــذا زمـــــــــان هـــايـــبـــات فــــهـــــوده=والـنـاس نــادو عـنـتـره بـاســم مـسـعـود
واشــــوف لــــي رجـــــل يــعـــدد جـــــدوده=لـو ان ابـوه وجـده اضعـف مـن الــدود
كـلـت مـــن الـمــا طـــا رواســـي حـيــوده=والــبــوم شــــاش ولا بـــــس درع داوود
والـنـيـص حـــط لـهـامـة الـــراس خـــوده=عــقــب الـمـذلــه لــــه طـوابـيــر وجــنــود
مـــا كـــن شــــيء فــــي زمــانــه يــكــوده=شـاهــد بـهــا الـدنـيـا سـلامــات وركـــود
وحـتــى الـغــراب الـيــوم يـفـخـر بـجــوده=والــفـــار بــذراعـــه قــطـــع كـــــل بـــالـــود
والـــشـــرى والــحــرمــل تــبــاهــت وروده=وقامت تشيل غصونه المـاس وعقـود
يــا حسـيـن زانـــت لـــه لـيـالـي سـعــوده=وصـــدق حـيــاه بـزايــد الـوبــل ورعــــود
قالوا غريب
قالـو وحيـد وقلـت مـا عنـدي اونــاس=وقـالـو غـريـب وقـلـت بـــارض بـعـيـده
ابعدت مابي شوف ناس مـن النـاس=بـعــدت عـــن بـعــض الـمــلا وتـعـديـده
مـطــاوع قـلـبـي عـلــى كـــل الأجــنــاس=والـبـعـد عـــن شـــوف الـمـكـاره يـفـيـده
اخترت بعد الدار عن قرب الانجاس=عــــن دارهـــــم نـلــقــى ديـــــار جــديـــده
في وسط نجد اتبـع هـوا كـل نسنـاس=واطـــرب لـشــوف اطـيـورهـا وتـغـريــده
اعشـق ليالـي نجـد لـو انـهـا ادمــاس=و ايـامــهــا عــنـــدي جــنـــان سـعــيــده
شمـي لعـشـب رياضـهـا يقـعـد الــراس=ومـا فـات مـن ساعـات عمـري بعيـده
شـوف الزهـر يبعـد عنـا كـل هوجـاس=ويـريـح عــن قـلـب الشـقـا مــا يـكـيـده
وحس الرعد في رايـح المـزن رجـاس=دقــــات عــــود عــنــد سـمـعــي فــريـــده
وان قال لي بعض المخاليق لا بـاس=قــلــت الـهـضـايـم بالـضـمـايـر مـجـيــده
الله مــــن هــــم بــالاضـــلاع غــطـــاس=اقـــام وســـط الـقـلـب وابـطــى شــديــده
فــكــرت بـالـدنـيـا بـتـقـديــر واحــســـاس=ولاجــت لــي الدنـيـا عـلـى مـــا نـريــده
الـلـي نـبــي تقـطـعـت عـنــه الارمـــاس=وعـنــه اخـتـفـت كـــل الـعـلـوم الـوكـيـده
الـقـلـب يـبـغـض كـــل غـــادر وبـــلاس=الـــلـــي يــلــطـــخ دم الاجـــــــواد بـــيــــده
واحـب مـن يتعـب عـلـى كــل نـومـاس=ومـن فـيـض جــوده مــا يـمـد الزهـيـده
الـلــي لــيــا كــــادت والاريــــاق يــبــاس=يصـبـر عـلـى كــود الامــور الـشـديـده
وللنفـس عـن طـرق المثاليـم حـبـاس=يـتـعـب عــلــى كــــل الـعـلــوم الـحـمـيـده
واحـب نجـد وكــل حـبـي عـلـى ســاس=حــــب بـقـلـبـي لــــه قــصـــور مـشــيــده
عندي وعرهـا مـع سهلهـا والاطعـاس=غابـات ورد ٍ فـي زهــور ٍ نضـيـده
بريـاضـهـا مـحــلا هـــدد كـــل قــرنــاس=ان شـــاف حـفــان الـحـبـاري يـصـيــده
عدل المناكب لا بـرق الريـش دواس=مــا نــاش فــي مـخــلاب كـفــه يـجـيـده
يـا حلـو هداتـه علـى الـجـول غــلاس=يــنــحــر كــثــيــره ويــتــعــدى الــفــريـــده
اجــرد عـديـم لهـايـش الـخـرب فـــراس=والـطــايــره لـــــو تـرتــفــع مــــــا تــكــيــده
أيـــام عـجــات الــهــدد كـلـهــا اونــــاس=يـــــا حــلـــو بـالــخــد الـبــيــاح تـهــديــده
اقفوا عن الدنيا
قلت آه من صبر ٍ صبرته على الكود=ومـــن ونــــة ٍ لـلـقـلـب جــاحــت وقــــدت
ونــة عـتـب ونــة غـضـب مـالـهـا حـــدود=يــا ليـتـهـا عـــن مـغـلـق الـصــدر صـــدت
لـــو هـــي بـحـيـد ٍ ذوبـــت كـــل جـلـمــود=عــلـــى الـضـمـايــر بـالـهـضـايــم تـــحـــدت
قــامــت تــعــرض لــــي بــالايــام والــســـود=ان قــلـــت قـــفـــت عــــــودت لــــــي وردت
ان قـلـت هـانـت بالـحـشـا جـابــت الـــزود=وجــاحــت خـفـايــا ضــامـــري واسـتــجــدت
وزادت جـــروح الـقـلـب بــجــروح ولــهــود=ودنــيــاي مــالــت عــــن سـنـعـهـا ولـــــدت
والـعــيــن كـــــن بـنـونــهــا مـــلـــح بــــــارود=عــلـــى الـســهــر كـــــل الـلـيـالــي تــحـــدت
تسـهـر وبـعـض الـنــاس هـجــاع ورقـــود=وهـــــي تــبـــي فــرقـــاه مــــــا فـــيـــه لــــــدت
ونشـدت يـا تركـي عـن اللـي بـهـم جــود=وقـالــوا ضـعــون اهــــل الــمــروات مــــدت
الـعــدل مـــن شـــد ومـــع الـنــاس مـفـقـود=وبـفـعـالـهــم عـمـســيــن الاريــــــا تـــقــــدت
مـنـزالـهـم خــــال ٍ تـصـافــق بــــه الــنــود=مـن يــوم عـنـه اســلاف الاجــواد شــدت
اقـفـوا عـــن الـدنـيـا هـــل الـخـيـل والـقــود=الــلــي فضـايـلـهـم عــلــى الــنــاس بـــــدت
هـــــل الـفــعــول ولـبـسـهــم صــنـــع داوود=وهــل المـهـار الـلـي عـلــى الـضــد كـــدت
عصـمـان الاريـــا مـشـرعـة كـــل مـجــرود=لــيــت الـلـيـالـي الــســود عـنــهــم تــعـــدت
الـــنــــاس بــــالايــــام طــــــــارد ومــــطــــرود=يــــــا لـيـتــهــا بـــاهــــل الـــمــــروه تـــحــــدت
وطيـر الفـلاح اللـي عـن الصيـد مــردود=عــقــبـــه تـــبــــوع عــلـــمـــت واســتـــهـــدت
اشــوف نــاس عنـدهـا الحـقـد مـــا جـــود=ونـفـوسـهــم عـــــن كـــــل عــلــيــا تــــــردت
الــعــدل فــــي سـاحـاتـهـم صــــار مـفــقــود=وعــــــن الـفـضـيـلــه جــنــبــت واســـتـــردت
مــا يـرفـعـون الـنـفـس عـــن كـــل مـنـقـود=ان مــــا تـعـشــت عـرضـهــا لـــــه تــعـــدت
تعـطـي عـــن العـلـيـا مـحـاريـف وصـــدود=ووجـيـهـهــم مـــــا قــيـــل بــالــجــود نــــــدت
لزيت نفسي
لـزيــت نـفـســي مــيــر عــيــت تــلــزا=وقهرتها غصب على غيـر ماجـاز
ميـر انـهـا شـامـت تـبـي درب عــزا=وتبـي مـن الاحـراز تظـهـر لـلابـراز
ان صار من بعض المشارب تكـزا=النفس ماتغصب على غير ماجاز
كــــن الـمـنـاشـر لــــه تــعــط وتــحـــزا=وكنـه يكظـه قالـع الـضـرس بالـكـاز
عيـنـي الــى نـامـت عـيـون الاعـــزا=ياقـف لهـا عــن لــذه الـنـوم حـجـاز
رايـاتــهــا وســـــط الـضـمـايــر تـــــرزا=ليـتـه يـذاودهــا عـــن الـنــوم حـــواز
اكــنــهــا ولـــهــــا بـــصــــدري مـــــــوزا=اخــاف يقـضـب غيبـتـي كــل لـمــاز
حــلــو كــلامــه مــيـــر قـلــبــه مــخـــزا=وده يحطـك وسـط نــار مــن الـغـاز
واسـهـر وعـنــدي شـنــف تـقــل وزا=وانالهن مـع ضيقـة الصـدر معتـاز
فـنـجـالـهـن بــيـــن الـشـفــايــا يـــمـــزا=اشقر ومشروبه عن الخمر يمتاز
الهواجيس
قـالــوا مـــن الـحـكـمـة لــــزوم ٍ تـصـانــع=حتـى تكفـى شــر نــاس ٍ مــن الـنـاس
وانــــــا يـنـاجـيـنــي عــــــن الــــــذل مـــانـــع=وعـيـيــت لا أرضــــي تـطـمـيـنـة الـــــراس
يرضي المصانـع مـن علـى الـذل خانـع=وعـلــى دروب الـــذل يـلـقـا لـــه أجـنــاس
الـــــــذل يـــــــوذي لا بـــســــات الـمــقــانــع=وشلون يرضونه رجال ٍ لهم ساس!!
يــا بــو عبـيـد الـوقـت مــا هـــو مـسـانـع=وعـيـنـي يـذاودهــا عـــن الـنــوم حــــراس
وفـــكـــري بــغــبــات الـهـواجــيــس دانــــــع=وان فات هوجاس ٍ دخل فيه هوجاس
ارواحنا بافلاك الايام تومي
يـنـام مــن هــو مــا يـعـرف الهمـومـي=وعينـي إلـى نامـو حريـب لهـا الـنـوم
الله يــلـــوم الـــلـــي لــحــالــي يــلــومــي=لا ساهر ٍ سهري ولا هوب مهموم
مــا هــوب مثـلـي يزعـجـه كــل يـومـي=هـــم يـلــوج بـداخــل الــصــدر مـكـتــوم
لا مـبــديــا اســــــرار قــلــبــي لــقــومــي=واللـي بسـر الغيـب مـا هـوب مفهـوم
أخــاف ابـــوح الـســر تـبــدا الثـلـومـي=وتاقف على مكنون سرى هل اللـوم
عـاهــدت قـلـبـي مـــا يـبــوح العـلـومـي=ولا يـــويـــق بـغـايــتــه كــــــل مـــذمــــوم
بالـلـيـل اسـاهــر سـاريــات النـجـومـي=والصـبـح اعــدى بالنـبـا كـــل مـزمــوم
اوجــس بقلـبـي مـثـل حــر السمـومـي=ولا صفـالـي خـايـن الـدهــر لـــو يـــوم
يــا سـيــف قـــم لـعــل حـظــك يـقـومـي=ولعـل ابـوك بساعـة الحـشـر مـرحـوم
الــنــار شــبـــه يـــــا قـــــوي الـعــزومــي=وهــات الــدلال وتـــرك الـنــوم لـرخــوم
خـابــرك يـــا لـطـيـب ودود ورحــومــي=قــم ســو مــا يبـعـد عـنــا كـــل شـغــوم
فـنـجـال بــــن مــــا يـحـضــره رخــومــي=مـبـهـر مـــن بـيــن الأجـــواد مـقـســوم
أرواحـــنـــا بـــافـــلاك ألايــــــام تـــومـــي=ولــو يـطـول العـمـر فـالاجــل مـحـتـوم
روحي بيد فارض صلاتـي وصومـي=اللـي بحبـل اليسـر ينـجـي المضـيـوم
الــواحــد الــلــي نـطـلـبـه كـــــل يــومـــي=منجي ليوسف عقب مـا هـو مظلـوم
دنيا الشقا يا سيـف مـا هـي تدومـي=كــــم واحــــد فـيـهــا مـشـيــح ومـنـجــوم
وافـــرح الـــى قـالــو تـقـافـت غـيـومــي=على شفا الباطن وهو قبل مـا سـوم
حـيـثـه مـــرب لـكــل وضـحــا ردومــــي=اللـي بهـا زود علـى الطـوق بـرشـوم
عـســى تـعـلـه مـرهـشــات الـوسـومــي=يمـطـر عليـهـا الـوبـل يــوم بـعـد يــوم
عـشـبـه يـغـطــي نـايـفــات الـحـزومــي=فيـه الـزهـر فــوق الزمالـيـق منـضـوم
مـخــالــف الـــنـــوار غــــــاد ســهــومــي=والعشب مـن وبـل المراهيـش كيهـوم
فـيــه أم سـالــم مـــن طـربـهـا تـعـومـي=تلفح بسمح الريـش فـي كـل مرجـوم
مـن الطـرب فـي كــل روض تحـومـي=وتـقـضـي الـدنـيـا زغـاريــت وســجــوم
ان شــافــت الــنـــوار نـبــتــه يــزومـــي=ما سايلت عـن حـال معطـا ومحـروم
حوريه
حــوريـــة كـــــن الــمــهــا مـرضـعـتـهــا=وكــنــه يـجـريـهــن عـلـيـهــا قــرابـــات
كـــــن الــغـــزال ام الــغــزيــل غــذتــهــا=العفـو مـالـي مــن خطـرهـا سـلامـات
ان سـلـهـمــت بـعـيـونـهـا واطـرقـتـهــا=منهن سهوم الموت للقلب عجلات
يمـنـاي بـالـكـف الـشـمـال اصفقـتـهـا=واحسرتـي ضيعـت روحـي وحـاجـات
نـفــس مـخـالـيـب الــفــراق خطـفـتـهـا=تاهـت بهـا مابيـن الاحيـا والامــوات
يم نجد
طــارشــي يــــم نــجــد هــــي واهـالـيـهـا=ردنــــــــي ســــــــلام عــــاطــــر حــــالـــــي
مـــــن حـــــرار تـكــافــخ يـــــم داعــيــهــا=فـي فلسطـيـن تبـغـى صيـدهـا جـزالـي
شــوفــة ديــارنـــا مـــــا عـــــاد نـبـغـيـهـا=ليـن نشـرب مـن المـاء كـدر وزلالـي
والـــمــــحــــارم نــخــلــيـــهـــا لـــوالـــيـــهـــا=سـامـك الـعـرش ربـــي يـعـلـم الـحـالـي
يــا عـمــار بـســوق الـمــوت نهـديـهـا=لـــــو ثـمـنـهــا عـلـيـنــا كـــايـــد غـــالـــي
إن رجــعــنــا بـــعــــز نـهــتــنــي فــيــهـــا=وإن هـفـيـنــا نــفـــوز بـجــنــة الـعــالــي
نكحـل العـيـن مــن عــج سـمـك فيـهـا=يـــوم ضـــرب الـمـدافـع تـقــل زلــزالــي
والـحــرايــب إلـــــى شــبـــت نـصـالـيـهـا=والـمــراجــل كـسـبـهــا طــيـــب الـغــالــي
بـنــت يـالـلـي تـخـطــى فــــي تـمـديـرهـا=الـحــذر لا يــغــرك بــعــض الازوالــــي
لا تـــغـــرك عــلــومــه يــــــوم يـبــديــهــا=مثل بعض التنك يبرق على الخالي
تــــــارك واجـــبـــه والــنــفــس يـغـلـيــهــا=قـاعــد عـقــب ربـعــه يـجـمـع الـمـالــي